Kryetari i Asociacionit të Komunave të Kosovës dhe i komunës së Gjilanit, Lutfi Haziri dënon sulmin ndaj presidencës së Kosovës

Gilan, 13 mars 2004 / TN - Kryetari i Asociacionit të Komunave të Kosovës dhe i komunës së Gjilanit, Lutfi Haziri, përmes një deklarate që i ka dhënë zyrës për informim në Gjilan, ka dënuar fuqishëm sulmin ndaj presidencës dhe presidentit të Kosovës, dr Ibrahim Rugova.
Ky është një akt i ultë dhe qëllimkeq ndaj institucionit më të lartë të Kosovës dhe vetë popullit të saj, në momentin kur bota po pret nga ne që të dëshmohemi të aftë për t`i marrë mbi vete të gjitha përgjegjësitë. Është fat i keq që në Kosovë ndodhin akte të tilla, sepse këto mund të jenë pengesë për të ardhmen e Kosovës dhe pavarësinë e saj.
Presidenca dhe presidenti i Kosovës janë vlera shtetërore që nuk mund dhe nuk guxon t`i njollosë askush, thuhet ndër të tjera në reagimin e Lutfi Hazirit, kryetar i AKK dhe i komunës së Gjilanit.