Dy lajme nga Podujeva

Dy lajme nga Podujeva

Podujevë: Shiu i mbrëmshëm ka shkaktuar vërshime në fshtrat përgjatë lumit Llap, gjendja sot është alarmante

Podujevë, 27 shkurt (TN) – Reshjet e mbrëmshme të shiut në komunën e Podujevës kanë shkaktuar vërshime në të dy anët e lumit Llap, kurse sot gjendja sa vie e po keqësohet sepse ka rritje të nivelit të ujit në lumin Llap. Sipas Drejtorisë për mbrojtje civile dhe emergjencë që mbrëmë shumë qytetarë kanë kërkuar ndihmë meqë uji ka vërshuar shtëpi banimi por edhe lokale hoteliere në qytet.

“Sipas raporteve tona fshtrat më të goditura nga vërshimet e mbrëmshme janë Pollata, Metehia, Kërpimehu, Zakuti, Dobërdoli, Bajçina, Bradashi, Letanci, disa lagje të qytetit, fshatrat Lupç, Popovë, Majac”, njoftoi drejtori i DMCE Fatmir Gashi.

Mirëpo burime të informimit nga terreni njoftojnë se gjendja po keqësohet edhe në fshatrat Sfeçël, Bellopojë, Gërdofc, kurse në Kushevicë dhe Brainë rrugët janë të paklaueshme njoftohet nga këshilltari i Kuvendit komunal Fahri Hoxha. Sipas tij liqeni i Batllavës ka rritje të madhe të nivelit të ujit dhe rreziku për fshatrat e Batllavës është evident.

Sipas z. Fatmir Gashi gjendje alarmante po mbretëron edhe në qytet ku niveli i ujit të lumit llap është në nivel të daljes nga shtrati. “Disa familje të përmbytura nga uji që janë larguar nga shtëpitë po ndihmohen me gjëra ushqimore e higjienike, por mbetet problem çështja e strehimit”, njoftuan në Drejtorinë për politikë sociale dhe shëndetësi.

Me qëllim të preventivës DMCE ka caktuar ankesin e shkollës fillore “Shaban Shala” në parkun e qytetit për strehimore të përkohshme për familjet e rrezikuara në qytet. Kurse banorët e fshatrave të përfshira nga vërshimet kanë probleme me ujin e pijshëm për çka është kërkuar ndihmë nga KFOR-i çek e sllovak.

Zyrtarët e DMCE-së deklaruan se po bashkëpunohet me TMK-në e Zonës së Pestë, SHPK-në, Shërbimin e zjarrfikësve dhe institucionet tjera përgjegjëse për të përcjellur gjendjen dhe evituar pasojat e vërshimeve, ndërkaq që po shqyrtohet mundësia e funksionalizimit të Shtabit të krizës.

DMCE ka apleuar popullatën e Podujevës për ti strehuar familjet që kanë pësuar nga përmbytjet, kurse individët që kanë makina të rënda të ndihmojnë në hapjen e vijave të lumenjëve.


Në komunën e Podujevës së shpejti fillon punën zyrtarja e OSBE-së për të drejtat e njeriut

Podujevë, 27 shkurt 2004 (TN) – zv. kryetari i komunës Agim Kikaj priti sot eksperten e OSBE-së për të drejtat e njeriut znj. Oyuna Umuralieva e cila brenda javëve të ardhshme do të nisë punën në komunën e Podujevës.

Zv. kryetari i KK të Podujevës Agim Kikaj e njoftoi eksperten për të drejtat e njeriut të OSBE-së me strukturën dhe organizimin e komunës në përgjithësi, të arriturat dhe projketet e realizuara, etj. Ndërkaq znj. Umuralieva tha se roli i saj është për të ndihmuar komunën në ndërtimin e kapaciteteve ligjore.

Ekspertja për të drejtat e njeriut e OSBE-së deklaroi se qëllimi kryesor i këtij aktiviteti është që të asistojë dhe ndihmojë komunën në ndërtimin e kapacitetit të shërbimit civil. Sipas znj. Umuralieva pozita e saj në komunën e Podujevës nuk do të jetë monitorimi por ndihma ligjore dhe se ky rol dallon nga ajo që Departamenti i të drejtave të njeriut i OSBE-së më parë ka kryer.

Znj. Ojuna Umuralieva u prit edhe nga u.d i Kryeshefit të ekzekutivit i cili e njoftoi ate për funksionimin dhe aktivitetin e shërbimit civil të komunës, punën e deritanishme dhe aktivitet që duhet zhvilluar gjatë periudhës së ardhshme.