|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Mitrovicë: Ndihmohen familjet me gjendje të rënë ekonomiko-sociale

Mitrovicë, 24 dhjetor 2003 / TN / Hysni SYLA - Kuvendi i Komunës ka realizuar ose është në realizim e sipër të një sërë projektesh për të ndihmuar familjet me gjendje të rënë ekonomiko-sociale. Drejtori i drejtorisë për Shëndetësi dhe Mirëqenje Sociale, dr Sadije Asllani-Bilalli ka bërë të ditur se nga buxheti i komunës janë ndarë mjete materiale në shumë prej rreth 54.000 Euro për blerjen e druve për nevoja të familjeve më të rrezikuara.

Me këto mjete janë blerë gjithsejtë 1.700 metra kubë dru, prej të cilave 1.000 metra janë shpërndarë në pjesën jugore të qytetit, kurse 700 metra në ate veriore. Në pjesën jugore, nga ky projekt kanë përfituar nga dy metra kubë dru 471 familje shqiptare, 11 familje serbe, pesë familje ashkali, pesë familje turke, pesë familje boshnjake dhe tri familje gorane.

Edhe në pjesën veriore, të 700 metrat e dedikuara të druve, nën mbikëqyrjen e UNMIK-ut u janë shpërnda familjeve të rrezikuara të të gjitha përkatësive etnike. Do theksuar se me rastin e shpërndarjes së druve, janë trajtuar të gjitha familjet që jetojnë në strehimoret koleltive, ndërkohë që përparësi kanë patur fëmijët patë dy prindërit, familjet e dëshmorëve, invalidët e luftës të UÇK-së, gratë kryefamiljare etj, të cilat kanë gjendje të rëndë ekonomiko-sociale.

 

Dr Sadije Asllani-Bilalli, ka njoftuar se në vigjile të festave të fundvitit, Bordi i Drejtorëve të Kuvendit të Komunës, ka marrë vendim që nga buxheti i komunës me nga 100 Euro të ndihmohen 30 familje të dëshmorëve dhe invalidëve të luftës, të cilat janë më të rrezikuara ekonomikisht.

Poashtu, dr Sadije Asllani-Bilalli ka njoftuar se Organizata Botërore për Ushqim FAO, në bashkëpunim me Ministrinë e Bujqësisë, ka dedikuar për komunën eMitrovicës 5.000 kilogramë miell. Nga kjo sasi e miellit do të përfitojnë nga 100 kilogramë 38 familje më të rrezikuara pjesën jugore të komunës, kurse sasia tjetër prej 1.200 kilogramësh do t'u jipet familjeve që janë raste sociale të tri fshatrave shqiptare në komunën e Zveçanit: Kelmend, Boletin dhe Zhazhë.

Në fund, drejtoresha e DSHMS-së, Sadije Asllani Bilalli, ka bërë të ditur se NTP "Vali Comerce", me rastin e Fitër Bajramit ka ndihmuar 20 familje me nga një pako gjëra ushqimore në vlerë prej 35,55 Euro.