|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

OPINIONE

SQARIM - Ndaj Reagimeve të shkrimit tim me titull: Maqedonia etnike dhe Shqipëria etnike

Shefki  OLLOMANI

 

SQARIM - Ndaj Reagimeve të shkrimit tim me titull: Maqedonia etnike dhe Shqipëria etnike, të botuar në periodikun PASQYRA,Nr.78, të datës 10 shkurt 2004, Prishtinë, si dhe në Liria Kombëtare (Lajmet.Com) më 11 shkurt 2004, në Trepça.Net më 13 shkurt 2004 dhe në RTVZIK.Com më 14 shkurt 2004)

 

            Të nderuar Lexues!

 

Këtu më poshtë do të përpiqem që sa më shkurt, shqip e qartë t’i sqaroj disa reagime të pabaza e tendencioze të "disa lexuesve“ (që kanë reaguar pa e lexuar shkrimin tim, por kanë reaguar në bazë të emrit të artikullshkruesit), si dhe të jap sqarime për JU që kam rrespekt të veçantë.

 

Por, që në fillim dua të theksoj se unë nuk jam Don Kishot që të „luftoj“ me mullinjtë e erës, pra, që të polemizoj me kalemxhinj pa emër, me maska, e me pseudonime, prandaj ky shkrim i imi nuk është as replikë dhe as polemikë e mirëfilltë, sepse nuk është frytdhënëse të polemizosh me anonimusa (Të paemër)!

 

*****

Në grupin e anonimusave, të pa emër e të pafytyrë, hynë, p.sh. njëfarë kaf(d)ri zenku (që as emrin e vet nuk ka ditur ta shkruaj), pastaj xhelal bojku e „Xhemë Hasa – Gostivari“, të cilëve s’kam ç’t’u them, sepse janë nën nivelin normal të të kuptuarit dhe të të menduarit. Mendoj se këto tre pseudonime janë të një personi, ndoshta të „Besnik Mirditës“. Ku e diti „xhelal bojku“ se ”kafri zenku” quhet ”kadri zenku”?!

 

Kurse anonimusi tjetër „Albini“, shumë ka shkruar dhe asgjë s’ka thënë! As ai vetë nuk e din se çka ka lexuar dhe kah të anojë! Nuk e ka kuptuar mesazhin e shkrimit tim!

 

Ndërsa anonimusi tjetër me pseudonim „Rrebel Tetova”, kundërshton pa e lexuar fare shkrimin, por duket se është njeri i sinqertë dhe i ndershëm, sepse e pranon mosleximin e shkrimit tim.

 

Kurse reaguesi „Aureli“ nuk ka thënë asgjë në reagimin e tij, sepse nuk ka pasur çka të thotë, por ashtu nga shprehia e të shkruarit çdo ditë nëpër Forume të internetit, i ka shkruar dy fjalë për havá!

 

Kurse anonimusi tjetër „tetovari,Shqipëri“, të paktën e bën një pyetje normale, kur pyet për fotografitë që janë vendosur në shkrimin tim. Prandaj, unë e kam për obligim moral që ta njohtoj se as unë nuk di për prejardhjen e këtyre fotografive, sepse aty nuk i kam vendosur unë, por Redaksia e gazetës PASQYRA. Po të doni pyeteni atë. As titulli i shkrimit tim: Shqiptarët dhe maqedonët duhet të punojnë bashkë, nuk është i imi, por i Redaksisë së Pasqyrës.

 

