|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Botime

Toena rishqipëron "ALKIMISTI"

15 shkurt 2004 / TN Çerçiz LOLOÇI AUTORI: Paulo Coelho TITULLI: Alkimisti PERKTHYESI: Nonda Varfi LLOJI: Roman FORMATI: 13 x 20 cm FAQE: 200 ISBN: 99927 1 791 2 ÇMIMI: 700 Lekë (5.0 Euro) Sapo ka dale nga shtypi dhe është hedhur ne qarkullim romani i njohur i Paolo Colhos Alkimisti", nje nga veprat më të rëndësishme për autorin, por dhe më e dashura e tij.

Me një perkthim të ri nga Prof. Nonda Varfi, i cili ka përkthyer edhe veprat e tjera të Coelhos në shqip, "Alkimisti" mendojmë se është vepra më e arrirë e këtij përkthyesi të njohur nga frëngjshtja, i cili duket që më në fund ka hyrë plotësisht në botën e Coelhos dhe të veprës së tij.

Romani "Alkimisti" ka njohur deri tani një rekord shitjës, mbi 27 milionë kopje, dhe është shpallur si libri më i shitur për disa vjet në disa prej gjuhëve më të mëdha të botës

Shtëpia Botuese “TOENA” ka botuar me sukses disa prej librave të tij:

1. Veronika vendos të vdesë, 2000

2. Mali i pestë, 2001

3. Djalli dhe zonjusha Prym, 2001

4. Pelegrini i Kompostelës, 2003

5. Alkimisti, 2003

 

Së shpejti për lexuesin shqiptar ajo do të botojë:

 

1. Njëmbëdhjetë minuta, maj 2004

2. Manuali i Luftëtarit të Dritës, pranverë 2005

Përkthyesi nga frengjishtja i të gjithë librave të tij në gjuhën shqipe është NONDA VARFI

Histori e shkurtër e “Alkimisti”-t

“Ndodh që një herë në disa dekada të botohet një libër që ndryshon jetën e lexuesve të tij përgjithmonë. “Alkimisti” i Paulo Coelho-s është tamam libri që tashmë mban statusin e romanit modern por klasik.”

“Për të kuptuar vetë fatin është obligim i secilit.”

Romani magjepsës i Paulo Coelho-s ka frymëzuar miliona lexues kudo nëpër botë.

Në të përshkruhet një histori e shkëlqyer në thjeshtësinë dhe urtësinë e vet, historia e një bariu të ri andaluzian, me emrin Santiago, i cili guxoi të udhëtonte nga vendlindja e tij, Spanja për në Afrikën e Veriut në kërkim të një thesari të fshehur te Piramidat.

Gjatë rrugës ai takoi një grua të re cigane mjaft të bukur, një burrë që vetquhej mbret dhe një alkimist, që nga pikëvështrimi i Santiagos e ndihmuan në kërkimin e thesarit të vet. Asnjë prej tyre nuk e dinte se për çfarë thesari bëhej fjalë ose nëse Santiago do të mund të kapërcente pengesat që do të haste duke përshkuar shkretëtirën. Por ajo çka nisi si një aventurë djaloshare përfundoi me mësimin se thesarin gjendej pikërisht në shtëpinë e vet.

E brishtë, ndjellëse, dhe thellësisht njerëzore, historia e Santiagos është një testament i përjetshëm për të realizuar ëndrrat tona duke dëgjuar zërin e zemrës.

Publicistika për autorin

(Botuar ne forme broshure nga Sh.B. “Toena “ dhe qe jepet falas bashke me romanin e tij “Alkimisti”)

Në maj 1993, HarperCollins botoi "Alkimisti" në 50.000 kopje, që ishte numri më i madh i kopjeve të një libri brazilian botuar për herë të parë në USA. Gjatë lançimit, drejtori ekzekutiv i HarperCollins, John Loudon, tha: "Ishte fat që arritëm agimin për të parë rrezet e diellit kur ndërkohë pjesa tjetër e botës ende fle. Prisni derisa çdonjëri të hapë sytë dhe ta shohë gjithashtu." Paulo ishte pushtuar nga entuziazmi i HarperCollins për librin. "Ky është një moment shumë i veçantë për mua", ka thënë ai. Botuesi i tij përfundoi paraqitjen duke thënë: "Shpresoj që ribotimi i librit do të vazhdojë aq gjatë, dhe libri do të vazhdojë të jetë po aq ngacmues dhe i suksesshëm ashtu si ka qenë edhe historia e vetë Amerikës Latine".

