Mitrovicë: Udhëheqësit komunal kanë qëndruar mbrëmë në fshatin Çabër me ç’rast kanë vizituar familjet e viktimave

Udhëheqja komunale e Mitrovicës shpreh indinjatë të thellë për vdekjen tragjike të dy fëmijëve në Çabër

Mitrovicë, 17 mars 2004 / TN / Hysni SYLA - Zëvendëskryetari i Kuvendit të Komunës, Mursel Ibrahimi dhe kryeshefi i Ekzekutivit Mustafë Pllana, kanë shpreh indinjatë të thellë për ngjarjen tragjike që ka ndodhur të martën pasdite në Çabër, ku si pasojë e kërcnimit dhe ndejkjes nga ekstremistë serbë, kanë humbur jetën në lumin Ibër dy fëmijë, ndërkohë që për fatin e një fëmije tjetër nuk dihet ende asgjë.

Udhëheqësit komunal kanë qëndruar mbrëmë në fshatin Çabër me ç’rast kanë vizituar familjet e viktimave, si dhe kanë biseduar me udhëheqëjen e fshatit, të cilëve u kanë shprehur dhembjen dhe pikllimin e qytetarëve të komunës me rastin e kësaj ngjarje tronditëse.

Udhëheqësit e Kuvendit të Komunës, Ibrahimi dhe Pllana, kanë dënuar në vendin e ngjarjes ashpër veprimin e ekstremistëve serbë, si pasojë e të cilit ka ardhur deri te tragjedia e rëndë dhe kanë kërkuar nga organet kompetente për siguri e rend që të fillojnë menjëherë hetimet për kapjen dhe nxjerrjen para organeve të drejtësisë të personave përgjegjës për këtë tragjedi.

Zëvendëskryetari Musel Ibrahimi dhe kryeshefi i Ekzekutivit, Mustafë Pllana, kanë kërkuar nga familjarët e viktimave dhe nga gabrasit që të ruajnë gjëaftohtësinë në këto momente të rënda, në mënyrë që organet kompetente të kryejnë punën e tyre ashtu si duhet, si dhe u kanë ofruar ndihmën eventuale për tejkalimin e gjendjes së ërijuar.