|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Intervistë ekskluzive me kryetarin e Asociacionit të komunave të Kosovës dhe kryetarin e komunës së Gjilanit z. Lutfi Haziri

Gjilani ka arritur të realizon mbi 640 projekte të ndryshme në infrastrukturë

25 janar 2004 / TN   Jemi komuna Rinore e shpalllur nga Ministria për aktivitete të dallaura. Kemi bashkëpunim të ngushtë me SHPK-në, TMK-në, UNMIK-un KFOR-in dhe institucionet tjera. Mbi të gjitha, kemi qenë në shërbim të qytetarit gjithëherë aty ku ka kërkuar nevoja e qytetarit.      Intervistoi: Arbër R. ISMAJLI   PYETJE: z. Kryetar, çka është Asociacioni Kuvendeve Komunale (AKK) që ju drejtoni dhe çfarë roli ka në shoqërin politike të Kosovës ?   Lutfi HAZIRI: AKK është bashkim i interesave komunale për zhvillim të qendrushëm të veteqeverisjes lokale, perfaqësim i komunave në Organet Qendrore dhe Intitucionet Evropiane.

 

   

PYETJE:  Cili është qëllimi i AKK-së ?

 

Lutfi HAZIRI: Ne kemi objektiva më afatgjate. Përveç atë që e thashë më lartë ne pretendojmë që komuna e Kosovës të jetë Institucion i qëndrushëm lokal në të cilën nuk ka të drejtë të ndërhyj askush perveç qytetarit. Rritja e bashkpunimit komunal, regjional dhe me komunat në Evropë dhe SHBA, krijimi i kushteve për zhvillim ekonomik si dhe krijimi i mundësive që komunat të financohen përmes kredive afatgjate të Bankave ndërkombëtare.

 

 

PYETJE:  A mund të numëroni disa projekte të rëndësishme që ka bërë AKK ?

 

Lutfi HAZIRI: Përveç se kemi arritur të jemi perfaqësuesit e vetëm para Presidentit Dr. Rugova, Kryeministrit, Kryeparlamentarit, PSSP dhe UNMIK-ut, ne jemi anëtar vezhgues të Këshillit të Evropës / Dhoma e Pushtetit Lokal (CLARE), anëtar të NALASE (Rrjeti i Evropës Juglindore) dhe tani AER mbështet aktivitetin tonë si dhe prej këtij viti edhe Qeveria e SHBA-ve do të mbështet komunat me një program trevjeçar.

 

 

PYETJE: z. Kryetar, si ka qenë përfundimi i mandatit të parë në krye të AKK për ju dhe kolegët e juaj që udhëhiqni me këtë asociacion dhe cilat janë synimet e juaja për të ardhmen?

 

Lutfi HAZIRI: Të arriturat e mandatit të parë janë evidente. Ne do të vazhdojmë të realizojm politkat lokale në kuadër të proceseve te mëdha deri në Pavarësi të plotë, ku mendojmë se do të na prijnë suksese të mëdha për ti ndihmuar qytetarëve tanë.

 

 

PYETJE: Çka i ofron qytetarit të Kosovës AKK ?

 

Lutfi HAZIRI: Pjesmarrje direkte në vendimëmarrje dhe siguri në vetëqeverisje.

 

 

PYETJE: z. Kryetar, kohëve të fundit përfolet në opinion se gjoja AKK më së shumti ka ndihmuar qytetin e Gjilanit, sa ka të vërteta këtu ?

 

Lutfi HAZIRI: Apsolutisht nuk qendron. Ndoshta pse në Gjilan është hapur një zyre e Këshillit te Evropës për Demokraci Lokale/ADL. Por, kjo zyre është dhe mbulon tërë territorin e Kosovës dhe komunën e Bujanocit, Preshevës dhe Kumanovën. Kjo është më e rëndësishme sesa të kemi një zyre në Mitrovicë e cila do ti kishë mbuluar komunat në Serbi. Mendoj që kemi arritur që edhe interesat e Shqiptarëve në regjion ti përfaqësojmë ashtu si duhet.

 

 

PYETJE: Sa ka ndikim AKK në institucionet vendore dhe ato ndërkombëtare ?

 

Lutfi HAZIRI: Duke qenë te pranuar si të vetmit perfaqësues të pushtetit lokal ne kemi bërë hapin e madhë dhe ndikimi ynë është evident.

 

 

PYETJE: z. Kryetar, ti kthehemi pak komunës që ju udhëheqni, cilat janë projektet më të rëndësishme që keni bërë gjatë mandatit të dyfisht që keni si kryetar i komunës së Gjilanit ?

 

Lutfi HAZIRI: Gjilani ka arritur të realizon mbi 640 projekte të ndryshme në infrastrukturë. Kemi vendosur një stabilitet të qëndrushëm politik. Siguria është përmisuar dukshëm. Jemi komuna Rinore e shpalllur nga Ministria për aktivitete të dallaura. Kemi bashkëpunim të ngushtë me SHPK-në, TMK-në, UNMIK-un KFOR-in dhe institucionet tjera. Mbi të gjitha, kemi qenë në shërbim të qytetarit gjithëherë aty ku ka kërkuar nevoja e qytetarit.

 

 

PYETJE: Cili është prioriteti juaj si kryetar i komunës së Gjilanit për vitin 2004 ?

 

Lutfi HAZIRI: Ne do të vazhdojmë të realizojmë të gjitha projektet me prioritet në Arsim Shëndetsi, Infrastuktur, Rini etj. Qendra e Gjilanit do të rizhvillohet edhe me shumë projekte tjera që janë me prioritet për qytetarin tonë dhe Rininë në veçanti.

 

 

PYETJE: Sa ka arritur komuna juaj të vë marrëdhënie ndërkombëtare gjatë mandatit tuaj si kryetar që jeni ?

 

Lutfi HAZIRI: Gjilani ka bashkëpunim me komunën e Iperit (Belgjikë), Regjionin e Strasburgut (Francë), si dhe shumë kontakte dhe miqë me qytete nga Zvicra, Gjermania, SHBA, Shqiperia.

 

 

PYETJE: z. Kryetar, cili është mendimi juaj për institucionet tona vendore ( Presidencën, Parlamentin dhe Qeverin ) ?

 

Lutfi HAZIRI: Gjatë këtij mandati është dëshmuar se lidershipi ynë është i gatshëm të mbajë barren e shtetit te Pavarur mbi supet e tyre. Ështe koha që Presidenti të udhëheqë me shtetin dhe roli i PSSP të zvoglohet.

 

 

PYETJE: A dëshiron kryetari Haziri që pas përfundimit të mandatit të tij si kryetar i komunës së Gjilanit, të bëhet President i Kosovës ?

 

Lutfi HAZIRI: Jo. Unë do të vazhdoj të angazhohem në afirmimin e politikës lokale dhe të jemë në shërbim të qytetit te Gjilanit.

 

 

PYETJE: z. Kryetar, cili është mesazhi juaj për qytetarët e Kosovës, pasi në një mënyrë ju jeni edhe kryetar i tyre ?

 

Lutfi HAZIRI: Ky vit për ne është vit i angazhimeve për të finalizuar projektin e madh të shtetit. Me ju shumë më shpejt dhe shumë më lehtë arrihet ky qëllim i yni. E kaluara e afërt na mësoi se duhet të punojmë për një Kosovë më të mirë, demokratike dhe të pranueshme për të gjithë.

 

- Zotëri Kryetar, Ju falemnderit shumë për intervistën.

 

- Me nder qofshi.