|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Në Mynih (München) të Gjermanisë u mbajt akademi përkujtimore për kolonelin Tahir Zemaj, të birin Enisin dhe Hasan Zemajn

		28 janar 2004 / TN Tahir Zemaj Betejën e Loxhës e shndërroi në epope kurse Beteja e Loxhës atë e ngriti në piedestalin më të lartë të heronjëve të gjallë. A nuk ishin të mjaftueshme për kriminelët vrasjet e Ahmet Krasniqit, Enver Malokut, Xhemail Mustafës, Haki Ymerit, Shaban Manajt, Ismet Rracit, Ekrem Rexhës, Bekim Kastratit, Besim Dajakut, Smajl Hajdarajt, Ukë Bytyçit, por iu desht që këtyre vrasjeve t´u shtohet edhe vrasja e Kolonel Tahir Zemajt, Enisit e Hasanit. Jo, kriminelët ende nuk jane ngopë me gjak! Dhe një dite kur pritej të zbuloheshin aurotët e këtij krimi, kriminelët bëjnë edhe një atentat ndaj hetuesëve të këtij rasti. Vrasin uniformën e Shërbimit Policor të Kosovës që me aq mund e sakrifica po e ndërtojmë.

 

Myftar DRAGIDELLA
 

27 janar 2004

 

Organizuar nga Nëndega e LDK-së në Bayern e në bashkëpunim me Degën e LDK-së në Gjermani dhe aktivat e LDK-së në Bayern, në njëvjetorin e vrasjes, u mbajtë Akademia përkujtimore për kolonelin Tahir Zemajn, të birin e tij Enisin dhe kushëririn Hasan Zemaj, kryetar i FR të LDK-së në Deçan.

 

Në këtë akademi pos qyetarëve të shumtë nga vise të ndryshme të Gjermanisë, aktivistëve nga aktivet, nëndegët dhe dega e LDK-së në Gjermani të prirë nha Hazir Krasniqi, kryetar i Degës së LDK-së në Gjermani, morën pjesë edhe familjarët e kolonelit Tahir Zemaj, vëllezërit Ramë Zemaj (kishte ardhur nga Kosova) e Azem Zemaj, nipat e kushërinjtë, mr. Nimon Alimusaj, anëtar i Kryesisë qendrore të LDK-së, Halit Muharremi e Sali Cacaj, këshilltarë të presidentit dr. Ibrahim Rugova, Sylejman Kollçaku, ndihmësministër i Mbrojtës së Kosovës për mobilizim, Nazif Ramabaja, kryeshef i Shtabit oparativ të Rrafshit të Dukagjinit dhe komandant i njësiteve operative të UÇK-së në Lugun e Baranit, Nekibe Kelmendi, deputete në Kuvendin e Kosovës, Smajl Shala, nënkryetar i Kuvendit Komunal të Pejës, Nikë Krasniqi, anëtar i Këshillit të Përgjithshëm të LDK-së, pastaj eprorët ushtarak të UÇK-së Ibrahim Ukëhaxhaj, Burhan Jahiu, Esat Ademaj e Shpend Shala, Hasan Çekaj, vëllau i Sali Çekajt, Fazli Hajdaraj, vëllau i Ismail Hajdarajt, kolonel Ibrahim Berisha, sekretar i PD-së së Shqipërisë në Gjermani, Luz Thaçi, kryetar i BD të PSHDK në Gjermani, Jonuz Tërstena ish-sekretar i punëve të brendshme të Kosovës, Osman Ferizi nga "Grupi i Deçanit", Zija Shoshi e Bashkim Muriqi, donatorë të aktiviteteve kombëtare në Gjermani si dhe mysafirë të tjerë.

Duke paraqitur fjalën e rastit Hazir Krasniqi, kryetar i degës së LDK-së në Gjermai ndër të tjera tha se shqiptarët përveç luftrave të pandërprera që paten kunder pushtuesve shekullorë edhe pas lufës çlirimtare për çlirimin e Kosovës, po përballen me vrasje politike ndaj figurave më të devotsnme të çështjes sonë kombëtare të cilat vrasje po dirigjohen nga mbeturinat e marksizëm-leninizmit dhe strukturat me antikombtare në Kosovë.

 

Kriminelët e "vrasjes misterioze" dolen në skenë dhe kryen krimin me makabër. Vranë atdhetarin, strategun e komandantin e UÇK-së, vranë kolonel Tahir Zemajn. Dhimbja ishte tepër e madhe, sepse atentatët ndaj figurave më të devotshme të popullit tonë po vazhdojnë e kriminelet nuk po zbulohen.

