Dega e LDK-së në Suedi uron presidentin Rugova dhe tërë popullit e Kosovës me rastn e 14 vjetorit të themelimit të LDK-së

Dega e LDK-së në Suedi uron presidentin Rugova dhe tërë popullit e Kosovës me rastn e 14 vjetorit të themelimit të LDK-së

DEGA E LDK-së NË SUEDI I´A URON PRESIDENTIT RUGOVA SI DHE TËRË POPULLIT TË KOSOVËS 14-VJETORIN E THEMELIMIT TË LIDHJES DEMOKRATIKE TË KOSOVËS, E CILA ËSHTË PARTIA E PARË POLITIKE DEMOKRATIKE SHQIPTARE ME ORIENTIM PROPERËNDIMOR

Suedi, 23 dhjetor 2003 / Afrim MUSLIU - Me rastin e 14-vjetorit të themelimit të Lidhjes Demokratike të Kosovës, Kryesia e Degës së LDK-së në Suedi, dërgon urime të përzemërta Presidentit të Kosovës, Dr. Ibrahim Rugova dhe Kryesisë së LDK-së. Poashtu urime të përzemërta i´u dërgojmë të gjitha Degëve, Nëndegëve, Aktiveve, si dhe tërë anëtarësisë së gjërë të LDK-së në Kosovë dhe Diasporë.

Sot është dita kur para 14-viteve u themelua partia e parë politike demokratike shqiptare me orientim properëndimor, e cila krahas sakrificës, pati guximin të dalë në ballë të popullit të Kosovës për ti thënë stop komunizmit, stop dhunës, stop vrasjeve, stop persekutimeve dhe stop sistemit të apartheidit që ushtrohej nga regjimi i Sërbisë ndaj popullatës shqiptare të Kosovës. Është kjo një ditë kur para 14-viteve lindi Lidhja Demokratike e Kosovës si një shpresë e re për një Kosovë të pavarur, të lirë dhe demokratike, në krye të së cilës u zgjodh Dr. Ibrahim Rugova, i cili duke u miqësuar me ShBA-të dhe shtetet evro-perëndimore, bëri që Kosova edhe pse gjindej në "tunel", të sheh një dritë në fund të tij.

Gjatë viteve kur Kosova gjindej ndër okupim, LDK-ja e cila mbante barrën kryesore të çështjes së Kosovës, ka arritur ti vë themelet e shtetit të Kosovës duke filluar me Deklaratën e Pavarësisë dhe Kushtetutën e Republikës së Kosovës dhe që zëri i kërkesave të popullit të Kosovës për pavarësi të ndëgjohet edhe tej Atlantikut. Lidhja Demokratike e Kosovës arriti që të bëhet simbol dhe udhërrëfyes i unitetit të popullit shqiptar drejt realizimit të synimeve tona, e cila edhe pas luftës së fundit në Kosovë, edhe pse armiqtë e Kosovës duke vrarë djemt më të mirë dhe vajzat më të mira dhe atdhetarët më të mëdhenjë të Kosovës, asnjëherë nuk arritën dhe kurrë nuk do të arrijnë që Presidentit Rugova dhe LDK-së t´ia ndërprejnë rrugën e pathyeshme për realizimin e qëllimit imperativ të shqiptarëve, Pavarësinë e Kosovës.

Andaj, edhe një herë nga zemra u´a urojmë 14-vjetorin e themelimit të Lidhjes Demokratike të Kosovës, të bindur thellë që së bashku, LDK-ja në Kosovë dhe LDK-ja në Diasporë të vazhdojmë frumën e bashkëpunimit dhe kontinuitetit drejt synimit tonë për njohjen sa më të shpejt të Pavarësisë së Kosovës.

Në emër të LDK-së Dega në Suedi:
Afrim Musliu, sekretar