Përmbajtja:

• Holkeri bisedoi me Rexhepin

• Minatorët e Trepçës kërkojnë të kthehen në vendet e punës

• Përfaqësuesit e 9 komunave diskutojnë për mbështetjen e infrastrukturës komunale nga qeveria amerikane

• Dhjetë kryetarë të komunave të Kosovës vizitojnë SHBA

• Fusha e mediave të rregullohet me ligj, u tha në takimin e Dacit me komesionerin e mediave

• Podujevë: Banorët e Llapashticë kanë grumbulluar mbi 70 mijë euro për asfaltimin e rrugës

• Podujevë: Banorët e Llapashticë kanë grumbulluar mbi 70 mijë euro për asfaltimin e rrugës

• Në Rahovec u mbajt takimi i të rinjve të kësaj ane me Kryesinë e FR të LDK-së

• Mbrëmë në Lipjan janë vrarë dy serbë

• Demaçi formon një parti të re

• Kuvendi i Kosovës do të miratojë një rezolute me të cilën do të kërkojë nga KS zhbërjen e strukturave paralele

• Plani final për standardet do t'i dorëzohet sot për shqyrtim KS të OKB-së

• Gjyqtari hetues ndërkombëtar katër eprorëve të arrestuar të TMK-së ua ka vazhduar paraburgimin për 30 ditë

• Afër Prishtinës është vënë gurthemeli për ndërtimin e Qendrës kardiokirugjike në Kosovë

• Në Prizren u protestua për lirimin e katër pjesëtarëve të arrestuar nga radhët e TMK-së

• Në një restoran të Prishtinës pati të shtëna armësh, nuk ka të vrarë apo të plagosur, por të arrestuar

• Studentët reagojnë ndaj akuzave dhe letrave kërcënuese drejtuar profesorëve

• OBSH do të organizojë në Mitrovicë fushatën për vetëdijësimin e popullatës për rrezikun nga ndotja

• Në Prishtinë filloi punën seminari ballkanik me punëtorët arkivorë me temën "Arkivat elektronike"

• Shtohet interesimi për librin në Podujevë

• Forcat izraelite kanë vrarë dy palestinezë

• Tre civilë janë vrarë nga rrëzimi i një avioni indian MIG-21

• Pesë vetë kanë humbur jetën nga rrëzimi i një helikopteri turk

• Uashingtoni i ka përsëritur akuzat se Irani zhvillon program të armëve bërthamore

• Në Iran ka filluar votimi për zgjedhjet e përgjithshme

• Shkencëtari pakistanez i ka shitur Iranit teknologji bërthamore, thotë policia e Malajzisë

• Në një shpërthim plagoset një ushtar amerikan

• Në Iran po zhvillohet zgjedhjet parlamentare

Holkeri bisedoi me Rexhepin

 

Prishtinë, 20 shkurt 2004 - Shefi i UNMIK-ut Hari Holkeri ka biseduar sot me kryeministrin e Kosovës Bajram Rexhepi rreth pengasave në procesin e privatizmit të ndërmarrjeve shoqërore dhe fillimin e dialogut me përfaqësuesit e Beogradit.

 

Përfaqësuesi i UNMIK-ut për informim ka thënë se Holkeri dhe Rexhepi planifikojnë të bëjnë një lloj fushate për procesin e e standardeve në kuadër të së cilës pritet që fillimisht të organizojnë një takim me studentët e Universitetit të Prishtinës.

 

 

Minatorët e Trepçës kërkojnë të kthehen në vendet e punës

 

Mitrovicë, 20 shkurt 2004 - Mbi 200 minatorë të Trepçës janë tubuar sot në oborrin e minierës në Stantërg të Mitrovicës dhe kanë kërkuar të kthehen në vendet e tyre të punës.

Minatorët në një takim dje kishin marrë vendim për t'u kthyer në vendet e punës, pa arritur ndonjë marrëveshje paraprake me drejtuesit vendorë dhe ndërkomëbëtar të Trepçës.

