Dy lajme nga Mitrovica

Dy lajme nga Mitrovica

Rilevimi areofotogrametrik për komunën e Mitrovicës, do të bëhet prej datës 5 deri më 25 mars 2004

Mitrovicë, 24 shkurt 2004 / TN / Hysni SYLA - Drejtori i Drejtorisë për Gjeodezi, Kadastër dhe Pronë e Kuvendit të Komunës, Fadli Selmanaj, njofton se aeroingizimi (rilevimi areofotogrametrik) për komunën e Mitrovicës, do të bëhet prej datës 5 deri më 25 mars 2004.

Përgaditjet për realizimin e këtij aktiviteti shumë të rëndësishëm shoqëror në komunën e Mitrovicës, janë në vlugun më të madh dhe për këtë është formuar edhe shtabi në nivel komunal.

Shtabi komunal për realizimin e aeroingizimit në komunë, është duke i përfunduar përgaditjet për bartjen e aktivitetit në terren, për çka edhe do të formojë shtabet nëpër të gjitha bashkësitë vendore, të cilat do të përkujdesen për realizimin e këtij aktiviteti në mjediset e tyre.

Shtabi komunal për aeroingizim, do të angazhojë ekspertët kadastral të drejtorisë përkatëse për ofrimin e ndihmës dhe sqarimeve të nevojshme qytetarëve nëpër të gjitha bashkësitë vendore, gjatë takimeve që do të mbahen me ta nëpër institucionet shkollore në këto mjedise.

Shtabi komunal për realizimin e këtij aktiviteti shoqëror njofton pronarët e të gjitha kategorive të pronave, se janë të obliguar që deri më datën 5 mars 2004, të përfundojnë përgaditjen e terrenit për aeroingizim, përkatësisht të bëjnë sinjalizimin e mezhdave të pronave të tyre, sipas instruksioneve të ekspertëve kadastral që do t’i japin gjatë takimeve me qytetarë.

Për kohën e mbajtjes së takimeve të shtabeve vendore dhe qytetarëve me ekspertët komunal kadastral, qyatetarët do të njoftohen përmes mediave elektronike dhe të shkruara, si dhe përmes fëmijve të tyre që i vijojnë mësimet nëpër shkolla.

Shtabi komunal për realizimin e aeroingizimit, fton pronarët e të gjitha kategorive të pronave që të jenë sa më azhur dhe të fillojnë menjëherë përgaditjet për realizimin në afatin e parapark të obligimeve të tyre, në mënyrë që ky aktivitet i rëndësishëm shoqëror të kryhet me sukses në komunën tonë.


Mr Tefik Ujkani: Plani strategjik, pra edhe ai i dhënë për diskutim publik nga administrata komunale e UNMIK-ut, duhet të jetë në funksion vetëm të integrimit të qytetit

Mitrovicë, 24 shkurt 2004 / TN / Hysni SYLA - Lidhur me promovimin e planit strategjik të zhvillimit ekonomik të komunës së Mitrovicës, që është bërë të hënën, më 23.02.2004, nga ana e administartës komunale të UNMIK-ut, drejtori i Drejtorisë për Ekonomi dhe Financa, Mr Tefik Ujkani, ka parë të të arksyeshme të sqaroj disa gjëra.

Është e vërtet se në pranverë të vitit 2003, janë formuar gjashtë grupe punuese, në të dy pjesët e qytetit, për zhvillimin e konomik të komunks. Aso kohe u formuan grupet punuese për ndërmarrjet shoqkrore dhe zonat industriale, ndërmarrjet e vogla, për bujqksi dhe mbrojtje të ambientit, për resurse njerzore dhe grupet punues për urbanizëm dhe kadastër.

Qkllmi i formimit të këtyre grupeve punuese ishte që të hartohet një strategji e përgjithshme për zhvillimin ekonomik të komunës me qëllim të integrimit të plotë të qytetit.

Si anëtar i grupit punues për zhvillim ekonomik për ndërmarrjet shoqërore dhe zonat industriale në komunën e Mitrovicës, konsideroj se çfarëdo ndërlidhje e punës së grupeve punuese me propozimin e ESI (Iniciativa Evropiane për Stabilitet), për ndarjen e pjesës veriore të qytetit dhe bashkimin e saj komunës së Zveqanit, e cila edhe ashtu është për mua jolegjitime, nuk është rezultat i punës së grupeve punuese dhe as mendim i antarëve të tyre, pra as i imi, andaj është e papranueshme.

Poashtu, asnjëherë në grupet punuese nuk është përmendur Serbia si donatore legjitime për investime të mundshme në Kosovë, prandaj edhe kjo mundësi e përmendur në promovimin e planit strategjik, është e papranueshme.

Mbetem pranë qëndrimit fillestar dhe qëllimit të mirë e të arksyeshëm, se plani strategjik, pra edhe ai i dhënë për diskutim publik nga administrata komunale e UNMIK-ut, duhet të jetë në funksion vetëm të integrimit të qytetit dhe asesi në funksion të ndonjë ideje apo propozimi tjetër që bi ndesh me intersat e komunës legjitime dhe qytetarëve të saj.