STANDARDET A VLEJNË VETEM PËR SHQIPTARËT, APO EDHE PËR TË TJERËT QË JETOJNË NË KOSOVË (?!)

Përplasje (pak më ndryshe) më standardet

Jemi mërzitur duke i shikuar liderët tanë që çdo ditë prisin e përcjellin diplomat nga bota, që vijnë për të na futur në kallëp, për të na standardizuar. E, nga këto "këshilla" nuk po dalin rezultate, as punë konkrete, jo më fajin e shqiptarëve, por të atyre që nuk dëshirojnë ta pranojnë realitetin aktual të Kosovës.

Shkruan; Arif MOLLIQI / Hamburg

Më fillimin e një epoke të re të njerëzimit, shumkush ka menduar se në Evropë s´do të këtë konflikte ndëretnike. Po thëmi në Evropë, pasi askujt nuk i ka shkuar ndërmend se do të këtë konflikte ndëretnike të pazgjedhura në Evropën civilizuese dhe demokratike, dhe Evropa megjithatë do të hesht. Paradoksi më i madhe është se, të gjitha këto shtete evropiane nuk e pranojnë se në Kosovë kishte spastrim etnik, i cili kryehej nga serbet ndaj shqiptarëve për kaq vite. Këtu, Evropa më heshtjen e vet, duke i mbyllur sytë, nuk na doli si një mbrojtës kundër gjenocidit, po na doli nxitës, ndoshta pjesmarrës direkt në spastrim etnik.

Megjithatë, shtetet evropiane për të mos e pranuar se janë bashkryes të proçeseve të spastrimit etnik, pas futjes së trupave të NATO-s, në Kosovë, nisën fushatën e diplomacisë së vjetër. Angazhuan ca diplomatë të cilët po i bijnë trup e tërthuer Evropës, po trumbetojnë duke dhënë ide nga më të ndryshmet për të drejtat e njeriut. Këtu, jo pa qëllim barazohet e drejta për të mbijetuar një etni dhe, e drejta e njeriut si individ.

E kur nga ky koncept i gabuar të barazimit; një etni, një njeri, mes Evrope krijohen qëndra luftimesh. Ata për të treguar se janë në vazhden e zgjedhjeve të këtyre problemeve, siç i quajnë ata; probleme ndëretnike, organizojnë më shumë konferenca dhe takime se sa bijnë vendime që i ndalojnë ose i evitojnë krizat. Ata moszgjedhjen e problemeve të etnive në Ballkan, e quajnë gjenerator i krizave.

Më këtë stil, më plane të përgaditura nëpër kancelari, pa e kupuar realitetin në vend, këta diplomat, vazhdojnë të shëtisin edhe sot nëpër Kosovë, kinse për ta zgjedhur problemin e shqiptarëve në përgjithësi. Diplomatët dhe politikanët perëndimor po lëvizin, analistët dhe komentatorët e ndryshëm po nënvizojnë, ndërsa qendrat vendimmarrëse, po marrin vendime në stilin e kushtëzimeve, që në gjuhën e tyre, kinse të butë i emertojnë si s t a n d a r d e.

Pse ateherë nuk ka rezultate?!

Pala shqiptare, shikuar nga veprimet e saja, është ajo që më se shumti po i respekton këshillat e diplomatëve evropian. Po i mbush standardet brenda kornizave të vet kuptimit që ka fjala "standarde", sepse janë një vargë nga ato standarde-kushtëzime që Kosova i ka plotësuar. Bile, herë-herë plotësimi i standardeve, për nga mënyra dhe forma si është kërkuar, dhe si është plotësuar duket banale. Qesharake.

Po ti marim dhe i shikojmë në vija të trasha disa elemente brenda këtyre standardeve të kërkuara Kosovë, e atje nga vijnë ato nuk ekzistojnë standarde të tilla, qesharakja dukët edhe më groteske. (Kur ia tregova një intelektuali gjerman, këto që do ti thëm më poshtë, ai e kishte vështirësi të besoj).

Janë të rralla, ose hiq, që në praktikën parlamentare, qoftë edhe në Evropën demokratike, dhe të botës në përgjithësi, që një populli më një përqindje të vogël, mos të thëmi, një minoritet siq janë serbet në Kosovë, t´u falën aq vende në parlament pa e marrë votën e popullit.
Nuk e kam të njohur në historinë botërore që një njeri mund të jetoj, punoj dhe merr të ardhura në një shtet, kurse me vendime të UMNIKU-t, merr të ardhura të dyfishta edhe në shtetin tjetër.

Më konkretisht, qindëra puntorë serb që marrin të ardhura në Qendrën e Klinikës Universitare të Prishtinës, kurse ata jetojnë e punojnë gjetiu. Raste të tilla ka shumë në Kosovë, por ky është rasti më i ri, dhe më i pëquditshëm që nuk kuptohet se nga ka ardhur kjo rregullore dhe ky standard?! Mjeku punon në Serbi dhe pa u paraqitur asnjë sekond në punë, merr të ardhura nga Kosova(?!) Ky fenomen nuk ndodhë as në shtetin e Zhirakut, as të Shredës, Beluskonit, Putinit... Kjo ndodhë vetëm në Kosovën e standardizuar-kushtëzuar.

