Reagim i LDK-së në Austri: Sulmet kundër forcave të KFOR-it dhe institucioneve ndërkombëtare janë kundër lirisë dhe pavarësisë së Kosovës

Reagim i LDK-së në Austri: Sulmet kundër forcave të KFOR-it dhe institucioneve ndërkombëtare janë kundër lirisë dhe pavarësisë së Kosovës

22 mars 2004 / TN / LDK-Austri

Lidhja Demokratike e Kosovës, Dega në Austri, i përcolli me shqetësim ngjarjet tragjike të ditëve të fundit në Kosovë. Ishte shumë e dhëmbëshme vdekja e tre fëmijëve në Çabër!

LDK në Austri u shpreh ngushëllime familjeve të tre femijëve si dhe të gjithë të vrarëve të tjerë, ndërsa të lënduarve u uron shërim të shpejtë. Eskalimi i situatës ishte shumë tragjik! U kurorëzua më shumë të vrarë e edhe më shumë të plagosur, si dhe me dëme të mëdha materiale e pronësore.

LDK-ja , dega në Austri, i dënon të gjitha aktet e dhunëshme dhe është kundër zgjidhjës së problemeve me dhunë. Një gjë e tillë është e papranueshme në botën demokratike.

Ngjarjet e dhunëshme i kontribuojn destabilizimit të Kosovës, për të cilën është shumë e interesuar serbia dhe kësaj here ne, shqiptarët, ramë në kurth të tyre. Veçanërishtë, Dega e LDK-së për Austri, dënon ashpër sulmet ndaj ushtarëve të KFOR-it dhe Institucioneve Ndërkombëtare në Kosovë.

Konsiderojm se sulmet e tilla janë kundër lirisë dhe pavarësisë së Kosovës dhe i ftojm të gjithë qytetarët që t’i mbrojnë “Shtëpit e Zotit”, të cilat i kemi mbrojtur me shekuj. Një gjë duhet të bëhet e çartë: Kosova është çliruar nga NATO e UCK-ja e ka ndihmuar atë.

Në kohën kur Kosova po hynë në një fazë të rëndësishme të zgjidhjës së statusit të saj përfundimtar ndodhin ngjarje të tilla shumë të shëmtuara, që nuk u përkasin shqiptarëve, të cilat do të kenë pasoja të mëdha politike për të ardhmen e Kosovës si dhe do të zbehë shumë imazhin e saj dhe shqiptarëve në botë.

Kryesia e Degës së LDK-së për Austri, kërkon nga UNMIK-u që të shpërbëj strukturat paralele në Kosovë, të bëjë arrestimin e të gjithë kriminelve serbë në Mitrovicë, cbllokimin e të gjithave rrugëve të Kosovës si dhe vendosjen e sigurisë në Kosovë.

LDK në Austri përkrahë dhe mbështetë institucionet legjitime në Kosovë në krye me Presidentin Ibrahim Rugova dhe iu bën apelë qytetarëve të Kosovës që t’i ndëgjojn ato dhe të bashkëpunojn me KFOR-in, UNMIK-un dhe SHPK-në.