|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

OPINIONE

ULNI  TYTAT,  JU  KEMI  PARË!

10 shkurt 2004 / TN

 

Lajmi i këtyre ditëve që burime të larta të policisë së UNMIK-ut e bënë publik se tre zyrtarë të LDK-së “janë të kërcënuar seriozisht me vrasje nga grupe të organizuara”,  tronditi skenën politike të Kosovës dhe më gjerë. Situatën e trazuar e tundi edhe më shumë Çapell, i cili nuk e mohoi lajmin e dhënë në “Zëri ». Shkurt, kësaj radhe, qëllimit të zi të kriminelëve, policia e UNMIK-ut iu përgjigj me ugur të bardh duke i zbuluar  para kryerjes së veprës.

  

Shkruan : Skifter KRONI

 

Me arsye, ky lajm shqetësoi të gjithë shqiptarët, por më së shumti  radhët e LDK-së.  Spekulimet se kush është tash në shënjestër të kriminelëve po vazhdojnë. Përveç spekulimeve, nuk mund të thuhet se në qarqet e ngushta të LDK-së nuk  dihet se kush është “seriozisht i kërcënuar” nga këto “grupe të organizuara” kriminelësh. Dihet se të tre këta zyrtarë ushtrojnë poste të rëndësishme në institucionet lokale dhe nacionale të Kosovës. Të tretë, sidomos njëri prej tyre, moti  kanë krijuar emër në historikun kombëtar, të cilin po e pasurojnë çdo ditë. Por, a do të lejojë LDK me 400.000 anëtarët e saj  që “grupe të organizuara” kriminelësh t’ia pushkatojnë zyrtarët e devotshëm edhe më tutje. Kur themi kështu, nuk mendojmë që duhet ndezur “luftën civile në Kosovë”, të cilën disa herë, me gojën e Baton Haxhiut,  e ka promovuar RTK. Luftë jo, por organizim dhe  syqeltësi gjithsesi. Çdo gjë dhe çdokush i dyshimt duhet të denoncohet te organet kompetente të sigurisë, por gjithnjë duke pasur kujdes që policia  e UNMIK-ut mos të pengohet në kryerjen e detyrave të saj.

 

Disa pyetje dhe konstatime

 

Sidoqoftë, ky lajm duke qenë i trishtueshëm, në vetë përmbajtjen e tij,  sepse paralajmëron vrasje, shtron edhe shumë pyetje:

Nëse nuk i takojnë ndonjë strukture të organizuar, me të drejtë shtrohet pyetja, nën urdhërinë e kujt veprojnë këto “grupe të organizuara” kriminelësh?

 

- A janë grupe të reja, apo edhe më herët kanë  vepruar dhe kryer vrasje politike në Kosovë?

- A kanë lidhje me padronët partiak  të atyre që vranë Ukë Bytyçin etj., apo me ata që sulmuan natën familjen Musa  nga Strellci i Deçanit?

- Ç’lidhje kanë këto “grupe të organizuara” kriminelësh me SHIK–un e socialistëve të Nanos dhe me MUP-in e Serbisë.

- A mund të jenë më të shkathta se policia e UNMIK-ut, etj.,?

 

Pyetjet mund të mos kend fund, aq më tepër, kur dihet se këtij lajmi i paraprinë disa gjëra tepër të dyshimta si: bastisja, kohë më parë, e shtëpisë së Sheremet Ahmetit të SHPK-së dhe zëvëndësit të tij, Destan Thaçit, sulmet e Jakup Krasniqit drejtuar ndaj Kryeparlamentarit Daci për keqpërdorim të parave për tenderin e renovimit të Parlamentit të Kosovës. Daci  si duket nuk i ka lejuar Jakupit dhe “shokëve”  të pararojës së OMLK-së (Organizata Marksiste Leniniste e Kosvës) të mirren me renovimin e Parlamentit dhe kështu e ka shpetuar këtë institucion nga vendosja e mjeteve përgjuese nga ana e “shokëve”. Pastaj, braktisja e vendeve të punës së policëve të SHPK-së e organizuar qëllimisht nga ministry i Sherbimeve Publike.

 

Reagimet e partive politike

 

Është krejt normale, që pas një lajmi lemeritës, gazetarët e mediave të shkruara dhe elektronike vrapuan drejtë selive të partive politike.

