|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Dy lajme nga Podujeva

Kryetari Agim Veliu priti zyrtarin e Qeverisë së Tirolit Peter Logar

 

Podujevë, 26 janar 2004 (TN) – Kryetari i komunës së Podujevës Agim Veliu priti sot zyrtarin e Qeverisë së Tirolit Peter Logar me bashkëpunëtoren Melita Duma. Kryetari Veliu tha se me mikun e madh të Podujevës z. Logar biseduan për ndihmën e vazhdueshme që Qeveria e Tirolit po i jep komunës së Podujevës, planet për ndihmën e sivjetme në turizëm, blegtori e bujqësi dhe fusha tjera.

  

 “Qëllimi i vizitës sonë ka të bëjë me ndihmën që Tiroli po vazhdon ta japë në bujqësi dhe blegtori në rajonin e Orllanit, në kuadër të zhvillimit të projektit turistik”, dekalroi z. Logar.

 

Lidhur me projektin e zhvillimit të turizmit, në kuadër të përgatitjeve pëtr sezonin e sivjetëm, Bordi Drejtues i Projektit zhvillimor turisitik do të takohet për të diskutuar për planet dhe implementimin e projektit, njoftoi menagjeri i Qendrës Informative turistike të Orllanit z. Agim Abdullahu.

 

Qeveria e Tirolit kohëve të fundit ndihmoi fermerë nga rajoni i Orllanit me lopë dhe pajisje për miniqumshtoren, pastaj Shërbimin e zjarrfikësve, por edhe komunën e Podujevës me automjete, vlera e të cilave sipas z. Logar arrinë në 24 mijë euro. 

 

 

Punëtorët e NPT “Kosovatrans” kërkojnë ndihmën e udhëheqjes komunale

 

Podujevë, 26 janar 2004 (TN) – Një grup punëtorësh të Ndërmarrjes Publike Transportuese “Kosovatrans” të Podujevës sot u takuan me kryetarin e komunës së Podujevës z. Agim Veliu dhe drejtorin e drejtorisë për urbanizëm, shërbime publike dhe ambient z. Hamdi Jaha.

 

Punëtorët e kësaj ndërmarrjeje paraqitën shqetësimet e tyre për problemet që janë kohën e fundit. Sipas punëtorëve shumë autobusë janë vënë jashtë përdorimit , kurse disa prej tyre u janë prerë dhe shitur pjesët.

 

Punëtorët informuan kryetarin Veliu që pej 15 autobusëve sa ka NPT “Kosovatrans” vetëm 4 funksionojnë. Kryetari Veliu tha se gatishmëria për ndihmë në komunë ekziston, pavarësisht se mundësitë dhe kompetencat janë të limituara meqë për Ndërmarrjet publike përgjegjëse është AKM-ja.

 

Punëtorët u pajtuan me propozimin e kryetarit Veliu për një takim të përbashkët me drejtorin Idriz Musliu me qëllim të zgjidhjes së problemeve të mbi 100 punëtorëve të cilët pagat e fundit prej 25 euro i kanë marrë më 2002. Aktualisht, sipas pjesëmarrësve në takimin e sotëm vetëm afro 30 punëtorë janë duke punuar në “Kosovatrans”.