( Dhe, këtë puntorët e QKU të Prishtinës, e bëjnë publike pas pesë vitesh(?!)

Tjetri standar i dyfisht; serbet janë ata të cilët, si gjithmonë, janë përkëdhulur nga diplomacia evropiane ( franqese, ruse, italiane e deri diku gjermane). Dhe, këto kushtëzime-standarde ata i kthejnë saherë të dëshiron më kokë poshtë për hatër të serbëve. Serbët, edhe pse pengues të zgjedhjes se problemit, jetësimit të standardeve ashtu siq janë servuar, sot po e gëzojnë përkrahjen e faktorit ndërkombëtar, i cili faktor ndërkombëtar i përkdhel, kurse Kosovën tërësisht e prengon.

Në Këshillin e Sigurimit Kosovën e përfaqëson Z. Holker, kuptohet sipas mandatit që ka nga OKB-ja, kurse Kosovës i ndalohet të jetë prezent. Por, në anën tjetër, Serbisë i lejohet ta përfaqësoj popullin e Kosovës në diplomacinë evropiane, edhe pse Serbia ishte ekzekutori, apo kryesi i krimeve në Kosovë, Bosnje dhe Kroaci, ndërësa në Këshillin e Sigurimit e ka vendin e rezervuar të gënjen për situatën në Kosovë.

Tjetër; emigracioni shqiptarë nga Kosova, që gjendet nëpër shtetet e Evropës, sot nga këto standarte(?!) është i detyruar që të sorollatët në kërkim të dokumenteve të identifikimit nëpër zyrat e këtyre shteteve. Shqiptarët janë tëpër të nënçmuar, të fyer, mos të thëmi të poshtruar, kur shkojnë në zyrat federale. Zyrtarët vendas i detyrojnë kushtimisht që shqiptarët të furnizohen me pasaporta serbe. Nese nuk i marrin ato, ua prishin lejeqendrimin. Nese i marrin, janë të detyruar të paguajnë deri në 1500 Euro për një pasaport në konzullaten serbe.

Teorikisht, dikush nga përfaqësuesit e Zyrave të shteteve të Evropës në Prishtinë me plot gojë thotë; merr pasaporten e UMNIKU-t. Harron, apo nuk dëshiron ta kuptoj se janë disa Komuna në Lande të Gjermanisë që kohëve të fund nuk i pranojnë as pasaportat e UMNIKU-t.

Është ky kushtëzim apo standard?! Nese është kushtëzim, atëherë kjo nuk tregon asgjë tjetër pos që kjo Evropë pretendon që shqiptarët nga Kosova me qellim ti bëj shtetas, kthye në kuptimin standard, ti bëj qytetarë serb. Ata e dijnë, e kanë të njohur këtë, por e bëjnë për qejfin e dikujt.

Për ti arsytuar të gjitha këto lojëra, dikujt i ra ndërmend dhe e shpiku fjalën standard, që në kuptimin gjuhësoro-teknik, e ka kuptimin e një kallëpi nga i cili nuk mund të dalish, nuk mund të lëvizësh. As nuk mund të lind shqiptari ndryshe, pos sipas normave të atij kallëpi-standardi.

Duke u nisur nga retorika e fjalës standar, mendojmë së për ta plotësuar ate, nuk mund të kushtëzohen vetëm shqiptarët, ndërsa serbet të favorizohen duke mos i obliguar ti përmbahen këtyre standarteve-kushtëzimeve. Nga parimi se, çështjet madhore zgjedhen sëbashku; shqiptarët, ndërkombëtarët dhe minoritetet që jetojnë në Kosovë, shqiptarët të parët e gëlltiten fjalën standar, i unifikuan mendimet dhe idetë për paqen në rajon, gjithmonë sipas propozimeve të ndërkombëtarëve në shëtitje, që të përgaditen që mëpastaj të ulën për atë ndarjen e madhe nga UMNIKU dhe Serbia. Prandaj, ata që më së shumti sot e mbajnë në gojë fjalën standar, nuk duhet ti frikësohen shqiptarëve, por atyre që ata vet po i përkëdhelin (ndërsejnë).

Fjala, standarde para statusi, ndoshta është diçka që më se shumti ështëi lakuar dhe është përfolur këto ditë në Kosovë. Diplomatet me këto "standarde " dhe vizita të shpeshta më shumë po eksprementojnë. Mos qoftë ajo që më frikëson; Evropa po tentonë që të populli i Kosovës ti afirmoj dhe prezentojnë liderët vendas për ndonjë vendim të befasishëm.

Hamburg, shkurt, 2004