 

A nuk ishin të mjaftueshme për kriminelët vrasjet e Ahmet Krasniqit, Enver Malokut, Xhemail Mustafës, Haki Ymerit, Shaban Manajt, Ismet Rracit, Ekrem Rexhës, Bekim Kastratit, Besim Dajakut, Smajl Hajdarajt, Ukë Bytyçit, por iu desht që këtyre vrasjeve t´u shtohet edhe vrasja e Kolonel Tahir Zemajt, Enisit e Hasanit. Jo, kriminelët ende nuk jane ngopë me gjak! Dhe një dite kur pritej të zbuloheshin aurotët e këtij krimi, kriminelët bëjnë edhe një atentat ndaj hetuesëve të këtij rasti. Vrasin uniformën e Shërbimit Policor të Kosovës që me aq mund e sakrifica po e ndërtojmë.

MT/ Tahir Zemaj u vra mizorisht dhe tinzisht në pritë sikur u vranë në vazhdimësi në këto vitet e fundit edhe shumë patriotë të tjerë në zë Këshilltari juridik i presidentitRugova, Halit Muharremi duke iu drejtuar të pranishmëve tha se jemi tubuar sot këtu për ta shënuar 1 vjetorin e vrasjës, përkatësisht të ekzekutimit të kolonel Tahir Zemajt, të birit Enisit dhe kushëririt të tyre Hasan Zemaj!
Sot përkujtojmë në të vërtetë, me krenari figurën e madhe, trimin kolonel Tahir Zemaj. 

Kolonel Tahir Zemaj pas luftërave  serbo-sllovene, serbo-kroate dhe serbo-boshnjake, kur në horizont shihej edhe lufta e Kosovës, në këtë kohë, vëhet në shërbim të Kosovës, përkatësisht të Qeverisë dhe Ministrisë së Mbrojtjës së Republikës së Kosovës. Pas konsultimeve profesionale-ushtarake, duke e njohur mirë personalitetin e tij të lartë patriotik dhe profesional, Ministria e Mbrojtjës, përkatësisht Shtabi i Përgjithshëm i Forcave të Armatosura të Republikës së Kosovës e emëron Komandant të Brigadës 134 të Ushtrisë Çlirimtare të Kosovës. I vetëdijshëm për situatën e vështirë të Kosovës dhe i lumtur që iu dha rasti për t´i shërbyer atdheut të tij të robëruar,Tahiri i rreket punës me përkushtim të zjarrtë për krijimin e Forcave të Armatosura të Republikës së Kosovës.

 

Në të vërtetë kjo ishte Brigada e parë e Ushtrisë Çlirimtare të Kosovës e cila pasi dha betimin para kolonel Ahmet Krasniqit, Komandant i Shtabit të Përgjithshëm dhe Minister i Mbrojtjës i Forcave të Armatosura të Republikës së Kosovës, nën komandën e kolonel Zemajt marshoi drejt Kosovës. Kontributet e Kolonel Zemajt dhe të Brigadave të cilat ai i drejtoi janë të njohura për popullin Shqiptar por edhe për atë ndërkombëtar për çlirimin e Kosovës.

Siç dihet, kolonel Tahir Zemaj u ekzekutua nga ata që nuk e duan Kosovën, nuk e duan lirinë dhe Pavarësinë e saj, sepse Kolonel Zemaj edhe në liri angazhohej për konsolidimin e jetës shoqërore në përgjithësi dhe për arritjen e objektivave politike e juridike referendumiane të popullit për krijimin e shtetit të pavarur të Kosovës. Angazhimi i Kolonel Zemajt sigurisht iu pengoi forcave të tilla, prandaj edhe bënë atentat mbi te.

Nimon Alimusaj, anëtar i Kryesiës qendrore të LDK-së tha më këtë rast se aq sa jam sot i helmuar se në këtë tubim nuk e kemi në mesin tonë kolonelin, siç ishim mësuar ta kishim çdo herë kur ai ishte gjallë po aç jam i mallengjyer kur shoh se ju këtu në dhe të huaj dilni në mënyrë kaq të denjë të realizoni idenë e bukur të kujtimit të figurave kombëtare siç është komandanti Zemaj. Po një gjest i juaji i këtillë për mua nuk është i papritur kur dihet se ju këtu, në Gjermani, keni ditur e mundur ta sensibilizoni çështjen e Kosovçs me organizime tç tilla qç kanë sjellë para dyerve të kancelarive të Evropës madje 100 mijë shqiptarë.

Mbrëmja e 4 janarit e vitit 2003 i solli Kosovës dhe juve këtu në Gjermani dhe gjithandej botës ku kishte shqiptarë, lajmin tmerrues se u vra koloneli i karrierës Tahir Zemaj, i biri i tij Enisi dhe aktivisti i madh i LDK-së Hasan Zemaj. Që nga ajo ditë ka kaluar vetëm një vit e neve na duket se kanë kaluar vite e vite - aq i gjatë na duket një vit pa figuren e kolonelit tonë, të asaj figure te madhe të historisë së kohës më të re të Kosovës në veçanti dhe te shqiptarizmës në përgjithësi.

