Në Skënderaj u mbajt takimi i të rinjve të kësaj ane me Kryesinë e FR të LDK-së

Kryesia Qëndrore e Forumit të Rinisë të LDK-së vizitoi Prekazin


Këtë takim e hapi kryetari i degës së FR-së, Bujar Hajra, ndërsa më pas të pranishmit i përshëndeten edhe z.Sejdi Koca, kryetar i degës së LDK-së dhe Halil Geci, anëtar i KP të LDK-së. Për qëllimin e realizimit të këtyre takimeve të hapura me të rinj anekënd Kosovës njoftoi nënkryetari i FR të LDK-së, z.Sejdë Tolaj, i cili ndër tjera tha se debati i sotëm është i një rëndësie të veçant ngase po zhvillohet në kuadër të Vitit të LDK-së të proklamuar nga presidenti i Kosovës dr. Ibrahim Rugova, në ceremoninë e shënimit të 14 vjetorit të LDK-së.

Më pas nga të pranishmit u shtruan pyetje të shumta, ndërsa duke u përgjigjur në një pyetje rreth përfaqësimit të femrës në strukturat e FR-së, anëtarja e kryesisë Malsore Gashi tha se femrat janë të përfaqësuara në të gjitha strukturat e FR-së dhe apeloi edhe te vashat drenicake që të kyqen sa më shumë në FR ngase puna e tyre do të shpërblehet.

Pas përfundimit të këtij debati të hapur delegacioni i Kryesisë Qëndrore dhe ai i degës së këtushme të FR-së, vizituan varrezat e Jasharajve në Prekaz ku bënë nderime dhe më pas vendosen kurora me lule pranë varrit të komandantit legjendar Adem Jashari.