Të rinjtë e Mitrovicës kanë potencial që të ndikojnë pozitivisht në dinamizimin e rrjedhave në vend

Të rinjtë e Mitrovicës kanë potencial që të ndikojnë pozitivisht në dinamizimin e rrjedhave në vend

Mitrovicë, 28 janar 2004 / TN / Adelina SELIMI - Dje në sallën e Kuvendit Komunal të Mitrovicës, në kuadër të projektit " 2004 Viti i LDK-së - Viti Juaj" u mbajtë një debat i Kryesisë Qëndrore të FR të LDK-së me të rinjtë e këtij qyteti. Këtë takim e hapi kryetari i degës i Forumit të Rinisë në Mitrovicë z.Safet Kamberi, ndërsa të pranishmit më pas i përshendeti edhe nënkryetari i Kuvendit Komunal të Mitrovicës z. Mursel Ibrahimi.
Kryetari i FR të LDK-së z.Lulzim Zeneli, në fjalën e tij përshëndetëse theksoi se sot është një rast i veçant që të debatojmë për të gjitha çështjet që i preokupojnë të rinjtë e këtij qyteti. "Kosova ka hyrë në një proces i cili është përcaktues për të ardhmen e saj dhe Mitrovica ka potencial rinor që të ndikoj pozitivisht në dinamizimin e rrjedhave në vend, fakt ky që është argumentuar shumë herë dhe sot po rikonfirmohet" tha z. Zeneli i cili në vazhdim shtoi se "Kosovës dhe perspektivës së saj i nevojitet një qeverisje stabile dhe efikase, qeveri që me punën e vet do të reflektonte përgjegjësi ndaj qytetarëve të Kosovës.

Të rinjtë e LDK-së kanë barrën dhe përgjegjësinë që të jenë katalizator të këtyreve proceseve.Takimi i sotëm është një rast i mirë të afirmojmë politikat e të rinjëve të LDK-së dhe të përcjellë mesazhin shumë të qartë pro një dinamike më të theksuar në të gjitha proceset në vend"-theksoi në fjalën e tij kryetari Zeneli.

Në vazhdim nga ana e pjesëmarrësve në debat u shtruan për diskutim një varg çështjesh që janë preokupuese për të rinjtë dhe qytetin e Mitrovices.

Duke u përgjigjur në një pyetje rreth çështjes së Mitrovicës dhe statusit final të Kosovës, z.Lulzim Zeneli theksoi se sot botërisht është më së e qartë se pavarësia e Kosovës është alternativë e vetme dhe se nuk mund të ketë stabilitet dhe perspektive për rajonin jashtë vullnetit politik të popullit të Kosovës dhe se nuk mund të ketë stabilitet pa zgjidhjen e çështjës së Mitrovicës. Lidhur me aktivitetin e FR të LDK-së dhe planet për të ardhmën në këtë debat informoi nënkryetari i FR të LDK-së, z. SejdëTolaj.