|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI 

 

OPINIONE

   
 

  A mund te jete e sukseshme “nisma” e Berishes per hapjen e PD-se ndaj vlerave te reja!

 
 

 

27 janar 2004 / TN

Nga, Arbër PASHTRIKU

Mora mundimin te hedh keto rrjeshta mbi te zeze duke marre shkas hapit me te fundit te Kryetarit te PDse per perfshirje te intelektualeve ne radhet e partise me te madhe opozitare ne Shqiperi.

Kjo thirrje behet ne kushtet kur ajo qe quhet ‘klase politike’ ne Shqiperi perfaqeson interesat e me pak se nje te tretes se elektoratit(~27 %). Nuk ma merr mendja se ne ndonje vend te botes mund te kete politikane qe te bejne politike active perballe ketyre shifrave kaq te dhimbshme.

Por le te kthehemi te problemi qe nisa me siper. Qe te hedh pak drite mbi idene e Berishes do te doja te shfaq idete e mija se si  e mendoj nje force politike qe te jete e force potenciale per marrjen e pushtetit dhe qeverisjen e vendit:

     1. Cdo force qe pretendon te vije ne pushtet duhet te mbeshtetet fort ne tabanin dhe interesat kombetare. Per fatin tone te hidhur partia aktuale ne pushtet as nuk e mendon kete dhe punon teresisht per interesat e huaja. Partia Demokratike mjerisht ne kushtet qe ndodhet nuk dallon shume nga partia socialiste pasi i “urren” nacionalistet po aq sa PS-ja e ne mos me shume  dhe shpresat per te ardhur ne pushtet i mbeshtet ne pazaret e mundshme qe mund te beje me Greqine (te kujtojme ketu aleancen me PBDNJ ne Himare ne zgjedhjet lokale te vitit qe sapo shkoi)ne kurriz te interesave kombetare me pasoja shume negative ne te ardhmen e afert. Politika shqiptare duhet te heqe dore nga politika servile deri ne pakuptim ndaj zyrtareve evropiane qe e kane bere vendin lesh e li dhe sipas te gjitha gjasave jane te perfshire ne trafiqe dhe pazare te ndyra me shtetaret shqiptare. Zyrtaret shqiptare duhet te krijojne nje platforme te re, jashte dyerve te ambasadave te huaja ne Tirane qe kane shkelur protokollet e shteteve te cilat perfaqesojne duke u perzirer aktivisht ne aferat politike ne Shqiperi.

Nje PD e rilindur apo nje force e re politike duhet te marre mbi shpatulla barren e largimit te influences ruse nga Shqiperia e cila per fat te keq vazhdon fuqishem (kujtoni levizjet e pafund te Ilir Metes sa ne Beograd sa ne Moske) akoma ne baze te marreveshjes se Jaltes se vitit 1945 kur gjithe lindja ngeli nen hyqmin e Rusise. Pa ndodhur kjo as nuk behet fjale per integrim ne Evrope apo afrim me strukturat euroatlantike. Fosilet e regjimit te vjeter jo vetem nuk kane hequr dore nga ndikimi rus por perkundrazi i kane rinovuar lidhjet e vjetra duke synuar integrimin e kompanive ekonomike ruse ne Shqiperi.

Kosova duhet te kete mbeshtetje shume here me aktive nga politikanet e Shqiperise per te fituar pavaresine nga Serbia pasi deri sot eshte trajuar njelloj sic mund te trajtohet nje shtet afrikan i larget, duke befasuar shpeshhere edhe zyrtare serioze perendimore me kete indiference te pakuptimte.

