FJALA E RASTIT NË AKADEMINË PËRKUJTIMORE TË KOLONEL TAHIR ZEMËS TË BIRIT ENISIT DHE KUSHERIRIT HASANIT

30 janar 2004 / TN

Me rastin e kësaj akademie përkujtimore për kolonel Tahir Zemajn, të birin Enisin dhe kusheririn Hasanin të cilën e mbanë dega/nëndega e LDK-së këtu në Gjermani gjegjësisht Bayern u jamë mirënjohës duke ju inkurajuar se jeni duke e kryer borgjin dhe obligimin ndaj legjendës së luftës dhe heroit të Kosovës kol. Tahir Zemajt.

Sa herë që tubohemi mendja më thotë dhe zemra e ndien se jemi duke e kryer një lloj obligimi që kemi për ta sepse ai/ ata është/janë një nder ta i cili mundësoi që të marim frymë lirshëm dhe këte liri që tash e gëzojmë është rezultat i sakrificës sublime të tij dhe të gjithë dëshmorëve të rënë në luftë për liri demokraci dhe mëvetësi.

Ne bashkëluftëtarët e tij kemi një obligim moral, njerëzor dhe atdhetar që ti përkujtojmë dhe ti jemi mirënjohës veprës së tyre duke i pasur në mendje dhe zemër, kurse nderimi i ynë për te të jetë burim i pashterrshëm jo vetëm për shoqërinë e sotme, por edhe për ata sy që do të shiqojnë dhe shoqërojnë vendin tonë edhe shumë gjenerata përpara.

Kriminel u thonë atyre që vranë këtë personalitet aq të shquar dhe burrë të madh duke mos menduar fare se çfarë humbje ju kanë shkaktuar vajzave, bashkëshortes, familjes Zemaj, kolegëve, miqve, dashamirëve dhe tërë popullit të Kosovës dhe më gjërë. Kujtimi për ta është borgj dhe obligim ndaj viktimave, familjeve dhe të afërmve të tyre.

Ata nuk kanë menduar fare për pasojat apo truri i tyre s'ka qenë në gjendje të vlerësoj peshën e krimit të bërë i cili tru mund të matet me kantarin e farmacisë dhe kjo vlen personalisht për urdhërdhënësit ndërsa për vrasësit me pagesë s´është çudi fare se paraja është më me rëndësi se sa jeta e një njeriu.

U vra njeriu i cili hyri në luftë duke e dhënë betimin para zotit dhe Flamurit Kombëtar, si ushtarak profesionist komandant nacional, e jo revolucionar, i cili punoi dhe veproi në kuadër të institucioneve të Republikës së Kosovës duke e njoftur si Komandant suprem Presidentin Dr. Ibrahim Rugovën dhe të gjitha strukturat tjera shtetrore: Qeverinë e në kuadër të saj Ministrinë e Mbrojtjes dhe Parlamentin.

U vra legjenda e luftës së Loxhës, njeriu, ushtaraku dhe heroi i Kosovës i cili nëpërmes lidhjeve dhe marëveshjes me zyrën e OSB-së në Pejë dhe jo me askënd tjetër siq pretendojnë të ua mveshin "magjupat", "intrigasht" dhe diletantat e artit dhe doktrinës ushtarake dhe në lidhje me OKB-në nëpërmes kontribuesit dhe personalitetit të shquar të çështjes kombëtare Hajdar (Hari) Bajrakterit shpëtoi nga masakra në rrafshin e Dukagjinit më se 60.000 (gjashtëdhjet mijë) civilë. Kjo është e vërteta disa e shohin sepse ajo është prezente dhe ekziston në mesin e tyre, disa i nxenë ndërsa të tjerët i djegë.

U vra njeriu mbi të cilin u bën më se tetë tentim atentatesh ku ky i teti ishte i kobshëm për te, djalin Enisin dhe kusheririn Hasanin dhe të gjithë ata të cilët e kishin njoftur figurën e këtij vizionari dhe strategu ushtarak.

Në këtë përvjetor pikëllimi, por me ndjenjë krenarie për të madhin Kolonel Tahir Zemajn punën e tij, aktivitetin, solidaritetin, urtësinë dhe menqurinë që la me sinqeritetin e tij, për dallim nga ata të cilët mbollën farën e urrejtjes dhe lincit, ky mbolli farën e tolerancës, dashurisë në mes njerëzve dhe protagonistëve të drejpërdrejtë të luftës duke deklaruar se: citat "unë nuk kam plumba për shqiptar dhe civil kundërshtar" me këtë tregoi profesionalizmin e lartë në parandalimin e luftës vëlla-vrasëse, por dhe zbatimin e ligjeve të luftës sipas konventës ndërkombëtare.

Nëse këto vyrtyte të tija do të jenë udhërrëfyes për ne fëmijët tanë dhe gjeneratat e ardhshme të cilat do të mësojnë shumë nga vepra e tij, atëherë neve na obligon edhe më tepër për ta larë borgjin që emrin e tij mos të lejojmë që ta mbuloj pluhuri i historisë dhe kjo histori asesi të mos jetë e shkruar nga njerzë diletantë, jokompetentë dhe të papërgjegjshëm për këtë duhet angazhuar i tërë potenciali njerëzor në radhë të parë ai intelektual, protagonistët e luftës për çlirim, liri dhe pavarësi dhe i tërë materiali arkivor.

Organet kompetente duhet të kryejnë pjesën e punës së tyre të lanë anash dhe ti zbulojnë aktorët e krimit në të kundërtën ne kurrën e kurrës s´do të pajtohemi me konstatimet e shëndrrimit të njerëzve në cifra nëpërmes informatave se edhe sot ndodhi një krim, policia doli në vend ngjarje, ndërsa kriminelët u larguan në drejtim të pa njohur, i lutemi të gjithë kalorësve të rastit dhe qytetarët që din diçka për kët rast të na lajmërojnë në telefonat kujdestarë, identiteti do të jetë i mbrojtur.

Është koha e fundit të ndërpriten lutjet e organeve përgjegjëse të sigurisë së qytetarëve dhe në vend të lutjeve ti hetojnë dhe zbulojnë aktorët e krimit duke ua shqiptuar denimin e merituar. Dhe më në fund ja vlen të thuhet dhe konstatohet se i madhi Kolonel Tahir Zemal kishte vetëm një datë, ate të lindjes më 28 dhjetor 1951.

Të përjetshëm qofshin heronjtë dhe veprat e tyre.
Shpëtimi dhe paqja qofshin mbi ne.
Zoti e bekoftë dhe ruajt Kosovën nga krimi dhe kriminelët.

Bashkëluftëtari më i afërt dhe kreyeshefi i ZORRD,

Major NAZIF RAMABAJA