Dhjetë vjet më vonë, më 2002, John Loudon i shkroi Paulos: ""Alkimisti" është bërë një nga librat më të rëndësishëm të historisë aktuale të kompanisë sonë. Ne jemi krenarë për librin dhe suksesin e tij. Historia e suksesit të tij me ne reflekton historinë e librit!". HarperCollins planifikoi një kambanë ambicioze publicitare në përvjetorin e dhjetë të ribotimit të librit, i cili përfshinte një mënyrë shitjeje masive ndërkombëtare, shitje që do të realizohej në të gjithë botën legjionit të fansave të librit, numri i të cilëve shtohej vazhdimisht.

Julia Roberts (Xhulia Roberts) ka thënë: "Është si një melodi, me të vërtetë, mënyra si ai shkruan, është kaq e bukur. Është një talent që unë e kam zili më shumë se gjithë të tjerët."

(Në Paulo Coelho: The Alchemist of Words, Discovery Networks/Polo De Imagem  [documentary]).

Madona ka thënë në një intervistë dhënë revistës gjermane "Sontag-Aktuell": ""Alkimisti" është një libër i bukur që flet rreth magjisë, ëndrrave dhe thesareve që ne mundohemi t'i gjejmë gjetiu dhe më në fund i gjejmë në pragun e shtëpisë".

Suksesi i "Alkimisti"-t në USA shënoi fillimin e karierës së tij botërore. Disa producentë të Hollivudit treguan menjëherë interes për të marrë të drejtën për film, i cili u realizua më 1993 nga Warner Brothers.

Përpara botimit në USA, "Alkimisti" ishte botuar nga shtëpi të vogla botuese në Spanjë dhe në Portugali. Në Spanjë, libri nuk kishte hyrë ende në listën best seller deri më 1995. Shtatë vjet më vonë, Shoqata e Botuesve Spanjollë shkroi që "Alkimisti" (Botimet Planeta) kishte qenë libri më i shitur në Spanjë gjatë vitit 2001. Nga ana tjetër, shtëpia botuese spanjolle gjatë vitit 2002 ribotoi të gjitha veprat e Paulo Coelho-s. Paulo Coelho është autori më i shitur në Portugali (Botimet Pergaminho), me më shumë se një milion kopje të shitura.

Më 1993, Mônica Antunes, e cila kishte filluar bashkëpunimin me Paulon që nga 1989 pasi kishte lexuar dy librat e parë të tij, themeloi në Barcelonë Agjencinë Letrare Sant Jordi Asociados bashkë me Carlos Eduardo Rangel, me qëllimin për të manaxhuar të drejtat e veprës së Paulo-s.

Në maj të po këtij viti, pas botimit të "Alkimisti"-t në USA, Mônica u ofroi librin disa botuesve të ndryshëm nëpër botë.

E para shtëpi botuese që bleu të drejtat ishte "Ex Libris" nga Norvegjia. Botuesi i saj, Øyvind Hagen, i shkroi Mônica-s: "Libri ka një ndikim të vazhdueshëm te unë." Pak ditë më vonë shtëpia e re botuese franceze "Anne Carrière" iu përgjigj Mônica-s: "Është një libër i mrekullueshëm ne do të bëjmë çdo gjë të duhur për ta bërë best seller në Francë."

Në shtator 1993 "Alkimisti" u vu në krye të listës best seller në Australi. Gazeta "The Sydney Morning Herald" shkruante: "Është libri i vitit. Një vepër magjepsëse me bukuri filozofike të pambarimtë".

Në prill 1994, "Alkimisti" u botua për herë të parë në Francë (Botimet Anne Carrière). Ai pati ribotime të shumta dhe lexuesit "u marrosën" mbas librit, i cili filloi ngjitjen në listën best seller. Dy ditë para Krishtlindjeve nga Botimet Anne Carrière, Mônica-s i erdhi mesazhi: "Si një dhuratë për Krishtlindje, unë po ju dërgoj listën best seller të Francës. Ne jemi të parët!".

"Alkimisti" vazhdoi të ishte i pari në çdo listë në Francë, dhe ai qëndroi në krye për pesë vjet me radhë. Mbas këtij suksesi fenomenal në Francë, librat e Coelho-s lanë prapa botën letrare për t'u bërë një fenomen europian që ishte shtrirë kudo në botë.

Kurrë deri atëherë, çdokush dhe secili nga gjashtë romanet e Paulo Coelho-s të përkthyera në frëngjisht, nuk kishin qenë në krye të listës best seller, dhe aq më tepër të qëndronin aty për muaj me radhë. Ai kishte tashmë, madje, tre nga titujt e tij në krye të klasifikimit në të njëjtën kohë.

"Pranë lumit Piedra u ula dhe qava", botuar në Brazil nga "Rocco" më 1994, konfirmoi statusin e vet internacional.

Më 1995, "Alkimisti" u botua në Itali (Botimet Bompiani), dhe kapi menjëherë numrin një në listën best seller. Vitin pasardhës Paulo u nderua me dy çmime prestigjioze të Italisë, "The Super Grinzane Cavar Bode Awards" dhe "Flaiano International Award".