 

Tahir Zemaj u vra mizorisht dhe tinzisht në pritë sikur u vranë në vazhdimësi në këto vitet e fundit edhe shumë patriotë të tjerë në zë, të cilët ishin krenaria e kombit dhe shpresa e Kosovës. Kolonel Tahir Zemaj është figurë e madhe e luftës, e artit ushtarak, sferë kjo tejet e rëndësishme në periudhat e këtilla.

Të shumtë ishin guximtarët në këtë mot të madh në sferen e politikës e të luftës të një lëvizjeje që quhej LDK, që u vërsulen drejt idealit te tyre dhe u përpinë nga deti i pengimeve dhe rreziqeve. U përpinë vigajt e politikës si i madhi Fehmi Agani, Bajram Kelmendi, Latif Berisha et. U përpinë vigajt e luftës si Adem Jashari, Agim Ramadani, Sali Çekaj etj. Tha më tutje Nimon Alumusaj.

Duke folur në emër të nëndegës së LDK-së për Bayern, Daut Beqiraj, sekretar tha se në fundvitin 2002 të gjithë uronim me deshirat më të sinqerta që viti 2003 të jetë një vit i mbarë për Kosovën, 4 janari i vitit 2003 solli një ogur të zi, ngriu urimet, gëzimet dhe gjakun e këtyre tre burrave te Kombit, se u krye një akt i shëmtuar, kriminel, mizor dhe makabër në vazhdën e akteve të pazbuluara të terrorit e krimit të organizuar politik.

Truri i urdhërdhënësve për vrasjen e kolonelit Tahir Zemaj mund të matet me peshojën e barnatorës

Kur mora lajmin, një lajm të hidhur, nuk desha të besoja se në atentatin, të satin me radhë, ishte ndarë flzikisht nga ne kolonle Tahir Zemaj, tha Nekibe Kelmendi, deputete Kuvendit të Kosovës, sepse, disi, më shumë doja t'i besoja gojëdhanës popullore se ai, koloneli, ishte lindur "me këmishë", ndaj plumbi s'do e kapte dot, sikur qe nuk e pati kapë plumbi në Betejën legjendare të Loxhës, kur me zemër prej luani ishte vërsulë mbi forcat policore-ushtarake serbe, të cilat donin ta asgjësonin një popull të tërë.

 

Në kohën kur koloneli Tahir Zemaj e udhëhoqi Betejen e Loxhës, fati i popullatës tonë rrinte mbi tehun e thikës dhe shtrohej pyetja hamletiane: të jesh apo të mos jesh. Duke u mbeshtetur në trirmërinë, shkathtësinë dhe dijen e vet profesionale ushtarake koloneli ynë i pavdekshëm vendosi që të vëhet vet në ballë të asaj beteje, të cilen betejë e shndërroi në epope dhe e radhiti ndër betejat më të lavdishme të luftes së fundit të popullit shqiptar për çlirimin e Kosovës nga armiku ynë shekullor, nga përbindëshit serbë, kurse vet kolonelin Tahir Zemaj e ngriti në piedestalin më të lartë të heronjëve të gjallë dhe ebëri atë edhe më të adhuruar.

Në emër të FR të LDK-së në Bayern foli Ibadete Abdullahu e cila vlerësoi lart kontributin e kolonel Tahir Zemajt dhe të Hasan Zemajt, ish-kryetarit të FR të LDK-ës në Deçan.

Në emër të eprorëve ushtarak e bashkëluftëtarëve të kolonelit Tahir Zemaj fjalën e rastit e mbajti major Nazif Ramabaja. Ai tha se kriminel u thonë atyre që vranë këtë personalitet aq të shquar dhe burrë të madh duke mos menduar fare se çfarë humbje u kanë shkaktuar vajzave, bashkëshortës, familjes Zemaj, kolegëve, miqëve, dashamirëve dhe tërë popullit të Kosovës dhe më gjërë.

 

Ata nuk kanë menduar fare për pasojat apo truri i tyre s´ka qenë në gjendje të vlerësojë peshën e krimit të bërë, i cili tru mund të matet me peshojën e farmacisë dhe kjo vlen personalisht për urdhërdhënësit ndërsa për vrasësit me pagesë s´është çudi fare se paraja është më me rëndësi se sa jeta e një njeriu. U vra njeriu i cili hyri në luftë duke e dhënë betimin para zotit dhe flamurit kombëtar, si ushtarak profesionist komandant nacional, i cili punoi dhe veproi në kuadër të institucioneve të Republikës së Kosovës duke e njohur si komandant suprem presidentin Dr. Ibrahim Rugovën dhe të gjitha strukturat tjera shtetrore: Qeverinë e në kuadër të saj Ministrinë e Mbrojtjes dhe Parlamentin.