     2. Forca politike opozitare do te kete detyren me te veshtire crrenjosjen e krimit te organizuar ku shteti ne mos teresisht eshte i perfshire te pakten ne menyre te konsiderueshme ne segmentet e krimit. Kjo ne kushtet e sotme dhe per te qene realist nuk mund te behet nga vetem nga brenda sado vullnet te mire te kesh. Kjo sipas mendimit tim behet vetem me ndihmen e ekspertizes se nje vendi aleat perendimor si SHBA apo Britania e Madhe qe nuk kane interesa te drejtperdrejta ne Ballkan. Krahas saj do te duhej nje shkundje ne themel e sistemit te korruptuar te drejtesise, nxjerrje e nje pakete ligjesh qe te menjanonte sa me shume te jete e mundur korruptimin e gjykatesve dhe prokuroreve dhe venien e tyre perballe denimeve shume te ashpra nese e bejne nje shkelje te tille. Nje opcion, dhe ndoshta nje domosdoshmeri e momenteve te veshtira ku po kalon vendi do te ishte rikthimi i denimit me vdekje te pakten per nje periudhe 10-15 vjecare periudhe kjo e barabarte me afatet kur vendi mund te integrohet ne BE dhe kur heqja e tij behet domosdoshmeri dhe mbajtja e tij mbase e panevojshme. Rivendosja apo jo e ketij ligji do te duhej te behej me referendum mbarepopullor qe te behej ne menyre demokratike qe edhje Evropa te mos kete goje ta kundershtoje.

     3. Venia ne pune e ekonomise se vendit ku kemi varesi totale nga prodhimet e huaja. Prodhimi vendas eshte asfiksuar totalisht dhe kapitalet e shqiptareve shkojne per llogari te bankave te huaja kryesisht atyre greke. Duhet te mbeshtetet zhvillimi i bujqesise vendase me nje system kredish te ngjashem me ate qe perdor Greqia fqinje per shtetasit e vet.  Kjo do te kishte perfitime te shumefishte; do te kishim prodhimin vendas me kosto shume me te ulet dhe me cilesi shume me te mire se ai i huaj( ku ne shumicen e rasteve eshte i dyshimte dhe i rrezikshem per shendetin); do te angazhoheshin ne pune nje pjese e madhe e popullsise duke siguruar te ardhura per vete dhe arken e shtetit; dhe ajo cka eshte me e rendesishmja do te frenohej emigrimi masiv  ne mjaft raste tragjik per shqiptaret e varfer qe detyrohen te largohen nga vendi per te mbijetuar.

     4. Nje kujdes i vecante do te duhej ti kushtohej biznesit te vogel dhe turizmit. Biznesi i vogel ka dale teresisht jashte loje dhe turizmi eshte pa strategji zhvillimi dhe i perqendruar ne duart e politikaneve te te dy kraheve apo krimineleve me lidhje me qeverine. Te mos harrojme  qe turizmi me pak investime ne infrastructure mund te te behet ne nje kohe record nje burim I madh zhvillimi per vendin popullsia e te cilit nuk  arrin 4 millione banore.

     5. Shmangia me ligj nga politika e njerezve qe i kane te lyer duart me gjak apo kane frymezuar te tjeret ta bejne nje gje te tille. Ketu nuk kam ndermend te permend emra pasi pupliku shqiptar i njeh shume mire ata. Nuk mund te rri pa theksuar ketu qe te paret qe duhet te perfshiheshin ne kete ligj duhet te ishin ata qe kane marre pjese aktivisht ne revolucionin tragjik te vitit 1997 dhe sot zoterojne pozita kyce ne ekzekutivin shqiptar. Ata politikane, analiste apo figura te tjera qe kane qene pjesemarres apo kontribues te asaj tragjedie famekeqe duhet te te pakten te ju mohohet pjesemarrja ne politike. 

A eshte ne gjendja Berisha dhe partia demokratike ta bejne nje gje te tille? Pergjigjia ime eshte e prere JO. Partia Demokratike dhe Sali Berisha akoma nuk i kane shpjeguar opinionit shkaqet dhe mekanizmat qe ngriten firmat piramidale, si u lejua qe shteti te bjere ne 3 dite dhe cka eshte me rendesishmja per shqiptaret berja publike e  “dosjes e zeze” per te cilen ka folur i ndjeri  Safet Zhulali.

Sali Berisha dhe PD-ja nuk jane te besueshem para elektoratit shqiptar kur bejne thirrje per zgjedhje te lira dhe te ndershme pasi jane ata qe (e theksoj ne  menyre te panevojshme) kane hapur rrugen e manipulimit te tyre (Zgjedhjet e pergjithshme te vitit 1996). PD ja nuk mund te jete e besueshme pasi ajo u be pjese e parlamentit me famekeq qe njeh demokracia moderne atij te vitit 1997 duke u terhequr per hunde nga zyrtare te dyshimte evropiane per interesa te castit. 

