|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Majori Nazif Ramabaja dënon sulmin kriminal në Rezidencën e Presidentit të Kosovës, Ibrahim Rugova

12 mars 2004 / TN

SULMI NË REZIDENCËN E KRYETARIT TË KOSOVËS DR. IBRAHIM RUGOVA KA PËR QËLLIM DESTABILIZIMIN E KOSOVËS DHE PROLONGIMIN E ZGJIDHJES SË STATUSIT POLITIK

Majori Nazif Ramabaja dënon sulmin e kryer kriminal në Rezidencën e Presidentit të Kosovës, Ibrahim Rugova. Në reagimin e tij ndër të tjera thuhet:

Me indinjatë të thellë ndëgjova lajmin për sulmin në rezidencën e kryetarit të Kosovës Dr. Ibrahim Rugovës, duke e konsideruar një sulm në institucionin më të rëndësishëm të Kosovës, i cili gjer më tani me politikë të menqur dhe vizionare ka qenë proklamues i stabilitetit dhe qetësisë në rajonin e Europës Jug-Lindore dhe më gjër në rrugën e formimit të shtetësisë së Kosovës, për të cilën angazhohet Presidenti me tër qenjen e tij.

Ky sulm vjen menjëhere pas kërcënimeve ndaj UNMIK-ut, kritikave dhe reagimit të Presidentit se në Kosovë veprojnë shërbime të fshehta të huaja të cilat kanë për qëllim destabilizimin dhe zbehjen e imazhit të Kosovës në opinionin ndërkombëtar, si një rajon me konflikte të kohë pas kohshme në skenën politike, incidente kriminale dhe terroriste.

Kjo na shtyn të kujtojmë dhe mendojmë se institucionet e Kosovës duhet të pregatiten për formimin e një "shërbimit inteligjent," ku në pamundësinë dhe jo efikasitetin e organeve ndërkombëtare, gjegjësisht të UNMIK-ut, do të bëj zbulimin e rasteve dhe zbardhjen e së vërtetës në pesë vitet e pasluftës.

Ky akt terrorist vjen edhe pas deklarimeve të Hollbrukut se pavarësia e Kosovës është e pashmangshme. Duke pasur parasysh zgjedhjet nacionale që do të mbahen në vjeshtën e këtij viti dhe mesin e vitit të ardhshëm, për vlersimin e arritjes së standardeve për Kosovën dhe fillimin e negociatave për statusin përfundimtar të Kosovës, vendimin për mos pjesëmarrje të koalicionit "Kthimi" në Seancat e Kuvendit të Kosovës, deklarimin e Kryetarit të Qeverisë Serbe se prioritet i tij dhe qeverisë që ai drejton, do të jetë Kosova dhe jobashkëpunimi me Gjykatën e Hagës për krime luftë në territorin e ish Jugosllavisë, e kemi tejet të qartë se kujt i konvenon ky destabilizim i gjendjes aktuale dhe prej nga vijnë këto sulme kriminale dhe terroriste.

Organet e zbulimit të UNMIK-ut të jenë më efikase ose të ju dorëzojnë kompetencat Institucioneve kosovare dhe është koha që i njejti organ të kaloj në organ këshillëdhënes dhe kështu me sukses ta mbaroj mandatin në Kosovë në 3-5 vitet e ardhshme ku pritet zgjidhja e statatusit politik të Kosovës dhe përfundimisht Kosova të jet shtet i lirë demokratik dhe i pavarur.