Gjilan: Ushtria amerikane paguan qira për shfrytëzimin e tokave në Kosovë

Gjilan: Ushtria amerikane paguan qira për shfrytëzimin e tokave në Kosovë

Gjilan, 14 mars 2004 / TN - Ashtu siç kishte paralajmëruar në dhjetor të vitit 2003, ushtria amerikane në Kosovë ka filluar këto ditë t`iu paguaj qiranë pronarëve të tokave në sektorin e lindjes, të cilat ajo i shfrytëzon nga qershori 1999.

Në një njoftim për opinion nga kampi “Bondstell” thuhet se pas ofertës për kompenzim të pronarëve vendorë të tokave, të cilat shfrytëzohen nga ushtria amerikane, qytetarët e Gjilanit dhe të Ferizajt kanë dorëzuar aplikacionet.
Zyrtarët ushtarakë në “Bondstell” e kanë vlerësuar të kënaqshëm programin, duke saktësuar se nga 29 shkurti e këndej janë kompenzuar nëntë pronarë të tokave, kurse edhe për 22 të tjerë, kjo do bëhet brenda këtij muaji, kanë thenë ata.
Sipas zyrës për informim të kampit “Bondstell” në kuadër të këtij programi janë shpërndarë 318 fletëapikacione, 51 raste janë ndihmuar në përpilimin e autorizimeve ligjore dhe janë grumbulluar 14 dëshmi. Gjashtë kërkesa janë refuzuar.
Komandanti i Brigadës Shumëkombëshe të Lindjes, gjenerali Rick Erlandson ka thënë se ushtria amerikane e ka mirëpritur me kënaqësi aplikimin për kompenzim nga të gjitha etnicitetet. Programi për qëllim që të kompenzojë pronarët e tokave, të cilat janë dëmtuar, zaptuar apo shfrytëzuar nga forcat e SHBA-ve, nga 10 qershori i vitit 1999, ka thënë gjenerali Erlandson.
KFOR-i amerikan është forca e vetme ushtarake në Kosovë, deri tani, që ka filluar të bëjmë kompenzim e pronarëve.