Sa i përket Kryeredaktorit të revistës ILIRIA, Arbër Iliri, edhepse ka reaguar me pseudonim, s’prish punë, e kuptoj pozitën e tij, dhe e di kush është. E kuptoj shqetësimin dhe zhgënjimin e tij, por e siguroj se nuk ka nevojë të mërzitet, sepse unë jam dhe do të mbetem ai që kam qenë dhe që jam – një luftëtar i përhershëm i Shqipërisë etnike dhe një nacionalist (kombëtar) i pa luhatshëm. Është e drejtë e tij të mos pajtohet me tezën time për bashkëpunim mes shqiptarëve dhe sllavomaqedonasve, për aleancën e mundshme politiko-ushtarake shqiptaro-sllavomaqedone, me qëllim të dobësimit të boshtit antishqiptar Beograd-Sofje-Athinë, sepse jo çdo tezë gjen fushë veprimi e realizimi. Jetojmë në epokën e pluralizmit politik e të sistemeve demokratike, ndaj secili prej nesh ka të drejtë të shpreh pikëpamjet dhe mendimet e veta politike, në gjurmim të formave, mjeteve dhe taktikave politiko-ushtarake për realizimin e aspiratave tona kombëtare. Arbër Iliri, thjeshtë, më ka keqkuptuar. Arbër Iliri i ILIRISË ka gjasa që ta ketë marrë vesh se cili është ”Besnik Mirdita”, i është dukur ”njeri i madh”, dhe ia publikoi reagimin atij, kurse shkrimin tim nuk e publikoi në ILIRIA.NET. Përdori cenzurën! Ka rastin tani që ta përmirësojë gabimin, duke e publikuar këtë SQARIM bashkë me Shtojcën e tij.

 

*****

Kurse anonimusët: ”Bejtullah Sadiku, Adnan Zaskoku, Adriatik Tirana dhe B. Reka” janë i njëjti person, pra, është i ”famëshmi” kalemxhi ”BESNIK MIRDITA”, i cili është autor i reagimit me titull: ”Eureka historike” dhe ”matematika politike” e Shefki Ollomanit për ”Maqedoninë Ilire”(!), të botuar në faqen e internetit Iliria.Net, Trepça.Net dhe Liria Kombëtare (Lajmet.Com) më 15 shkurt 2004, si dhe në RTVZIK.Com më 15 shkurt 2004.

 

Siç po shihni, lexues të nderuar, ”Besnik Mirdita” është një ”pehlivan” i përsosur dhe për të më sulmuar mua ka përdorur një varg pseudonimesh dhe e-mail adresash (të paktën 5, ndoshta 8, me ato tri të parat), me qëllim që të krijojë përshtypjen se mua, Shefki Ollomanin, dhe artikullin tim, po e kritikojnë shumë lexues, duke manipuluar në këtë mënyrë edhe me faqet e nderuara të internetit (por jo me bartësit e tyre, se ata e kanë të njohur që prej kohësh këtë ”marifet” të ”Besnik Mirditës”) dhe duke tentuar që të dezorientojë lexuesit e ndershëm. Dhe ky  farë hithi - ”Besniku”, ka edhe shumë pseudonime tjera, të cilët nuk është vendi e kuvendi për t’i thënë!

 

Por, nga instancat më të larta të FBKSH-ës (nga i cili ”Besnik Mirdita” është përjashtuar qysh moti), kam të dhëna të sigurta dhe të dokumentuara se, cili person fshihet pas këtyre alamet pseudonimeve dhe shkrimeve denigruese (jo vetëm kundër meje), dhe po ta teprojë me shkrimet dhe propagandën e tij shizofrenike, FBKSH-ja do të detyrohet që t’ia çjerri maskën dhe t’ia zbulojë identitetin e vërtetë, sepse tanimë nuk është koha e pseudonimeve, e maskave dhe e maskarenjëve, por është koha e luftës ballë-përballë me pushtuesët dhe koha e debatit politik fytyrë për fytyrë me të gjithë ata që duan të shtrojnë pikëpamjet e tyre politike, taktike e strategjike për zgjidhjen e çështjes kombëtare shqiptare dhe të japin kontributin e tyre për Ribashkimin e Shqipërisë. Ilegaliteti politik i takon së kaluarës komuniste. Askush nuk është dhe nuk mund të etiketohet ”tradhëtar” pse nuk mendon dhe nuk vepron njësoj si shoku i vet apo si të tjerët, e aq më tepër si i përhënuri ”Besnik Mirdita”, i cili ditën shtiret qingj, kurse natën bëhet ujk!

