|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

OPINIONE

Letra e ish-kryeministrit Ilir Meta drejtuar personaliteteve vendore dhe ndërkombëtare

PARANDALONI AKTE TË TILLA KRIMINALE

6 shkurt 2004 / TN

 

Ilir META (ish-kryeministër i Shqipërisë)

 

Drejtuar:

Presidentit të Republikës, z.Alfred Moisiu

Kryetarit të Parlamentit, z.Servet Pellumbi

Prokurorit të Pergjithshem, z.Theodhori Sollaku

Nënkryetares së Parlamentit, znj.Jozefina Topalli

Nënkryetares se Parlamentit, znj.Makbule Ceco

Kryetarit të Komisionit të Rendit dhe SHISH të Kuvendit, z.Neritan Ceka

Kryetarit të Komisionit të Ligjeve të Kuvendit, z.Kujtim Hysenaj

Zëvendëskryetarit të Sherbimit Informativ Kombëtar, z.Ylli Allushi

 

Për dijeni:

Shkelqësive të tyre

Ambasadorit të Austrisë, z.Horst-Dieter Rennau

Ambasadorit të Britanisë së Madhe, z.Richard Jones

Ambasadorit të Bullgarisë, z.Bobi Bobev

Ambasadorit të Republikës Ceke, z.Miroslav Sindelar

Ambasadorit të Danimarkës, z.Finn Theilgaard

Ambasadorit të Francës, z.Michel Menachemoff

Ambasdorrit të Gjermanisë, z.Hanns-Peter-Annen

Ambasadorit të Greqisë, z.Pantelis Carcabassis

Ambasadorit të Hungarisë, Z.Sandor Szabo

Ambasadorit të Italisë, z.Attilio Massimo Iannucci

Ambasadorit të Polonisë, z.Artur Tomaszeeski

Ambasadorit të Rumanisë, z.Constantin Eremia

Ambasadorit të Zvicrës, z.Erich Pircher

Ambasadorit të SHBA në Tiranë, z.James F.Jeffrey

Ambasadorit të OSBE-së ne Tiranë, z.Osmo Lipponen

Drejtuesës së Eumm, zj.Victoria Ealker

Duke kërkuar ndjesë për këtë shqetësim, dua t'ju bej të ditur se Kryeministri aktual, Fatos Nano, në perpjekjet e tij për të eliminuar kundershtarët politikë në parti dhe në vend, perveç shpërdorimit të pushtetit që i jep ligji, po përdor edhe metoda kriminale policeske duke dhunuar Kushtetutën, ligjet dhe institucionet e vendit.

 

Pas emërimeve të dyshimta në krye te dikasterit të rendit të njerëzve që perfaqesojnë krimin ekonomik të lidhur me Kryeministrin, ditet e fundit ia ka urdhëruar, sipas burimeve tepër të besueshme që disponoj, kryeinspektorin e tij pranë Sherbimit Informativ z.Irakli Kocollari dhe Drejtorin e Policisë kriminale, Z.Sokol Bizhga për të përdorur Drejtorinë e Anti-terrorit pranë Shërbimit Informativ dhe segmente të Policisë së Shtetit për të organizuar provokime, incidete e sajesa politike, deri dhe akte terroriste ndaj meje, bashkëshortes sime, deputetës Monika Kryemadhi, si dhe ndaj bashkëpunëtorëve, kolegëve dhe të afërmve.

 

Nuk është hera e parë që persona të tillë të inkriminuar të Shërbimit Informativ dhe të policisë kriminale angazhohen në veprime të jashtëligjshme. Por porositë e fundit të zotit Nano për zotin Kocollari, zotin Toska dhe zotin Bizhga, të emëruar në keto pozicione për shkak të lidhjeve personale dhe të dyshimta me Kryeministrin aktual, jo vetëm që do të kishin pasoja të paparashikueshme politike, por do të kompromentonin rëndë këto institucione dhe demokracinë në vend, që edhe kështu janë dëmtuar seriozisht për shkak të autoritarizmit ekstrem të klikës në fuqi që përfaqeson Kryeministri aktual Fatos Nano.

 

Prandaj, ju drejtohem të gjithëve me këtë letër jo vetëm për t'ju informuar, por edhe për t'ju kërkuar të ushtroni detyrimet tuaja kushtetuese për të parandaluar akte të tilla kriminale dhe destabilizuese, si dhe për të vënë përpara përgjegjësisë këta persona të papërgjegjshëm.

Me konsideratë të lartë,

Ilir Meta

Tiranë, 5 shkurt 2004