|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

OPINIONE

Reagim

“EUREKA HISTORIKE” DHE “MATEMATIKA POLITIKE” E SHEFKI OLLOMANIT PËR “MAQEDONINË ILIRE”(!)

15 shkurt 2004 / TN

Besnik MIRDITA

Komenti i Shefki Ollomanit me titull: “shqiptarët e maqedonët duhet të punojnë bashkë”, i publikuar në “liria kombëtare”, më 13 shkurt 2004, ka shkaktuar konfuzion dhe dilemma të panevojshme në opinionin e gjerë shqiptar, sepse nga mosnjohja e historisë së mirëfilltë të lashtë shqiptare dhe “maqedone” ka nxjerrë konkludimin arbitrar se “MAQEDONET JANE ILIRE”(!)

Kësi përfundimi skandaloz antihistorië dhe antiantropologjik, deri më sot nuk ka nxjerrë në sipërfaqe as shkenca më reaksinare shoviniste e ashtuquajtur maqedone, përkatësisht bullgare. Këtë “eurekë historike” dhe “matematikë politike” të Shefki Ollomanit, e përjashtojnë të gjitha burimet e derisotme historike arkivore dhe politike; tekstet dhe projektet shkencore maqedone, përkatësisht bullgare, duke konkluduar se “Maqedonët e kanë prejardhjen prej fiseve aziatike barbare: TATARE, MONGOLE, ASPAHURUNE DHE SELXHUKE- TURKE”, e jo assesi “ILIRE”, siq pohon “historiani i ri” shqiptar i  “shkencës së vjetër maqedone”, Shefki Ollomani.

1.Simetria e gabuar e historikes dhe e politikes

Meqenese sipas  dioptrisë miope të Shefki Ollomanit si në aspektin historik, ashtu edhe në atë politik, kombëtar dhe shtetëror, shqiptarët dhe maqedonët “qenkanë me përbërje të një trungu të lashtë pellazgo-ilir“, dhe “maqedonët“ sipas këtij “historiani të ri” shqiptar, paskanë një shtrirje aqë të gjerë (tri Maqedonia: Pirineje, Egjeje, Lindore, Perëndimore etj.,që po e përbëjkanë tërësinë e “Maqedonisë etnike“ ) gjeografike, atëherë shqiptarët e maqedonët sipas kësaj teze fataliste dhe të improvizuar në skajshmëri, për shkak të varfërisë profesionale të autorit të saj, del se, qenkanë “NJË POPULL I PËRBASHKËT“=“NJË ETNI E PËRBASHKËT“ i ngulitur në  Siujëdhesën Ballkanike(!?)

Mirëpo, ky konstatim pa asnjë mbulesë shkencore, fare nuk është i vërtetë as historikisht, as politikisht, as tradicionalisht, sepse shqiptarët nuk kanë asnjë element të përbashkët me “maqedonët ilirë“ të Shefki Ollomanit. Sipas historisë të derisotme të popujve të ballkanit, maqedonët e vjetër dhe të rinj, në esencë janë bullgarë me origjinë të fiseve të theksuara barabare aziatike-thrakase, përkatësisht sllave, e jo kursesi  me prejardhje “ILIRE“ sipas përfundimit spekulativ dhe hipotetik të tezës më të re “historike“, të falsifikuar nga teoria e kombëtares=shqiptare+maqedone“ të  Shefki Ollomani.

Në këtë vështrim, shtrohen edhe kjo pyetje: meqë sipas tezave të trilluara të Shefki Ollomanit, shqiptarët dhe maqedonët qenkanë me të njëjtën prejardhje, atëherë pse ekziston problemi i pazgjidhur shqiptar-maqedon në Ballkan? Meqenëse, po ekzistojkanë  tri “maqedonia etnike“, atëherë ku ndodhet në mesin e tyre Shqipëria Etnike? Dhe, a është e logjikshme që unë edhe Shefki Ollomani së bashku me disa të tjerë, të luftojmë kundër shtypjes, barbarizmit dhe gjenocidit kolonial sllavomnaqedon, kur ne qenkemi “një popull=një etni pellazgo-ilire“?!    

Përfundimet e këtilla “historike-politike“ të Shefki Ollomanit janë të pranueshme vetëm për politikën shoviniste ditore të VMRO-së; për akademikët shovinistë të Akademisë së Shkencave të Maqedonisë, si dhe për pushtetin e egër aktual sllavomaqedon, që shqiptarët jo vetëm se nuk i pranojnë si komb të barabartë me maqedonët (sipas Kushtetutës në fjuqi), por si minoritet, si “shiftari“, si “arnauti“, e kursesi si “vëllezër të një gjaku, të një etnie të përbashëk të  historisë antike pellazgo-ilire të filipave e aleksandrave“ të “eurekës historike“ të Shefki Ollomanit.

