FUSHATË APO POLITIKE DITORE NGA TË MAJTIT

FUSHATË APO POLITIKE DITORE NGA TË MAJTIT

20 janar 2004 / TN

Shkruan : Arbër ISMAJLI (Gjilan)

Kohëve të fundit në Kosovë menjëher me fillimin e vitit 2004 filloi fushata e shpifjeve nga të majtit, fushatë e cila nuk dihet a është fushatë për zgjedhje apo politikë ditore e atyre që në shpirt kanë urrejtjen e jo gëzimin.

Deklarimet e kohëve të fundit që vijnë nga numri Një i partisë së dytë në vend për kah numri i anëtarëve për gjoja korrupsion nëpër institucionet tona nuk janë gjë tjetër veqëse një tentim për një grusht të rëndë ndaj institucioneve të lira të Kosovës, që kanë dalë nga vota e lirë popullit.

Habit fakti se Njëshi i partisë se dyte përveqë institucionit të Presidentit dhe atë të Parlamentit ai prek edhe në Ekzekutiv, ku partia e tij ka këtë institucion në përkujdesje, por ai ndan edhe Ekzekutivin ku përmend vetëm ato ministri ku qeverisë partia tjetër e para për nga numri i antarësis në vënd, pra LDK.

Me një cinizëm të vërtet kreu i PDK-së akuzon institucionet tona për gjoja korrupsion e nuk ndalet që ta vë gishtin në kokë e të mendojë, po me atë kokë të tij, se vallë pjesë e cilave institucione jamë unë dhe partia ime.

Të akuzosh sot dikë pa bazë e argumente të forta do të thotë : shpifje dhe gënjeshtër e rëndë.

Nuk kam dashur kurrë të mendoj dhe të besoj se pas perfundimit të luftës në Kosovë, në shpirtrat e shqipëtarëve do të mbizotrojë kaq shumë urrejtja. Përkundrazi, kam menduar se pas perfundimit të luftës në shpirtërat tonë do të mbizotrojë gëzimi, harmonia dhe liria e shumë pritur nga ne, nga të gjithë.

Pas një minut heshtje në parlament për nderim të masakruarve nga Reçaku i Shtimes, ku shkijet çetnik nuk nderuan por akuzuan atë minut heshtjeje të shpallur nga kuvendarët tanë, në foltore prap shfaqen të majtit, jo vetem që shfaqen por fillojnë një sërë akuzash ndaj Kryekuvendarit se gjoja paska marrë mito në vlerë prej gjysëm milioni Euro për riparimin e sallës së Kuvendit.

A janë të pranueshme këto akuza?

Kujt i shërbejnë ato?

Kushë ushqehet me këto shpifje?

A i ha kush ato?

Ata që i bëjnë këto shpifje, mun të jenë vetëm ata të cilët nuk njohin progres, nuk njohin përparim të politikës kosovare në të gjitha sferat vendore dhe ato ndërkombëtare.

Dhashtë zoti që foltorja e Parlamentit të Kosovës mos të jetë më vendi i atyre që shpifin. Të mos jetë vendi i atyre që duke akuzuar dhe shpifur për dikë mendojnë se i kontribojnë partive të tyre. Të tillët duhet të kuptojnë një herë se është e kotë përpjekja e tyre për t’iu mveshur akuza institucuioneve të lira dhe demokratike të Kosovës, të cilat pa dyshim kanë shumë prioritete, por prioritet kryesor kanë Pavarësinë e Kosovës.

Le të mbesin në kokat a atyre këto shpifje dhe urrejtje sepse populli i Kosovës dinë të vlersojë drejt, mirë e qartë për të gjithë ata që i kanë shërbyer këtij vendi ne realizimin e këtij progresi pozitiv në vendin tonë, e që pa dyshim është duke na shpie drejt qëllimit të vetëm që kemi Pavarsisë së Kosovës.