U vra legjenda e luftës së Loxhës, njeriu, ushtaraku dhe heroi i Kosovës i cili nëpërmes lidhjeve dhe marëveshjes me zyrën e OSB-së në Pejë dhe jo me askënd tjetër siç pretendojnë t´ia mveshin "maxhupët", "intrigashët" dhe diletantët e artit dhe doktrinës ushtarake  dhe në lidhje me OKB-në nëpërmes kontribuesit dhe personalitetit të shquar të çështjes kombëtare Hajdar (Hari) Bajraktarit shpëtoi nga masakra në Rrafshin e Dukagjinit më se 60.000 (gjashtëdhjetë mijë) civilë. Kjo është e vërteta. Disa e shohinsepse ajo është e pranishme dhe ekziston në mesin e tyre, disa i ngrohë ndërsa të tjerët i djegë.

U vra njeriu mbi të cilin u bënë më se tetë tentimatentatesh, ku ky i teti ishte i kobshëm për te, djalin Enisin dhe kushëririn Hasanin dhe të gjithë ata të cilët e kishin njohur figurën e këtij vizionari dhe strategu ushtarak.

 

Në këtë përvjetor pikllimi, por me ndjenjë krenarie për të madhin Kolonel Tahir Zemajn punën e tij, aktivitetin, solidaritetin, urtësinë dhe mençurinë që la me sinqeritetin e tij, për dallim nga ata të cilët mbollën farën e urrejtjes dhe linçit, ky mbolli farën e tolerancës, dashurisë në mes njerëzve dhe protagonistëve të drejtpërdrejtë të luftës duke deklaruar se: "Unë nuk kam plumba për shqiptarë dhe civilë kundërshtarë". Me këtë tregoi profesionalizmin e lartë në parandalimin e luftës vëlla-vrasëse, por dhe zbatimin e ligjeve të luftës sipas konventës ndërkombëtare.

Duke iu dtrejtuar Akademisë, kolonel Ibrahim Berisha, sekretar i PDSH-së tha se në radhë të parë ju falënderoi për ftesën që më keni bërë për të marrë pjesë në këtë akademi përkujtimore dhe në emër të Degës së PD për Gjermani dhe në emrin tim personal si njohës, ushtarak dhe koleg me kolonel Tahir Zemajn dëshiroi të flas përmbledhazi për vlerat, pikëpamjet dhe largpamësinë e një ushtaraku me vlera të mëdha strategjike, koncepte të një ushtaraku me përvojë të admirueshme, me një dëshirë të madhe për të ardhmen e ushtrisë dhe Forcave të armatosura të Kosovës së Pavarur.

 

Këto mendime dhe koncepte ushtarake, kam patur rastin që t´i diskutoj dhe të shkëmbejmë mendime me kolonel Zemajn në takimet e ndryshme si personale ashtu edhe në tubime politike në Hamburg, Berlin, Laipzig etj. Këto pikëpamje dhe mendime kanë qenë të përkrahura dhe të mbeshtetura edhe nga ish ministri i Mbrojtjes (i ndjeri Ahmet Krasniqi).

Me recitime u paraqitën Qëndresa Gashi, Agnesa Gashi, Naim Gashi dhe Alush Zeqiraj.

Në këtë Akademi u lexuan edhe telegramet që i kishin dërguar akademik Mark Krasniqi (që ishte i ftuar porse nuk kishte pasur mundësi të udhëtojë në Gjermani), Ramiz Muriqit dhe banorëve të fshatit Strellc i Deçanit të cilët një ditë më parë kishin varrosur eshtërat e Sinan Musajt, ushtarit të kolonelit Tahir Zemaj i vrarë në mënyrë enigmatike pas mbarimit të luftës për çka është i akuzuar "Grupi i Dukagjinit".

Organizatorëve dhe pjesëmarrësve të Akademisë në emër të familjes Zemaj iu drejtua edhe Ramë Zemaj, i vëllau i kolonelit Tahir Zemaj. Ai më këtë rast tha se ndihet i emocionuar kur ndodhet në mesin e shokëve, bashkëluftëtarëve e bashkatdhetarëve të kolonelit, që një pjesë të jetës së tyre e kaluan me kolonelin Tahir Zemaj. E ndiej vetën të nderuar dhe ju e po e nderoni edhe vetën me këtë që po bëni për vëlluan tonë e tuajin, tha ai.