PSE NANO SE KUPTON DEMOKRACINË?!

OPINIONE

SPEKTATORI POLITIK

PSE NANO SE KUPTON DEMOKRACINË?!

10 shkurt 2004 / TN

Besnik MIRDITA

Nuk mund të pohoj se Fatos Nano nuk e kupton politikën, edhe pse gjatë mandatit të tij të deritashëm (1997-2004) ajo mund të matet vetëm një ZERO TË MADHE ngase nuk ka dhënë asnjë fryt të dobishëm në rimëkëbjen e Shqipërisë as në planin ekonomik të zhvillimit të reformave, as në atë politik të instalimit të sistemit demokratik pluralist sipas standardeve tanimë të kërkuara të Bashkimit Evropian(BE). Kjo është një nga shkaqet kryesore pse premieri i Shiqpërisë parapëlqehet ta braktis postin e tij (natyrisht, të ëmbël dhe tejet lukrativ ) sa më parë të jetë e mundur, aq më mirë do të jetë për të, dhe për tërë Shqipërinë.

1.Etika dhe politika

Premieri Fatos Nano, duhet ta ketë kuptuar se nuk ka politikë pa etikë, dhe nuk ka politikë pa rezultate konkrete. Për më tepër, Nano (ndoshta) ka harruar mësimet e klasikëve të marksizmit, se pa socializëm nuk ka demokraci, dhe pa demorkaci nuk socializkm (Roza Luksemburg). Mirëpo, këtë nuk do ta shkoqisim më tej, sepse ky definicion është antipod me socializmin e rremë surrogat me primesa serbo-rusofile, dhe me profilin e definuar të socialistëve “renegatë modernë” të Fatos Nanos, të cilët demokracinë e kanë kuptuar vetëm si “hobi” për ta plaçkitur dhe për ta varfëruar popullin dhe shtetin në maksimum, si dhe për të rrënuar kështu, në esencë përmbajtjen e vlerave demokratike si në kuptimin e ngushtë, ashtu dhe në atë të gjerë, kombëtar dhe ndërkombëtar.

Si konkluzion, konsiderojmë se këto observime elementare, që kanë të bëjnë me kriteret dhe parimet e moralit, të politikës, të demokracisë, që ndërlidhen drejtpërdrejt dhe tërthorazi me interesat jetike të popullit dhe të shtetit shqiptar, duhet t’i ketë marrë në konsideratë me kohë edhe etika e politikës dhe ndërgjegja kombëtare e premierit Fatos Nano. Për ndryshe, çdo vonesë dhe tekanjozitet i injorimit të mëtejmë të kërkesave demokratike paqësore të PD-së nga ana e politikës rigjide dështuese e nanoizmit, ekziston frika se, do të paraqitën “ditë të stuhishme” në scenën politike të socializmit të improvizuar të tipit lindor ruso-serb të Fatos Nanos. Mirëpo, shfaqja e çfarëdo pasoje me përmasa rrezikimi të jetës së qytetarëve, si pjesëmarrës të protestave paqësore demokratike nga ana e opozitës, ajo do të “regjistrohet” në konton e çmimit të pagesës së qeverisë së Fatos Nanos.

2. Protestat paqësore dhe “kërbaçi socialist”

Fatos Nano, si “foshnjë”, përkatësisht si produkt i socializmit revizionist bolshevik-restaurues krushovian dhe i socialimperializmit serbotitist, duhet ta ketë ditur, se organzimi dhe mbajtja e protestave të opozitës, të prira nga PD-ja e Sali Berishës, janë një nga format më elementare të demokracisë në botë. Thyerja e tyre me forcë, duke përdorur “tytat” e kallashnikovkve serbo-krushovianë nga ana e policisë hibride të regjimit mafioz dhe antidemokratik të kryeministrit Fatos Nano, dëshmon se ky nuk e ka ndërmendë të braktisë postin e tij, pa përdorur forcën dhe dhunën ndaj protestuesve paqësorë të Partisë Demokratike, përkatësisht të të gjithë bashkëpjesëtarëve të tye të opozitës shqiptare.

Ky “potez politik” i kryeministrit të qeverisë së Shqipërisë, pa dyshim do ta rikthejë Shqipërinë në kaosin e ngjarjeve të vitit 1997 (janar-shkurt), kur populli dhe Shqipëria u viktimizua si rrjedhim i daljes në skenë të bandave kriminale, të ashtuquajtura “komitete të shpëtimit” të socialistëve fantazmë të Fatos Nanos dhe klikës së tij prosllave, që me ndihmën dhe me instruktimin e agjenturave serbe, greke, ruse dhe malazeze, e permbysen me dhunë dhe terror pushtetin popullor demokratik të Sali Berishks. Ky ishte, dhe tani kshtë i vetmi “sukses politik, kombëtar dhe ekonomik e reformist” i qeverisë marionete antidemokratike dhe antishqiptare të Fatos Nanos.

Perveç përçarjes së Shqipërisë “veri-jug”, ku pakica në krye me nanoistët, duke përdorur kërbaçin dhe kallashnikovin, dhunën, kontrabandën me njerëz dhe me pasurinë e popullit dhe të shtetit, ajo po vepron pas shpine me politikën ruse, serbe, malazeze dhe greke e maqedone, që me çdo kusht t’i bllokojë proceset demokratike në Kosovë, në Kosovën Lindore, në Malësinë e Mbishkodrës dhe në Iliridë, që shqiptarët e atjeshëm t’i lërë edhe më tej në mëshirën e ligjeve segreguse kolonialiste të Malit të Zi, të Serbisë dhe të Maqedonisë. Edhe më shkurt e shqip pa “tredhur miza politike” të “Programit reformist-kombktar-demokratik” të Qeverisë së ashtuquajtur socialiste-hibriditet fund e krye sllav të Fatos Nanos, “cingarja” po bie për atë që ka veshë e sy, shko Fatos Nano atje ku e ke vendin: në ëklubet e biznesitë personal, grupor dhe provincial ballkanik me parashenjë të “socializmit” made in Serbia, Mali i Zi, Maqedonia dhe Greqia, të mbështetura dhe të “krehura” si gjithmonë nga Rusia.

Shko, Nano, shko, sa nuk të ka zërë “vapa”, sikurse Nikollaj Gaushesëun, Idi Aminin, Eduard Shevernadzen, Pol Potin dhe Slobodan Milosheviqin etj. Shko, se me Ty, dhe kamarilën sunduese progreke dhe proserbe në pushtet nuk do të ketë kurrë Shqipëri shqiptare, as demokratike e as përparimtare, por vetëm përçarje, djegie, viktima dhe varre sikurse në vitin 1997, kur me ndihmën e armiqëve të Shqipërisë (Serbisë, Malit të Zi, Greqisë e Rusisë “socialiste”) sikurse dikur Ahmet Zogu e Esad pashë Toptani, e dogje Shqipërinë në udhkëryqin e saj historik të të fillimit të demokracisë.

Shko, Nano, se ti je shkaktari i të gjitha të këqijave, të cilat tani e kanë rrëzuar përdhe Shqipërinë!