|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

OPINIONE

Koment

Paralajmërimet për likuidim fizik të tre zyrtarkve të lartë të LDK-së, lidhen me përpjekje e Qeverisë së Shqipërisë që të shkaktojnë trazira në Kosovë

11 shkurt 2004 / TN

Zbulimi i tri rasteve të fundit nga policia e UNMIK-ut, ende pa vepruar kriminelët, tregon se kjo polici e ka nën kontroll situatën. Kur e ka kjo, do të thotë se është i angazhuar edhe KFOR-i në këtë drejtim. Kështu që e kanë lehtë ta kontrollojnë çdo lëvizje të shkrbimeve sekrete. Ato nuk do ta lejojnë një gjë të tillë, ngase as UNMIK-ut, as KFOR-it nuk i konvenon krijimi i trazirave në Kosovë, për arsye se do t’i dështonin të gjitha përpjekjet për demokratizimin e saj. 

Shkruan: Nazmi LUKAJ (Prishtinë)

Informata që publikoi një e përditshme  jona për përgatitjen e likuidimit fizik të tre zyrtarëve të lartë të LDK-së, informatë kjo që ka bazën tek njohuritë e policisë së UNMIK-ut, tronditi  fuqishëm opinionin tonë, i cili shpresonte se ky vit do të jetë një vit i qetë.

Sipas disa burimeve të sigurta, policia e UNMIK-ut tre të rrezikuarit për likuidim fizik i ka njoftuar për këtë çështje. Njëri nga të kërcënuarit, sipas një burimi të sigurtë, është një ish-i burgosur politik, që është një nga autoritetet më të mëdha të LDK-së. Kjo informatë, aq sa është e trishtueshme për opinionin, po aq na bën të shpresojmë se policia e UNMIK-ut tani ka nën kontroll lëvizjet e shkrbimeve sekrete në Kosovë, që është një sinjal i mirë se këto nuk do të mund t’i realizojnë objektivat e tyre kriminale.

Shikuar në anën tjetër, kjo informatë trishtuese sinjalizon se grupet kriminale kanë krijuar lista të reja të vrasjeve të zyrtarëve të lartë të LDK-së, për të shkaktuar panik tek aktivistët e LDK-së që të tërhiqen nga aktiviteti në prag të fushatës zgjedhore  për zgjedhjet parlamentare, që do të mbahen në tetor të këtij viti. Po edhe tek elektorati i LDK-së, sepse duan që me çdo kusht ti sjellin në pushtet partitë e majta. Madje, edhe përmes një rrëmuje të madhe, që do ta shkaktonin në popull vrasjet e figurave të larta të kësaj partie.

Ky organizim i ri kriminal do edhe një analizë tjetër: pse shërbimet sekrete kriminale u vunë në lëvizje pas kërkesave të partive të djathta në Shqipëri për largimin e Fatos NANO-s nga posti i kryeministrit dhe për krijimin e kushteve për zgjedhje të reja, si dhe pas deklarimit të shefit të Shërbimit të Ushtrisë Serbo- Malazeze-Momir Stojanoviqit se në Kosovë janë të instaluara edhe shkrbimet sekrete serbe? Ose, a  janë vënë në funësion edhe shërbimet sekrete shqiptare dhe serbe në Kosovë për të bërë rrëmujë, të nxitura nga SHIK-u i Shqipërisë?

Dhe, ku qëndron krejt qëllimi i këtij organizimi të ri kriminal. Kuptohet se veç partive të majta, që janë të interesuara ta marrin pushtetin në Kosovë, më shumë se edhe këto interesim për këtë ka Partia Socialiste e Shqipërisë. Mu për këtë, ajo ka ndikuar edhe në përqarjet e grupeve politike dhe ushtarake te ne gjatë luftës, dhe  këtë mësim e ka vazhduar menjëherë pas saj e deri më sot.

Tani, kur Qeveria Socialiste është e kërcënuar seriozisht nga të djathtët në Shqipëri që të bie nga pushteti, për ta shtyrë veten edhe më tutje në scenën politike atje, është edhe disa herë më shumë e interesuar që ta zhvendosë situatën e tensionuar politike në Kosovë. Ajo është e interesuar që të ndodhin sa mk shumë vrasje në Kosovë, për ta mbuluar jehona e krimit të tyre brohoritjen e demonstruesve në Tiranë për rrëzimin e Fatos NANO-s.

