Në organizim të Forumit të Rinisë të LDK-së në Therandë u mbajt debat i hapur me të rinjtë “2004 Viti I LDK-së

Në organizim të Forumit të Rinisë të LDK-së në Therandë u mbajt debat i hapur me të rinjtë “2004 Viti I LDK-së – Viti i Juaj”

Të rinjtë e Therandës kanë potencial që të ndikojnë pozitivisht në dinamizimin e rrjedhave në vend


“Kosova ka hyrë në një proces i cili është përcaktues për të ardhmen e saj dhe Theranda ka potencial rinor që të ndikoj pozitivisht në dinamizimin e rrjedhave në vend, fakt ky që është argumentuar shumë herë dhe sot po rikonfirmohet” tha z. Zeneli i cili në vazhdim shtoi se “Kosovës dhe perspektivës së saj i nevojitet një qeverisje stabile dhe efikase, qeveri që me punën e vet do të reflektonte përgjegjësi ndaj qytetarëve të Kosovës.

Të rinjtë e LDK-së kanë barrën dhe përgjegjësinë që të jenë katalizator të këtyre proceseve.Takimi i sotëm është një rast i mirë të afirmojmë politikat e të rinjëve të LDK-së dhe të përcjellë mesazhin shumë të qartë pro një dinamike më të theksuar në të gjitha proceset në vend”-theksoi në fjalën e tij kryetari Zeneli.

Në vazhdim nga ana e pjesëmarrësve në debat u shtruan për diskutim një varg çështjesh që janë preokupuese për të rinjtë dhe qytetin e Therandës. Duke u përgjigjur në një pyetje rreth problemit të papunësisë, z.Zeneli tha se, pas çështjës së definimt të statusit final të Kosovës, çështja e papunësisë është çështja më e ndjeshme në Kosovë dhe këtij problemi, tha ai, do t’i qasemi në mënyrë serioze dhe institucionale.