REAGIM: "Eureka Historike - Matematika Politike e Shefki Ollomanit"!

OPINIONE

Reagim ndaj reagimit: "Eureka Historike - Matematika Politike e Shefki Ollomanit"! të Besnik Mirditës

16 shkurt 2004 / TN

Nga Qazim RRUSHAJ
I nderuari zotni Shefki Ollomani!

Mbasi është shumë vonë për mua, për të shkruar më gjërësisht rreth shkrimit të zotit Sh. Ollomanit, ora 2 e mëngjezit sipas kohës së Kalifornisë; për të bërë një përmbledhje të shkurtër rreth historisë, etnisë, paraardhjes, gjuhës dhe vendbanimet e Shqiptarëve në lashtësi. Zotni, as përsëafërmi dhe as përsëlargu nuk të njoh, sepse jetoj në Amerikë mbi 30 vjet. Fillimi i artikullit tuaj, si pikënisje e historiko- grafisë shqiptare është me vend, dhe ka bërthamë.

Pikërisht, temë e një përfilljeje të historisë së lashtë shqiptare. Dhe sic më duket mua, me siguri që jeni mirënjohës i vërtetë së historisë së lashtë të Shqiptarit. Vetëm fotografitë e këtyre heronjëve, të veshur me tirqët, brezin dhe xhamadanin tipik shqiptar, duke suprimuar "kësulën", pa pra, të qon larg në histori, dmth në Thrakinë e lashtë të p.e.s., që do të ishin Thrakas , të njëgjaku dhe të një gjuhe me Ilirët (Yllirët). Kush janë Yllirë, janë edhe Thrakas; kush janë thrakas janë edhe Yllirë. Yllirë: Ylli Rria (Ylli Perendon), pra Yllirët e Perendimit, dhe Thrakasit, Yllirët e Lindjes. Zoti Besnik Mirdita thotë: "Maqedonët e vjetër dhe të rinj, në esencë janë bullgarë". Eshtë gabim, zotni, maqedonët e vjetër ishin Ilirët e Lindjes.
Kaq sa për sonte. Nuk do të ndërhyj në cështjet e ditës politike, mbasi e njoh mirë atë anë, sepse jam nga ajo anë. Tjetër herë do të shkruaj më gjërësisht. Dëshiroj që të merreni me cështjen e lashtësisë shqiptare, sepse literatura e huaj mbi ne është e bollëshme dhe e qartë, vetëm që duhet nxjerren nga fundi i bibliotekave ndërkombë- tare. Po kaloj në cështjen "kritike". Artikulli i juaj në fjalë, zotni Shefki, nuk përmban më shumë se tri faqe e gjysë; kurse "kritikat" e shëmtuara sa një sumbllar mullari nga lexuesit e pandërgjegjshëm dhe të padijes, drejtuar ty, të stërgjatura dhe të pathemelta, porsi "guri i mullirit, që bluan drithë pa ujë"! Kritikat zëjnë mbi 10-15 faqe, që për fat, ato shkarravitje as do t''i kisha futur "në vathën e thive", e jo më në një "tru" ndërkombëtar.

Lexuesit dhe kritikuesit, më duket, se vetëm u ka bërë për- shtypje "titulli", duke harruar përmbajtjen. Në artikullin nuk shoh ndonjë të keqe, përsa i përket hartimit dhe mendimit tënd personal rreth bashkëpunimit ndërsjellës, në të kaluarën dhe në të ardhshmen, që duhet spjeguar pak më gjërësisht dhe qartësisht për marrëdhëniet shqiptaro-maqedone. Do të ishte e dëshirueshme që intelektualët, historianët, gjuhëtarët dhe jo si teneqegjijtë, të vetëdisciplinohen, duke mos e shpallur arroganciën e tyre për një lëndë që nuk e njohin. Këto sharje jashta etikës dhe nivelit kulturor, që s'ia vlejnë as edhe politikës. Këto mallkime, më rikujtojnë zënkat e viteve 50-jeta, që atë botë s'numroheshin me gishta njerëz të shkencës dhe të kulturës, për t'iu kundërvënë cështjeve të pathemelta, por që ishin "mjeshtra" që dinin të shanin njeri-tjetrin, sikur ua kishte gërryer trutë murtaja.
Vëllezër, Historia Shqiptare, ende nuk është vënë në vagën e drejtë për t'u peshuar nga vetë historianët shqiptarë, të kundërtën, gëlltisin pështymën e huaj, duke mos e cmuar të veten. Mos nxitoni për gjasat historike shqiptare që nuk i njihni. Shpresoj se cështja e kombit dhe gjuhës shqiptare është shumë e lashtë, dhe shkrimet, letërsia e saj është një ndër më të stërlashtat në botë; tashmë mund të tjetërsohet si e tillë, që shkon në favorin e saj. Do të keni mundësi që t'a lexoni librin në fjalë, ku do t'u jepet rasti që t'i bindeni realitetit historik të Shqiptarit.
I nderuari edhe një herë Shefki,
Sic shkruani, se do të bëni një përmbledhje rreth kritikave në fjalë; as mos e vra menden, se ato "mjeranët" përsëri do t'u sulmojnë, pa mos lexuar bile as rreshtin e parë. Për sulmet, t'i falenderosh.
Mbetemi me të fala vëllazërore. Qazim Rrushaj