Mminatorët sot nuk e kanë realizuar vendimin e tyre dhe janë në pritje të rezultatit të bisedave të sotme të menaxherit ndërkomëbëtar të Trepçës Pol Nils me drejtuesit e AKM-së.

Njoftohet se në oborrin e minierës ndodhen forca policore.

Tubimi i sotëm po mbahet pikërisht në 15-vjetorin e grevës së njohur të minatorëve të Trepçës më 1989.

 

 

Përfaqësuesit e 9 komunave diskutojnë për mbështetjen e infrastrukturës komunale nga qeveria amerikane

 

Prishtinë, 20 shkurt 2004 - Përfaqësuesit e nëntë komunave që marrin pjesë në "Iniciativën për Mbështetjen e Infrastrukturës Komunale" (MISI) të financuar nga Qeveria e Shteteve të Bashkuara përmes Agjencisë së SHBA-ve për Zhvillim Ndërkombëtar (USAID) do të takohen të martën, më 24 shkurt, në selinë e USAID-it për të diskutuar planet e propozuara nga ata.

 

MISI, i implementuar nga Mercy Corps, është duke punuar me komunat e Lipjanit, Kamenicës, Prizrenit, Novo Bërdës, Gjilanit, Obiliqit, Fushë Kosovës, Istogut dhe Rahovecit.

MISI është një program 18 muajsh për mbështetjen e përmirësimeve infrastrukturore në këto komuna të Kosovës që janë duke shënuar përparim drejt vendosjes së kushteve që ndihmojnë kthimin dhe riintegrimin e pakicave.

 

Programi, në bashkëpunim me agjencitë e tjera të përfshira në çështjet që kanë të bëjnë me kthimin, poashtu do t'i ofrojë ndihmë qeverive komunale në përpjekjet e tyre për të përmirësuar kushtet që mundësojnë kthimin dhe riintegrimin.

 

Me përfundimin e programit, nëntë komunat do të jenë në gjendje më të mirë për të demonstruar mbështetjen publike për kthime, të trajtojnë pengesat në kthim dhe riintegrim, dhe të ngrisin nivelin e përfshirjes në kthime të komuniteteve pranuese, thuhet në një njofitm të Zyrës amerikane në Prishtinë.

Mbi rolin e komuniteteve dhe qytetarëve në procesin e riintegrimit do të flasin Dejll Fajfer, drejtor i Misionit të USAID-it në Kosovë, drejtoresha e Mercy Corps MISI, Kristin Griffith, dhe zëvendësdrejtoresha Besa Vuthaj.

   

 

Dhjetë kryetarë të komunave të Kosovës vizitojnë SHBA

 

Prishtinë, 20 shkurt 2004 - Dhjetë kryetarë të komunave të Kosovës do të udhëtojnë nesër për në Shtetet e Bashkuara të Amerikës, në mesin e të cilëve është edhe Ismet Beqiri, kryetar i Kuvendit Komunal të Prishtinës.

Kryetarët e komunave të Kosovës do të qëndrojnë mbi dy javë në SHBA, ku atje do të marrin pjesë në trajnime të ndryshme që kanë të bëjnë kryekëput me pushtetit lokal, si dhe do të realizojnë edhe disa vizita në institucionet e rëndësishme amerikane.

Fillimisht kryetarët e komunave të Kosovës do të marrin pjesë në një program për trajnim, pastaj në një seminar për zgjidhjen e konflikteve, ndërkohë që ata do ta vizitojnë edhe prefektin e Uashingtonit, Universitetin Xhorxhtaun në Uashington, si dhe disa institucione me rëndësi të Shteteve të bashkuara të Amerikës, me qëllim të avancimit dhe këmbimit të përvojave në fushë të pushtetit lokal.

 

 

Fusha e mediave të rregullohet me ligj, u tha në takimin e Dacit me komesionerin e mediave

 

Prishtinë, 13 shkurt 2004 - Kryetari i Kuvendit të Kosovës Naxhat Daci priti sot komisionerin e përkoshëm për media Robert Xhilet dhe zyrtarin për çështje politike të OSBE-së Brajan Kuns, me të cilët bisedoi për rregullimin e fushës së mediave në Kosovë.

