Mitrovicë: Komunarët përcaktojnë masat e fushëveprimit për të dal nga kriza dhe apelojnë qytetarët për maturi

Mitrovicë: Komunarët përcaktojnë masat e fushëveprimit për të dal nga kriza dhe apelojnë qytetarët për maturi

Mitrovicë, 19 mars 2004 / TN / H. SYLA - Bordi i Drejtorëve të Administratës së Kuvendit të Komunës, drejtuar nga Kryeshefi Mustafë Pllana, ka mbajtur mbledhje të jashtëzakonshme, në të cilën ka diskutuar për gjendjen e krijuar në komunë dhe ka përcaktuar masat nga fushëveprimi i vet për stabilizimin sa më të shpejtë të kësaj gjendje.

Bordi i Drejtorëve vlerësoi se situata në komunë është shumë e rëndë, prandaj u ka bërë apel qytetarëve që të jenë shumë të matur në veprimet e tyre, të jenë gjakftohtë dhe të bëjnë gjthçka që është e mundur për të dhënë kontribut në qetësimin e gjendjes dhe normalizimin e jetës në komunë.

Kryeshefi i Ekzekutivit, Mustafë Pllana ka caktuar obligime dhe përgjegjësi të veçantë për të gjithë drejtorët e drejtorive të Administratës Komunale, duke kërkuar nga ata që të kenë një bashkëpunim sa më të ngusht me instiucionet publike, sikur janë ato të shndetësisë, zjarrëfiksat etj, si dhe t’i mobilizojnë të gjithë segmentët e duhur për ofrimin e shërbimeve të nevojshme për qytetarët, në mënyrë që jeta të mos paralizohet.