Nën organizimin e Forumit të Rinisë të LDK-së dega në Mitrovicë u shenua 15 vjetori i grevave të Minatorëve

Nën organizimin e Forumit të Rinisë të LDK-së dega në Mitrovicë u shenua 15 vjetori i grevave të Minatorëve

Mitrovicë, 26 shkurt 2004 / TN - Dje më 25 shkurt, në qytetin e Mitrovicës, qytetin e Minatorëve nën organizimin e Forumit të Rinisë të LDK-së dega në Mitrovicë u shenua 15 vjetori i grevave të Minatorëve.

Ky manifestim u mbajtë në Qendrën e Kulturës “Rexhep Mitrovica “ në Mitrovicë dhe filloj prej orës 17:00. Të pranishëm në këtë manifestim ishin Nënkryetari i Kuvendit Komunal z. Mursel IIbrahimi, kryeshefi z.Mustaf Pllana dhe nënkryetari i LDK-së dega në Mitrovicë z.Blerim Baruti.

Pas intonimit të hymnit kombëtar të pranishmit I nderuan me një minut heshtje të gjithë ata Minatorë të cilët nuk gjenden në mesin tonë, më pas fjalën hyrëse e mori kryetari i degës së Forumit të Rinisë të LDK-së z. Safet Kamberi, i cili fillimishtë i përshëndeti të pranishmit dhe theksoi se sot jemi mbledhur që të përkujtojmë me pietet të lartë sakrificën e Minatorëve të Minierës së Stan Tërgut, grevës së shkurtit të vitit 1989, që tronditi themelet e ish jugosllavisë dhe njiherit ishte edhe gurëthemel për shtetin e pavarur të Kosovës.

Ne sot po përkujtojmë sakrificën e atyre që na udhëzuan që sot të jemi të lirë dhe që të mund të ndërtojmë ardhmërin tonë ashtu siq dëshirojmë ne.

Kryetari KamberiI mes tjerash theksoi se “fatkeqësisht, një gjiganti industrial që i prinin mu Minatorët e Trepçës, Mitrovica ka mbetë një nga qytetet me ekonomi më të rënd dhe me gjendje më të vështir sociale. Ai i bëri thirrje të gjithë faktorëve relevant që të ndërmarrin të gjitha masat që Trepça prap të vihet në funksion të plotë.

Të pranishmëve iu drejtua me disa fjalë kryetari i sindikatës së Minatorëve të Trepçës z.Hasan Potoku.

Manifestimi vazhdoi më pas me një program të pasur kulturor nga Ansambli i Qytetit, Vllëzërit Fazliu dhe Shoqëria Kulturore-Artistike “Shala”.