 

Nga shkrimi histerik i ”Besnik Mirditës”, qysh në fillim të tij, shihet qartë, si rrezja e diellit, se ky farë nevriku as që e ka lexuar shkrimin tim, për të cilin hedh gur e baltë, sepse kush din shqip e kupton qartë që në fillim të shkrimit tim se, unë sllavomaqedonët e sotëm i quaj sllavë, kurse maqedonët antikë i kam quajtur pellazgo-ilirë, jo pse ashtu më është tekur mua, por se ashtu kanë shkruar historianë botërorë dhe kombëtarë. Por, mjerisht, ”cërnagori” i ”Tivarit” – ”Besnik Mirdita”, deri vonë ”aparatçik” i Beogradit (!), edhe pse nëpunës fakultetli(!), nuk ka lexuar asnjë libër historie deri më sot, as nuk e lexoi deri në fund shkrimin tim, por sapo ka lexuar emrin tim dhe titullin e artikullit, i janë terruar sytë dhe i është mjegullosur truri (nëse ka!) dhe ka marrë shpejt e shpejt lapsin e tij majështrembër dhe ka shkarravitur të zezë mbi të bardhë, ashtu siç din vetëm ai. Unë e njoh atë personalisht, edhe ai më njeh mua, por se më urren organikisht deri në këtë shkallë, kurrë nuk kam mundur ta marrë me mend! Kur dihet botërisht, këtë e dinë të gjithë shokët e miqtë që na njohin që të dyve, se unë e ai kurrë nuk jemi zënë apo grindur për diçka, qoftë politike qoftë private (as familjet tona nuk janë grindur), prandaj nuk e kuptoj aspak veprimin e tij dhe etiketat fallse që më ngjet në reagimin e tij! Njeri (nëse mund të quhet njeri!) më bukëpërmbysës se ”Besnik Mirdita” nuk më ka ra rasti që të njoh! Një ”njeri” me dubëlmoral, tinëzar, hipokrit dhe i pasinqertë! ”Njeri” që ditën urren vetveten, kurse natën gjithë botën!

 

E theksova qysh në fillim se, unë nuk kam ndërmend të notoj në të njëjtat ujëra të fëlliqura të shpifjeve dhe etiketimeve banale të ”Besnik Mirditës” me kompani, prandaj edhe nuk polemizoj me reagimin e tij ndaj shkrimit tim, sepse as nuk ia vlen dhe as nuk kam kohë të merrem me tipa psikopatikë dhe t’ju mbajë atyre leksione për historinë tonë kombëtare! Nuk më lejon edukata ime familjare, rregullat e mirësjelljes dhe karakteri im tolerant (këtë e din të gjithë ata që më njohin personalisht), që ta ul veten në nivelin e pakulturuar të ”Besnik Mirditës” dhe të përdorë stilin dhe terminet ofenduese të tij.

 

            Të nderuar lexues!

 

Unë nuk pretendoj se shkrimi im, „i përbaltur“ me aq zell nga i vetëquajturi „Besnik Mirdita“, është i përkryer e pa të meta, por aty ka edhe gjëra të mira, prandaj, Ju merrni të mirat dhe hidhni të këqijat e atij shkrimi, që nuk është aspak „provokativ“, siç shpif „profeti i pagabueshëm“ -  „Besnik Mirdita“, por një shkrim vizionar dhe qëllimmirë.

 

Populli thotë: Gojët e hallkut e vrimat e gardhit nuk mbyllen!

 

Prandaj, me kaq i jap fund këtij SQARIMI. Ky është i pari dhe i fundit për këtë çështje.

 

I falenderoj Lexuesit e të gjitha Faqeve të lartpërmendura të Internetit për durimin dhe zellin e tyre për leximin e shkrimeve të mia të deritashme dhe të ardhshme.

 

I falenderoj Faqet e lartpërmendura të Internetit për mirëkuptimin, dhe publikimin e artikullit tim, të artikujve të mëparshëm, si dhe të këtij SQARIMI.

 

E falenderoj veteranin e arsimit shqip nga Ilirida, Zotëri Qazim Rrushajn për objektivitetin dhe paanëshmërinë gjatë reagimit të tij, si dhe të gjithë përkrahësit tjerë të sinqertë.

 

Me nderime vëllazërore dhe përshëndetje kombëtare,

 

SHEFKI  OLLOMANI 

 

Suedi, më 17 Shkurt 2004