Reportazh nga Hamburgu

NË KLUBIN SHQIPTAR „ VERRAT E LLUKËS“- JETA FRYMON SHQIPTARISHT

15 mars 2004 / TN

Reportazhi: Arif MOLLIQI / Fotografitë: Musa MAZREKAJ

Për festen e Kurban Bajramit, KSH „ Verrat e Llukës“në Hamburg, ka bashkuar ndihma për familjet e dëshmorëve dhe jetimëve të luftës. Kështu, në Tetovë klubi u ka shpërndarë 10 familjeve të dëshmorëve, nga 50 euro si ndihmë. Kurse në Kosovë, për festën e Kurban Bajramit, familjeve të dëshmorëve dhe jetimëve, u ka ndarë ndihma nga 60 euro. Dhe, atë; në Deçan 18 familjeve, në Pejë, vetëm në fshatin Lubeniq ku gjatë luftës kishte ndodhur masakra më e madhe në Kosovë, ky klub u ka ndarë ndihma 20 familjeve. Në Gjakovë u ndihmuan 15 familje, në Burim 8 familje.
Aty të Ura e Elbës në Hamburg, e luta mikun tim që me voziste me një veturë që ta ngadalësonte shpejtësin, sepse jo shumë largë, dy-tre qindë metra duhej kthye në të djathtë. Aty diku është një klub shqiptarë, për të cilin me kishin orientuar ta shkruaja një reportazh. Derisa u bëra gati ta pyesja edhe diçka mikun tim, erdhi një këngë folklorike pas ciatjës së frenave të veturës e cila u ndal.

Ishim ndal ballë për ballë me Klubin Shqiptar „ Verrat e Llukës“ në Hamburg. Hyjmë brenda. Terë hapësirën, nga jasht dhe nga brenda e shikojmë me një meditim të pandalshëm. Një ambijent vërtetë shqiptar, me një interier të mrekullueshëm. Klubi ishte i mbushur përplotë më mërgimtarë tanë të moshave të ndryshme. Bëheshin kuvendime gjithëfare, por dominonin kuvendimet për rrjedhat e ngjarjeve në trojet shqiptare. Për përjetimet e tyre sa herë përmendet fjala atdhe, në tokën e të cilit akoma ka shtëpitë djegura, varresa që hapen çdo ditë...Ata bisedonin edhe për problemet që i kanë çdo ditë me administratën gjermane, e Kosova, Shqipëria sikur nuk „interesohet“.

Nuk shkruaj për asnjë nga këto biseda. Mua më interesojnë për reportazhin tim vetëm gjërat konkrete. Çka është punuar dhe si është punuar në këtë klub, për të cilin këto ditë dëgjova fjalë të mira jo vetëm në Hamburg, por edhe në Deçan, Pejë, Burim, Tetovë...?! Pastaj, Rexhë Ismajli, Rustan Neziri, Musa Mazrekaj, Haxhi Dërvishaj, Dervish Ferizi, Isuf Alia, e disa të tjerë, përveç që me prezentojnë shënime konkrete të punës dhe aktivitetit të këtij klubi, nga rrëfimet e tyre shkëpus edhe ndonjë fjali.
„ Emrimi i klubit më këtë emër, nuk ishte edhe aq i lehtë, sepse emri „ Besa e Verrave të Llukës ka kuptim të madhë. Është vend historik dhe kombëtar“, thotë kryetari i klubit Rustan Neziri, nga Gurgurnica e Tetovës. Ndërsa Musa Mazrekaj, si gjithmonë fjalë pak e punë shumë thotë; „ Tregojani vetëm faktet. Puna që shihet nuk kërkon kallauz“. Dhe, përpara kam arkivin e klubit me letra, dokumente, faktura...të gjitha këto fakte që tregojnë për një angazhim dhe punë të madhe të klubit.
„ ... Dihet se viti 1998 në Kosovë solli edhe fillimin e luftës sonë heroike ku UÇK-s me bijtë e vet i doli hapur karshi hasmit. Prandaj, këtu në Hamburg duhej bashkuar, afruar mes veti mërgimtarët, për ti ndihmuar çlirimtarët, por edhe popullin në përgjithësi. Klubi „ Verrat e Llukës“, vertetë u bë qendra kryesore e mërgimtarëve tanë në Hamburg. U bë sofra e dytë nga sado pak ushqeheshin luftëtarët e lirisë,“ thotë Rexhë Ismajlaj. Pastaj shpalojmë shënime, dokumente, fakte:
Separi, anëtarësia e klubit e filloj aksionin e parë për ta ndihmua Drenicën. Në ketë aksion mërgimtarët përmes klubit i grumbulluan 46.000,oo DM. Në aksionin „Gjithçka për pavarësin e Kosovës“ klubi u gjet edhe më i përgaditur. U grumbulluan mjete në shumë prej 145ooo ( njëqindë e katerdhjetë e pesë mijë) DM. Kurse në fondin „Vendlindja thërret“ u grumbulluan 13.200 marka.