Veç Qeverisë së Tiranës, këtë e dëshiron edhe Serbia, për  objektivat e veta. Qeveria aktuale e Tiranës në pushtet ka ardhur edhe me ndihmën e Serbisë, e cila, në mëtimin e vet për t’i realizuar këto objektiva, jetikisht është e interesuar që kjo qeveri të mbetet në pushtet. Për t’i ndihmuar socialistëve në Shqipëri për t’i bartur problemet në Kosovë, edhe Serbia ka futur rrjetet e veta të shkrbimit sekret, ekzistimin e të cilave e  ka pohuar ditë mk parë shefi i Shkrbimit informativ të Ushtrisë Serbo-Malazeze, Stojanoviq, në një agjenci serbe të tërbuar antishqiptare.

Se kjo qeveri aktuale në Shqipëri është instaluar edhe me ndihmën e Serbisë, ka dëshmuar me veprimet e veta disa herë deri më tani vetë kreu i saj, Nano. Se për Greqinë, dihet shumë ekzaktësisht. Për këtë qëllim, pra, në Kosovë  ka gjasa shumë të mëdha të operojnë me bashkërenditje të tri shkrbimet sekrete: ai i Kosovës, i krijuar menjëherë pas luftës, SHIK-u i Shqipërisë dhe ai serb.  Sinjalet për vrasje të reja, dëshmojnë edhe një fakt tjetër: se shkrbimet kriminale shqiptare në Kosovë që janë krijuar menjëherë pas luftës, bëjnë edhe punën e Serbisë në Kosovë, e jo vetëm që vrasin për pikëpamje politike.

Këtë e dëshmon edhe planifikimi që kanë bërë për vrasjen e një ish-të burgosuri politik, që ka një kapital shumë të madh kombëtar në Kosovë,  e që nuk ka qenë edhe aq ekstrem në pikëpamjet e tij politike, vrasjen e të cilit nuk ka atdhetar të mirëfilltë që e dëshiron, veç Serbisë, kundërshtar i fuqishëm i së cilës ka qenë vazhdimisht ai. Qoftë drejtpërdrejt, qoftë përmes SHIK-ut të Shqipërisë, i cili, që kur ka ardhur në pushtet Partia Socialiste, është mbushur me figura të komprometuara, për të cilët edhe është shkruar se kanë pasur dhe kanë lidhje me shkrbimet sekrete serbe.

Për fund, parashtohet pyetja: A ka gjasë të realizohet ky skenar i  këtij projekti monstrum të ri të shërbimeve sekrete kriminale? Përgjigja del me probalitet më të madh kah jo-ja se po-ja. Pse?  Një: zbulimi i tri rasteve të fundit nga policia e UNMIK-ut, ende pa vepruar kriminelët, tregon se kjo polici e ka nën kontroll situatën. Kur e ka kjo, do të thotë se është i angazhuar edhe KFOR-i në këtë drejtim. Kështu që e kanë lehtë ta kontrollojnë çdo lëvizje të shkrbimeve sekrete. Ato nuk do ta lejojnë një gjë të tillë, ngase nuk u konvenon krijimi i trazirave në Kosovë, për arsye se do t’i dështonin të gjitha përpjekjet për demokratizimin e saj.

Zbulimi i rasteve në fjalë nga ana e UNMIK-ut, dëshmon qartë se grupet kriminale do të jenë të zbuluara ende pa vepruar. Andaj, s’duhet të ketë shqetësim as për zyrtarkt e lartë të LDK-së e as për elektoratin, të cilët duhet të angazhohen me tërë potencialin në fushatën e LDK-së për zgjedhjet parlamentare, sepse është shumë jetike për Kosovën që kjo parti të dalë triumfuese. Kuptohet se zyrtarët e lartë të LDK-së, por edhe më pak të lartë, vetëm duhet të ketë më shumë kujdes në lëvizjet e tyre. Dhe, ata që janë me më peshë të kërkojnë nga policia e UNMIK-ut dhe e SHPK-së t’i kenë nën përkujdesje të rreptë.