|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Nga takimi i të rinjve të Dardanës me kryesinë e FR të LDK-së

Rinia e Dardanës e aftë për t’u përballur me të gjitha sfidat

Prishtinë, 14 shkurt 2004 / TN - Në vazhdën e takimeve që po zhvillon kryesia e FR të LDK-së në kuadër të projektit “2004 Viti i LDK-së – Viti Juaj”, dje në ambientin e Shtëpisë së Kulturës në Dardanë, Dega e Forumit të Rinisë të LDK-së , organizoi takimin me të rinjtë e këtij qyteti.

 

Në mesin e shumë të rinjve në këtë takim ishte I pranishëm edhe kryetari i Forumit të Rinisë të LDK-së z.Lulzim Zeneli,  kryetari i KK të Dardanës z.Shaip Surdulli, njëherësh edhe kryetar i degës së LDK-së në këtë komunë dhe zyrtarë të tjerë të LDK-së dhe të FR-së.Këtë takim e hapi z..Jeton Biqkaj kryetar i FR të LDK-së në Dardanë.

 

ndërsa, z.Lulzim Zeneli, kryetar i FR të LDK-së, në fjalën  e tij tha se takimi i sotëm është në kuadër të një projekti të FR-së, për një komunikim të drejtëpërdrejtë me të rinjtë që përmes këtij takimi të shfaqën opinionet në mënyrë të hapur dhe të njifemi më për së afërmi me të gjitha problemet, brengat dhe shqetësimet që janë aktuale.

 

Këto takime vijnë si domosdoshmëri e kohës dhe vetveprimit politik jo vetëm të FR të LDK-së, por edhe në nivel të institucioneve, - u shpreh  ai.”Ne e dimë se po hymë në një fazë që është vendimtare për institucionet e Kosovës dhe për tërë popullin e Kosovës në përgjithësi., prandaj kontributi i çdo të riu në çdo proces është shumë domethënës”,- deklaroi Zeneli.

 

Ai tha se duhet të ketë një formulë të përbashkët për eliminimin e problemeve dhe duhet një angazhim më i madh i të rinjve, institucioneve, qeverisë në të gjitha nivelet. ”Ne jemi dëshmitarë të ngjarjeve politike në tërë vendin prandaj, Kosovës sot i nevojitet një qeverisje stabile, efikase një qeverisje që me punën e vet do të reflektonte përgjegjësitë në të gjitha nivelet ka potencuar z.Lulzim Zeneli.

 

Prandaj, që të kemi një punë efikase që do të ndikonte pozitivisht në eliminimin e të gjitha problemeve që janë aktuale për qytetarët tanë e në veçanti për të rinjtë nevojitet një angazhim më proaktiv  i të rinjtë, tha ai. Të rinjtë duhet të plasojnë porosi të qarta jo vetem në nivel të subjektëve  politike, por edhe në nivelet të institucionëve  përfundoi ai.

 

Shaip Surdulli, shprehu mendimin se LDK-ja e degës së Dardanës ka shpresat në FR të LDK-së, që ai të angazhohet që atë energji të rinisë ta shfrytëzoj në mënyrë që të freskohet me aktivistët nga radhët e saj. “FR i LDK-së  është subjekt që artikulon kërkesat e të rinjve përmes punës dhe projekteve të tyre,- spikati ai. Interesimi i të rinjve për këtë debat ishte shumë i madh për çka dëshmojnë edhe pyetjet e shumta që iu shtruan të pranishmëve.

 

Duke iu përgjigjur një varg pyetjesh që iu drejtuan atij, Lulzim Zeneli tha se prioritet fundamental është edhe problemi i papunësisë që do të figuroj edhe në të ardhmen, por ne do të bëjmë presion që në të gjitha format t’i kontribuojmë stabilitetit politik dhe ekonomik.

 

Ndërsa anëtarja e kryesisë Malsore Gashi duke u përgjigjur në një pyetje rreth përfaqësimit të femrave në FR të LDK-së, ndër tjera tha: “ Femrat janë të përfaqësuara në të gjitha nivelet e organizimit të FR të LDK-së, duke filluar nga Këshilli i Përgjithshëm, Kryesia e poashtu edhe në nivel të degëve ku femrat  udhëheqin me disa degë”. Ajo tha se i inkurajonte femrat e Dardanës që të kyqeshin në FR të LDK-së, ngase me të vërtetë do ta merrnin vendin të cilin do ta meritonin me punën e tyre.