Disa fakte skandaloze lidhur me doktoraturën e Prof. Assoc. Dr. Mehmet Maxhuni Dr. Sci. Med

Disa fakte skandaloze lidhur me doktoraturën e Prof. Assoc. Dr. Mehmet Maxhuni Dr. Sci. Med

19 mars 2004 / TN

Albert KRAS / Marrë nga Tjetërqysh ( Faqe e studentëve të UP-së)

Kush ka patur rastin të shoh nënshkrimet, vulat, faksimillet apo mbishkrimet për kirurgun e QKUK-së, Mehmet Maxhuni, do të shoh se ai ka para dhe pas emrit të tij një titull të gjatë shkencor që për njerëzit që e dinë historinë e këtij titulli, kjo jo që nuk zgjon ndonjë respekt për ndonjë punë të madhe shkencore, gjë që faktikisht nuk ka ekzistuar, por është një tregues sa tragjik aq edhe komik për ata që sot rrahin gjoksin për tituj shkencor ndërsa kokën e kanë bosh.

Absurdi qëndron në atë se në periudhën para luftës në Kosovë, Z. Mehmet Maxhuni ka doktoruar në temën “Përparësitë dhe të metat e kolecistektomisë laparoskopike (heqja e idhzës me laparokop) ndaj asaj të hapur”. Pra kjo ka ndodhur në kohën kur ai jo që nuk kishte kryer vetë asnjë lloj operacioni laparoskopik por në atë kohë kjo lloj kirurgjie nuk është aplikuar në asnjë rast në Kosovë, pra nuk ka ekzistuar në Kosovë.

Për ta ‘maskuar' të vërtetën në vitin 1998 (nëse nuk gaboj), Prof. Assoc. Dr. Mehmet Maxhuni Dr. Sc.Med, ka qëndruar për rreth një muaj në Tiranë. Tirana kishte disa vite që e përdorte këtë metodë por ajo që është e çuditshme në këtë rast është përgjigjja e pyetjes se çfarë mund të bëhet për një muaj?

Kuptohet vetëm shëtitje, takime dhe mundësia për të parë ndonjë rast të kolecistektomisë laparoskopike në spitalin e kirurgjisë (spitali nr.2), klinika 3, në Tiranë.

1. Për njerëzit si Z. Maxhuni, që deri atëherë nuk kishin parë laparoskop me sy, një muaj nuk mjafton as për të mësuar për ta mbajtur kamerën e jo më për të kryer ndonjë operacion laparoskopik.

2. Siç del edhe nga regjistrat e operacioneve në Tiranë për kohën kur Z. Maxhuni ka qëndruar atje, nuk ka asnjë operacion laparoskopik të kryer nga Z. Maxhuni.

3. Në Kosovë laparoskopia u fut pas luftës nga arabët pas një trajnimi të gjatë që ata u bënë mjekëve në QKUK. As sot në QKUK nuk i lejohet të bëjë operacion laparoskopik personit që ka më pak se një muaj që e ka parë me sy këtë aparat.

4. Kur mësuan në Tiranë për titujt e lartë shkencor që Prof. Assoc. Dr. Mehmet Maxhuni Dr. Sc.Med kishte marrë më vonë, kirurgët në Tiranë u shqyen së qeshuri dhe kjo një kohë të gjatë ka qenë temë e preferuar humori nëpër kafenetë e spitalit.

Kjo sot është temë humori edhe mes mjekëve në QKUK.

5. Laparoskopia në Tiranë ka hyrë rreth 10 vjet më parë, pra shumë më herët se në Prishtinë por ende edhe sot në Tiranë askush nuk ka doktoruar në këtë fushë.

6. Kirurgu i Tiranës, Arben Beqiri, i cili njihet si një laparoskopist shumë i zoti dhe që në këto rreth 10 vjet ka kryer me qindra operacione laparoskopike dhe tek i cili pati shkuar për një muaj për ta mësuar laparoskopinë Z. Maxhuni, nuk ka as edhe titullin ‘doktor shkence' ndërsa nxënësi i tij Maxhuni, që nuk kishte kryer as edhe një operacion laparoskopik, është Prof. Assoc. Dr. Mehmet Maxhuni Dr. Sc.Med.

EDHE SIKUR Z. Maxhuni të kishte kryer nga një operacion në ditë gjatë qëndrimit njëmujor në Tiranë, 20 operacione, janë të papërfillshme për të doktoruar, megjithëse e vërteta është se ai nuk kishte bërë asnjë operacion të tillë.

7. Cila ishte përbërja e komisionit në Kosovë ku doktoroi Dr. Maxhuni kur ata nuk kishin parë laparoskop me sy.

8. Pas doktorimit paradoksal Z. Maxhuni vazhdoi të njejtën rrugë të lavdishme të ngritjes së dyshimtë akademike dhe sot është Prof. Assoc. Dr. Mehmet Maxhuni Dr. Sc.Med.

Nuk e di a duhet të krenohemi apo të turpërohemi që kemi njerëz të tillë?

http://www.tjeterqysh.com/skandaloze.html