 

Në pyetjen e gazetarëve për të ditur diçka më shumë për këtë lajm,  derisa Lulzim Zeneli i LDK-së fliste qetë duke i bërë kërkesë policies së UNMIK-ut të jap më shumë detaje, Hydajet Hyseni i PDK-së ishte shumë i shqetësuar. Lajmin e kualifikoi si   “fantastiko-politik”!!! Ndoshta ka menduar të thotë fantastiko-policor? Në vazhdim vajtoi, duke holluar buzët, me atë fjalorin e pasur  të tij “déjà vu”. Hyda edhe pse nuk di tjetër shprehje në frengjisht,  dukej shumë i shqetësuar. Ka arsye Hyda të shqetësohet. Kaq !

 

Po HashimThaçi !? Kryetari PDK-së, Hashim Thaçi, kurrë nuk e ka denuar asnjë vrasje politike në Kosovë. Ç’është e vërteta, ai ka deklaruar disa herë se « vrasjet në Kosovë janë të denueshme », por kurrë dhe në asnjë rast nuk i ka denuar në emër të vet dhe të partisë së tij. Përmbajtja e sintagmave :  « vrasjet në Kosovë janë të denueshme » dhe « vrasjet politike në Kosovë i denoj në emërin tim dhe të partisë time » kanë dallim cilësor. Por ai që ka përpiluar lista vrasjesh dikur për të ardhur në pushtet me dhune e me vrasje,  a ka fytyrë dhe guxim ta nderrojë fjalorin duke ndërruar edhe kursin ? Jo. Edhe po të kishte « fytyrë », guxim kurrësesi, sepse  ua ka frikën atyre, që pamerita, e sollën në pushtetin e QPK-së. Në të vërtetë, Thaçi para ca kohe ka qenë « musafir » i Kastriot Islamit dhe sa herë mprehen thikat për Kosovën, ai gjindet me udhëheqësit e « Komiteteve të  Shpetimit Kombëtar » të vitit 1997.

 

Në të vërtetë, pas kthimit nga lutja e mëngjesit në SHBA, në vend të Thaçit, foli Kryeministri Rexhepi dhe tha  se « do të kërkoj më shumë detale për këtë lajm nga policia e UNMIK-ut ». Kjo deklaratë ishte për konsum të publikut baritor, sepse Rexhepi e di që policia e UNMIK-ut nuk i jep atij llogari.

 

Shumë i tronditur u duk zëdhënësi i AAK-së, Ernest Luma ! Ai akuzoi policinë e UNMIK-ut se duke përhapur lajme të këtilla « po favorizon LDK-në dhe po ushtron terror psikologjik mbi partitë tjera » (PDK, AAK, LKQK dhe nënen e tyre LPK). Në çdo shtet ku sundon ligji, Ernest Luma, për akuzat e pabaza drejtuar policisë do të përgjigjej para ligjit. Por, si duket « rreziku për vrasje » që u kanoset tre zyrtarëve të  LDK-së është i madh, saqë policia e UMIK-ut s’ka kohë të mirret me llomotitjet e Ernestit.

 

Megjithatë, do të ishte mirë që Ramush Haradini të thotë ndonjë fjalë për « Shqiponjat e zeza ». A veprojnë ato ende në Rrafshin e Dukagjinit, sidomos në trekëndshin : Deçan-Klinë-Pejë ? A i kanë ndërruar maskatë ?  Si dallohen nga pjestarët e AKSH-së ? Ramushi duhet të tregojë edhe kush i nget furgonët me xhama të errët, të paregjistruar, nëpër fshtrat e Deçanit, kah kanë ardhur ata çuna me koka të rruara dhe kush i paguan ?

 

Drejtimi i (pa) njohur…

 

Prej vrasjes së parë të gazetarit Ali Ukaj në Tiranë e deri te lajmi i fundit i policisë së UNMIK-ut në « Zëri », populli herë me zë, herë me pëshpërimë këto vrasje i ka cilësuar politike. Përveç në ndonjë rast të rrallë, të gjithë të vrarët kanë qenë aktivistë të dalluar të LDK-së, ose simpatizantë të flaktë të saj. Kriminelët pas akateve makabre, pothuajse  gjithnjë, « kanë ikur në drejtim të (pa) njohur » edhe pse populli ua ka parë gjithnjë tutat. Në mungesë të kurajos për t’i denoncuar te organet e sigurisë, në tri votimet e pasluftës, kriminelëve dhe padronëve partiak të tyre ua ka dhënë denimin e merituar. 

 

Kriminelë, ju mund të lini akoma fëmijë jetimë, por planin e punuar në Gjermani, para luftës, për shkatërrimin e LDK-së jau kemi djegur.

 

Kriminelë, ulni tutat se ju kemi parë. Tash, iu ka parë  edhe policia e UNMIK-ut. Ikja në drejtim të (pa) njohur  është rrugë njëkahëshe !