Përse s’duhet ndalë “Mjaft”

OPINIONE

Përse s’duhet ndalë “Mjaft”

19 janar 2004 / TN

Rita LOLOÇI, Tiranë (Kryetare e Unionit Rinor për të Drejtat e Njeriut)


Lëvizja “Mjaft”, një lëvizje qytetarie të rinjsh ka filluar të shihet prej shqiptarëve të tejlodhur si një dritë shprese.

Disa nga aksionet dhe veprimet e saj kundër padrejtësive të shumta dhe sjelljes arrogante të pushtetit, kanë bërë efektin e tyre; lëvizja është përshëndetur ndërkaq nga brenda dhe jashtë vendit, ndërsa rreth saj janë mbledhur edhe disa personalitete të jetës shqiptare.

Por, përkundër këtyre rezultateve, edhe në këtë lëvizje që drejtohet prej disa të rinjve idealistë, ka shpesh herë konfuzion, ka punë të lëna përgjysmë, ka edhe tërheqje mbrapsht.

Aksioni më i ri për reflektimin e qeverisë ndaj tragjeëdisë së Karaburunit, mëgjithëse pati një mbështetje shkresore nga shumë individë të majtë, të djathtë dhe të paangazhuar, vetëm ditë e fundit arriti të mbledhë para selisë së kryministrisë një numër të konsiderueshëm protestuesish. Por ky aksion nuk mund të mbetet thjesht me një ndjesë të kryeministrit, megjithëse në këtë vend nuk ka shumë traditë normë e civilizimeve të sotme perëndimore; lëvizja mund të përqëndrohej në dorëheqje titullarësh që kanë lidhje më të drejpërdrejtë me tragjedinë dhe që nuk përjashtojnë kryeministrin.

Si një lëvizje e papolitizuar që nuk kërkon as largimin e një force politike dhe as ardhjeën në pushtet të një force tjetër, ajo duhet të ruhet nga të ashtuquajturit e pavarur që ruajnë një farë varësie në punët dhe bizneset e tyre; siç edhe mund të bëjë të vetat mbrojtjen e shuëm shtresave që janë aktualisht të argjilizuara nga pushteti ose ndihen të kërcënuar nga pushtetet e tjera.

Unë do të sugjeroja se një organ shtypi i kësaj lëvizje (edhe mjeti elektronik ka vlerën e vet) mund të gjente terren në situatën problematike dhe të politizuar të mediave, si dhe do të risillte një tribunë për shumë intelektualë që nuk e gjejnë vetën në asnjë parti.