Miratimi i kushtetutes se vitit 1994 (e cila megjithese jo perfekte mbronte interesat jetike te shqiptareve shume me mire se ajo aktualja) me referendum, kur dihej se do humbiste eshte nje tjeter mekat i Berishes me pasoja shume te renda per shqiptaret. Nuk mund te jete i besueshem nje politikan qe forca e tij politike me te drejte votoi kunder kushtetutes Janullatiste te vitit 1998 dhe 5 vjet me vone perpiqet te mbroje vlerat demokratike ne emer te asaj qe e ka peshtyre njehere. Nje politikan i ndershem nuk duhet te kishte pranuar ta udhehiqte elektoratin e tij ne zgjedhje sipas nje kodi zgjedhor qe sido qe te zhvillohen zgjedhjet fitorja do tu buzeqeshe klikave kriminale ne pushtet.

Sali Berisha dhe PD-ja nuk mund te behen favorite te elektoratit pa hequr dore nga servilizmi ndaj Greqise dhe pa ju kundervene strategjise se kamufluar te Evropes per ta shenderruar Shqiperine ne shtet multietnik. Ky rrezik duket i zbehte sot por po rritet dita dites me shpejtesine e kancerit. Me rastin e aleances famekeqe te Himares Berisha ka humbur edhe pjesen e fundit te elektoratit (perfshire edhe autorin e ketyre radheve) te cilet besonin qe ai eshte njeriu me i mundshem per te ju kundervene klikes kriminale ne pushtet.

Partia Demokratike nuk mund te behet force potenciale per marrjen e pushtetit dhe qeverisjen e vendit duke bere duke ftuar ne radhet e saj figura te tipit “leter higjenike” sic i quante, heroi i demokracise, Azem Hajdari pasi ata e kane provuar veten qe per 5 dhrami shesin jo PD-ne por gjithe Shqiperine.  Gjithashtu pervoja 13 vjecare ka treguar qe politikaneve ne Shqiperi me shume sesa dhunti diplomatike ju duhet ndershmeri dhe atdhetarizem, profesionalizem dhe jo militantizem partiak.

Shqiperise i duhet nje force politike  qe te punoje me mish e me shpirt qe te binde qendrat nderkombetare vendimarrese qe bashkimi i shqiptareve ne nje shtet garanton stabilitetin e vendit dhe vendos qetesine ne gadishullin e trazuar te Ballkanit. Politikanet shqiptare duhet te heqin dore nga “fobia” e pashpjegueshme ndaj nacionalizmit apo atdhetarizmit shqiptar i cili jo vetem gjithmone ka qene ne nivele krejtesisht te pamjaftueshme por edhe me kulmet e tij as nuk mund te behet fjale qe ka paraqitur ndonjehere rrezik per fqinjet tane. Keta te fundit duke interferuar dhe investuar pa mase ne mediat ksenofile shqiptare, dhe me ane “analistesh” te neveritshem po bejne gjithcka qe eshte e mundur ti mbushe mendjen botes qe nacionalizmi shqiptar eshte me i rrezikshmi dhe duhet te shtypet qe ne embrion.  Kaq e fuqishme eshte propaganda antinacionaliste ne Shqiperi saqe eshte kthyer ne mode te jesh antinaconalist. Te qenit atdhetar konsiderohet mendesi e vjeter arkaike gje te ciles i ka kaluar koha, dhe nje brez i tere te rinjsh po rritet dhe edukohet me mendesite ksenofilike mjaft te demshme per te ardhmen e vendit.

Duke perfunduar ngelem me bindjen qe nje PD e reformuar apo nje force e re politike duhet te reformohet apo te linde jashte karikaturave te vjetra politike (si Berisha) plotesisht te konsumuara qe pervecse ndikimeve negative nuk mund ti japin asgje pozitive Shqiperise por perkundrazi zgjatin krizen edhe ashtu mjaft te rende shqiptare.

 

Shenim: Autori i ketyre radheve nuk eshte analist profesionist por mendon se shpreh nje mendim te nje publiku mjaft te gjere shqiptar te cilit nuk i jepet hapesire ne shtypin e sotem shqiptar.


 Copyright©2000-2003 Trepca.net - Të gjitha të  drejtat e rezervuara.