Mitrovicë: Zyra për informim publik e Kuvendit të Komunës, njofton se është bërë identifikimi i të katër personave të vrarë nga ekstremistët serbë më 17 mars 2004

Mitrovicë, 19 mars 2004 / TN / H. SYLA - Bordi i Drejtorëve të Administratës Komunale të Kuvendit të Komunës ju ka shpreh ngushllimet më të thella familjeve të personave të vrarë nga ekstremistët serbë, të mërkurën më 17.03.2004.

Bordi i Drejtorëve, krahas përkrahjes morale që u jep familjeve të viktimave të vrara në protestat e së mërkurës, ka marrë edhe vendimin që për këto familje të ndajë një ndihmë emergjente në artikujë ushqimorë, gjë e cila është bërë gjatë ditës së sotme.

Poashtu, Bordi ka vendos që ti bartë edhe të gjitha shpenzimet e nevojshme për varrimin e kufomave të të vrarëve. Data e varrimit të këtyre viktimave nuk dihet ende, sepse ato gjenden ne morgun e Rahovecit për ekspertizë mjeko-ligjore, por qytetarët do të informohen me kohë përmes mediave.

Zyra për informim publik e Kuvendit të Komunës, njofton se është bërë identifikimi i të katër personave të vrarë nga ekstremistët serbë më 17 mars 2004.

Këta janë:

1. Isak Ibrahimi (39), nga Shupkofci i Mitrovicks,
2. Ferit Çitaku (24) nga Mitrovica, banor i lagjës “Ura e Gjakut”,
3. Ajvaz Shatrolli (62), nga Mitrovica, banor i lagjës “Bair” dhe
4. Fatmir Avdullahu (38), banor i Tunelit të Parë.