Shovenët maqedonë, bullgarë kanë drejtë, që i mohojnë preajrdhjen dhe ekzistencën e shqiptarëve dhe të Shqipërisë Etnike, sepse më mirë se “historiani i tyre“ Shefki Ollomani, e dijnë historinë e gjenealogjisë së tyre, dhe kurrnjëherë shkenca,as politika e tyre nuk e ka pranuar se ata janë maqedonë ilirë dhe të një gjuhe, të një gjaku dhe të një etnie me shqiptarët.

Thjesht, sipas “teorisë së re historike“  mbi “Maqedoninë etnike dhe maqedonët ilirë“ të Shefki Ollomanit,  nxjerret në pah edhe një argument tjeter politië shumë i dëmshëm, domethënë shqiptarët, përkatësisht UCK-ja paska zhvilluar luftën mbrojtëse glirimtare kundër terrorizmit të egër sllavomnaqedon plotësisht në “mënyrë të gabuar“, sepse sipas Sh.Ollomanit, “maqedonët dhe shqiptarët qenkanë vëllezër“ dhe paskën një shtet të përbashkët, që po u quajka “Maqedonia etnike-shqiptare ilirike“ (!?) Cfarë “margaritari“ ky “historiko-politik, shkencor dhe kombëtar shqiptar“!?

Kujtë i hyn në punë ky “zbulim epokal  i shekullit 21“ për historinë dhe etninë mikste-shqiptare-maqedone të “Maqedonisë ilire“ askujt tjetër veçse Shefki Ollomanit dhe propagandës e politikës ditore antishqiptare të FYROM-it për të sofistikuar të vërtetën historike mbi shqiptarët dhe Shqipërinë Etnike me moton: “hajde të pajtohemi e të punojmë së bashku“ (sipas logjikës së faisur  të “politikës matematikore“ të Shefki Ollomanit) si dikur në euforinë e kërcimit të “kozaragko kollos“ të “platforms së bashkim-vëllazërimit, edhe pse shqiptarët nuk kanë asnjë veçori të përbashkët me shtypësit e tyre kolonialistë: “maqedonë“, serbë, malazezë dhe grekë.

Duke qenë se këtë “formulë“ koloniale dhe multietnike e kemi parë, dhe e kemi përjetuar  me lëkurën dhe me gjakun tonë të shtrenjtë në Jugosllavinë e Titos dhe të Serbisë  fashiste dhe gjenocidale të Slobodan Miloshevqit, shqiptarët në FYROM, do të punojnë së bashku me maqedonët" vetëm atëherë, kur atyre do të iu njihet e drejta e vetëvendosjes, dhe e drejta e rikthimit të territorit të Shqipërisë Etnike, të grabitur nga maqedonët ilirë" të Shefki Ollomanit.

Në njërën anë, këto teza fataliste të “kombëtares historike“ dhe  të “matematiëës politike“ të Shefki Ollomanit, e justifikojnë tërësisht zbatimin e Marrëveshjes së Ohrit (2001 dhe Kushtetutën diskriminuese të pushtetit actual sllavomaqedon, e cila shqiptarët e FYROM-it,I njeh vetëm si minortet, dhe qytetarë të rendit të dytë dhe të tretë. Fundja, kjo politikë kolonialiste antishqiptare, e regjimit sllavomaqedon , edhe përputhet plotësisht me mesazhin e tezave të reja falsifikuese dhe triviale të Shefki Ollomanit, i cili si përfaqësues i “minoritetit kombëtar“ shqiptar, po kërkon revidimin e historisë dhe të politikës së “padrejtë“, që iu paskësha bërë “maqedonëve ilirë“ nga të tjerët, gjatë “fërkimit“ të tyre në rrebeshet dhe stuhitë e shekujve të “antikës ilire maqedone“.

Hedhja në eter e  “eurekës historike“ dhe e “matematikës politike“ të Shefki Ollomanit në “ndrigimin“ e prejardhjes “ilirike maqedone“, përkatësisht të “Maqedonisë Etnike“, duke kërkuar “forma të reja“  të pajtimit dhe të bashkimit me surrogatët e fiseve të theksuara barbare aziatike, është në kundërshtim me historinë e ndritshme të prejardhjes  ilire të Shqiptarëve dhe të Shqipërisë Etnike.