|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Mitrovicë: Kryesia e Kuvendit Komunal dënon ashpër aktin kriminal ndaj Rezidencës së Presidentit Rugova

Mitrovicë, 14 mars 2004 / TN / Hysni SYLA - Kryesia e Kuvendit të Komunës shpreh indinjatë të thellë dënon ashpër aktin kriminal të hudhjes së bombës në rezidencën e presidentit të Kosovës, dr. Ibarhim Rugova.

 

Kryesia e Kuvendit të Komunës vlerëson se sulmi më i rëndë kriminal deri tash në një institucion demokratik të vendit, që ka dalur nga vota e lirë e popullit, ka për qëllim destabilizimin e vendit në momentin kur janë duke u bërë përpjekje maksimale të të gjithë faktorëve për përmbushjen e stanadrdeve që janë bazë për përcaktimin e statusit përfundimtar, përkatësisht për pengimin e njohjes së pvarësisë së Kosovës nga ndërkombëtarët.

 

Kryesia e Kuvendit të Komunës thotë se është koha e fundit që organet kompetente për siguri e rend të ndërmarrin të gjitha masat për zbulimin e këtij dhe të rasteve tjera kriminale, në mënyrë që akterët të dalin para organeve të drejtësisë dhe të marrin dënimin e merituar.

 

Kryesia e Kuvendit të Komunës i jep përkrahje të plotë presidentit Ibrahim  Rugova  në ushtrimin me sukeses të plotë të funksionit më të lartë shtetëror  të vendit, duke e cilësuar ate si figurën më ëmblematike të popullit të Kosovës.