Në takim u tha se mënyra e rregullimit të mediave duhet të rregullohet me ligj e jo me rregullore si deri më tani.

Kuvendi i Kosovës duhet të miratojë një ligj për transmetuesin publik dhe atë për Komisionin e pavarur të mediave, thanë bashkëbiseduesit.

Komsioneri për media tha se me kryeparlanetarin Daci kishin qëndrim të përbashkët për nevojën e hartimit të një ligji për transmetuesin publik të Kosovës, si dhe të komisionit të përbashkët për media.

 

"Ne ramë rakord për çështjet më të rëndësishme që duhet të bëhen në fushën e legjiulacionit të mediave. Duhet miratuar ligjin për RTK si transmetues publik dhe ligjin për komisionin e përkohshëm të mediave", tha Xhilet, duke shtuar se këto ligje duhet të miratohen para zgjedhjeve nacionale, por theksoi se kjo varet nga institucionet e Kosovës.

 

 

Podujevë: Banorët e Llapashticë kanë grumbulluar mbi 70 mijë euro për asfaltimin e rrugës

 

Podujevë, 20 shkurt 2004 - Banorët e fshatit Llapshticë të Podujevës kanë grumbulluar mbi 70 mijë euro për asfaltimin e rrugës së gjatë 5 km. Asfaltimi i rrugës Podujevë-Llapashticë mundëson lidhjen e fshatrave Katunishtë, Llapashticë e ulët, Popovë dhe 13 lagje të Llapashticës së Epërme me gjithësej 5200 banorë, tha kryetari i komitetit të fshatit Llapashticë e Epërme Ramadan Muçiqi.

 

Aksionin për grumbullimin e mjeteve për asfaltimin e rrugës e kanë ndihmuar mbi 70% të familjeve nga 270 sa ka fshati Llapashticë, por aksioni vazhdon derisa të grumbullohen mbi 100 mijë euro, ndërkohë që presin edhe ndihmën e komunës dhe të Ministrisë së Postelekomunikacionit.

Ndërkaq, menaxheri i info qendrës së Orllanit Agim Abdullahu njoftoi se në kuadër të ndihmës për bujqësinë dhe zhvillimin e kushteve për turizmin në rajonin e Liqenit të Batllavës, Qeveria e Tirolit të Austrisë solli për fermerët e Orllanit 20 pompa për mjelje me pajisje përkatëse. Fermerët që përfitojnë këto mjete do të lidhin kontratë me miniqumështoren në Orllan për grumbullimin dhe shitjen e qumështit në mënyrë të organizuar.

Kohë më parë Qeveria e Tirolit të Austrisë ka ndihmuar fermerët e rajonit të fshatrave të Orllanit me lopë dhe pajisje për miniqumështoren e cila ka kushtuar 30 mijë euro.

 

 

Podujevë: Banorët e Llapashticë kanë grumbulluar mbi 70 mijë euro për asfaltimin e rrugës

 

Podujevë, 20 shkurt 2004 - Banorët e fshatit Llapshticë të Podujevës kanë grumbulluar mbi 70 mijë euro për asfaltimin e rrugës së gjatë 5 km. Asfaltimi i rrugës Podujevë-Llapashticë mundëson lidhjen e fshatrave Katunishtë, Llapashticë e ulët, Popovë dhe 13 lagje të Llapashticës së Epërme me gjithësej 5200 banorë, tha kryetari i komitetit të fshatit Llapashticë e Epërme Ramadan Muçiqi.

 

Aksionin për grumbullimin e mjeteve për asfaltimin e rrugës e kanë ndihmuar mbi 70% të familjeve nga 270 sa ka fshati Llapashticë, por aksioni vazhdon derisa të grumbullohen mbi 100 mijë euro, ndërkohë që presin edhe ndihmën e komunës dhe të Ministrisë së Postelekomunikacionit.