Klubi nga fondi i vet edhe ashtu fillestar, për Drenicë ndau 5000,oo DM, ndërsa Shoqëria Kulturore „Jusuf Gërvalla“ që fuksionon në kuadër të këti klubi, nga fondi i vet i dha 1ooo,oo DM.
Klubi „ Verrat e Llukës“ në Hamburg, nuk u ndal me kaq. Kështu nga fondi i përbashkët për ti blerë dhe trasportuar 25 tonë mall në Shqipëri, u mblodhen 13.010,oo DM. Prej tyre, 5.000 DM u pagua kamioni kurse pjesa tjetër u ble miell , vaj, sheqer e gjera tjera ushqimore që u dërgun në Shqipëri. Në aksionin tjetër, nga fondi i klubit janë ndarë 3.500,oo DM për një transportim prej 25 tonesh mall, që u dërgua në Maqedoni ku ishin të vendosur të ndjekurit shqiptar nga Kosova.

Pastaj, ndihma materiale dhe mjete të gatshme financiare ju derguan edhe çlirimtarëve shqiptar në Prishevë, Tetovë, Gostivar gjatë luftës. Anëtarsia e klubit, në bashkëpunim me organizatën humanitare gjermane ASB-ja ( Arbeiter- Samariter- Bund), ka derguar disa herë ndihma në Tetovë, Durrës, Deçan. Nga këto ndihma kishte; miell, vaj, sheqer, detergjent, rroba për veshmbathje etjera mallëra. Mirëpo, antarësia e KSH „Verrat e Llukës„ në Hamburg, këto ditë kishte ndermarrë edhe një aksion sa humanitar, aq edhe njerëzor.

Për festen e Kurban Bajramit, klubi ka shpërndarë ndihma për familjet e dëshmorëve dhe jetimëve të luftës. Kështu, në Tetovë klubi „Verrat e Llukës“ në Hamburg, u ka shpërndarë 10 familjeve të dëshmorëve, nga 50 euro si ndihmë. Kurse në Kosovë, për festën e Kurban Bajramit, familjeve të dëshmorëve dhe jetimëve, u ka ndarë ndihma nga 60 euro. Dhe, atë; në Deçan 18 familjeve, në Pejë, vetëm në fshatin Lubeniq ku gjatë luftës kishte ndodhur masakra më e madhe në Kosovë, ky klub u ka ndarë ndihma 20 familjeve. Në Gjakovë u ndihmuan 15 familje, në Burim 8 familje. Ndërsa për djalin e dëshmorit të kombit Mxhun Çekajt, Orhanin student ky klub ka siguruar një bursë për shkollim.
Se vërtetë ishin këto angazhime dhe aktivitete, u binda kur në vitrinat e klubit i pash disa mirënjohje. Ata i kishin mirënjohet që ua dha Lidhja e Arsimtarëve Shqiptarë për Gjermani, mirënjohjen e UÇK-së, për kontributin që ka dhënë ky klub për UÇK-në, me mjete financiare dhe materiale. Mirënjohje nga Shoqata „Nenë Tereza“ në Deçan, mirënjohja e Shoqatës „Dielli“ nga Gostivari, mirënjohje nga Organizata Humanitare „ El Hilal“ në Tetovë, Sindikata e Pavarur e puntorëve në mihjen sipërfaqësore në Kosovë, nga Unioni i studentëve të Universitetit të Tetovës e, mirënjohje të tjera të cilat nuk numëroheshin...
Dikur vonë, u ndava nga antarët e Shoqërisë Kulturore „ Jusuf Gërvalla“, shoqëri kjo muzikore që vepron në kuadër të klubit. Ata po përgaditeshin për një program artistik që do të mbahej gjatë kësaj pranvere, kur Kosova e feston 5 vjetorin e vet, pa pushtuesin serb. Kështu, me këngën e folklorit burimor shqiptar, nga atmosfera vërtetë shqiptare që zotëronte në KSH „Verrat e Llukës“ në Hamburg, u ndamë atë mbrëmje marsi.
Hamburg (Gjermani), Mars 2004