Reagim i kryetarëve të komunave të Kosovës që gjenden në SHBA

Kryetarët e Komunave të Kosovës
Shtetet e Bashkuara të Amerikës
Shteti Lowa
Quad Sity - Davenport
12 mars 2004


PRESIDENTIT TË KOSOVËS
Z. IBRAHIM RUGOVA

I nderuari zoti President Rugova

Lajmin për sulmin ndaj Rezidencës së Presidentit të Kosovës e morëm me indinjatë. Ky akt kriminal - terrorist i drejtuar ndaj Jush ka për qëllim që të atakojë instuitucionin më të lartë të Kosovës, për të destabilizuar situatën dhe për të penguar proceset e fuqishme që po zhvillohen për Pavarësimin e Kosovës.

Jo rastësisht dora e zezë e barbarisë drejtohet ndaj Presidencës, mirëpo e kanë të kotë këto qarqe kriminale, sepse kurrë nuk do të mund ta ndalojnë përkushtimin dhe ta ndryshojnë përcaktimin e qytetarëve të Kosovës për realizimin e aspiratave shekullore.

I nderuari zoti President

Ne, kryetarët e komunave: Prishtinë, Podujevë, Fushë Kosovë, Viti, Therandë, Rahovec, Drenas, Kaçanik, që këto ditë ndodhemi në SHBA, e gjykojmë këtë veprim qyqar të mjeranëve që ia kanë shitur shpirtin djallit dhe që kaq barbarisht godasin vlerat më të shenjta të popullit të Kosovës.

Jemi fuqimisht me Ju.