Ndërkaq, menaxheri i info qendrës së Orllanit Agim Abdullahu njoftoi se në kuadër të ndihmës për bujqësinë dhe zhvillimin e kushteve për turizmin në rajonin e Liqenit të Batllavës, Qeveria e Tirolit të Austrisë solli për fermerët e Orllanit 20 pompa për mjelje me pajisje përkatëse. Fermerët që përfitojnë këto mjete do të lidhin kontratë me miniqumështoren në Orllan për grumbullimin dhe shitjen e qumështit në mënyrë të organizuar.

Kohë më parë Qeveria e Tirolit të Austrisë ka ndihmuar fermerët e rajonit të fshatrave të Orllanit me lopë dhe pajisje për miniqumështoren e cila ka kushtuar 30 mijë euro.

 

 

Në Rahovec u mbajt takimi i të rinjve të kësaj ane me Kryesinë e FR të LDK-së

 

Rahovec, 20 shkurt 2004 - Në shtëpinë e kulturës "Mensur Zyberaj" në Rahovec është organizuar një debat nga dega e këtushme e FR të LDK-së, me Kryesinë qendrore të FR të LDK-së, të kryesuar nga Sejdë Tolaj, nënkryetar. Këtë takim e hapi Muhamedali Hoti, kryetar i degës së FR-së, ndërsa më pas të pranishmit i përshëndeti nënkryetari i FR Sejdë Tolaj, i cili foli për punën, angazhimin dhe sakrificat shumëvjeçare të LDK-së drejt realizimit të lirisë dhe pavarësisë së Kosovës.

 

"Ne si FR i LDK-së, këtë vit e kemi cilësuar si vit i të rinjve dhe ky takim është në vazhdën e takimeve që ne po i realizojmë me të rinjët e të gjitha komunave të Kosovës, për të komunikuar drejtpërdrejt me ta në mënyrë që të njoftohemi për së afërmi me kërkesat dhe nevojat e të rinjve anemban Kosovës", tha Tolaj.

Më pastaj u zhvillua një debat mes të rinjve dhe nga të pranishmit u shtruan një varg pyetjesh në të cilat u përgjigjen musafirët nga Prishtina.

 

 

Në një shpërthim plagoset një ushtar amerikan

 

Bagdad, 20 shkurt 2004 - Një ushtar amerikan është plagosur sot kur një kolonë me mijëra ushtarë që po vinte nga Iraku ndeshi në një mjet shpërthyes afër Baladit, 75 km në veri të Bagdadit.

Ushtari i plagosur është evakuar me helikopter.

Kolona po transportonte vetëm një pjesë të 30 mijë ushtarëve amerikanë që ishin vendosur prej një viti në trekëndëshin sunit, zonë e cila ndodhet në veri të Bagdadit, ku guerila antiamerikane është shumë aktive, njofton AFP.

 

 

Në Iran po zhvillohet zgjedhjet parlamentare

 

Teheran, 20 shkurt 2004 - Iranianët po votojnë sot në zgjedhjet parlamentare, në të cilat konservatorët nuk kanë aspak të garantuar të rifitojnë shumicën që mbanin para se reformatorët fituan një shumicë të ndjeshme 4 vjet më parë, dhe çështja kryesore tani është pjesëmarrja në zgjedhje.

Reformatorët bënë thirrje për bojkotimin e zgjedhjeve me shpresë që pjesëmarrja e ulët në zgjedhje do të shërbente si mesazh se iranianët kundërshtojë vendimin e Këshillit Mbikqyrës të emëruar nga klerikët që të skualifikonin një numër të madh kandidatësh reformatorë.

Konservatorët bënë thirrje për një pjesëmarrje të gjerë në votime. Kryetari i Këshillit Mbikqyrës u tha besimtarëve në lutjet e sotme se njerëzit që i këshillojnë iranianët të mos votojnë janë tradhëtarë të islamit dhe të vendit.

  |  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  |