Familja kërkon ndihmë për shërimin e Kadri Xhemjalit nga Katunishta e Podujevës

Familja kërkon ndihmë për shërimin e Kadri Xhemjalit nga Katunishta e Podujevës

Podujevë, 19 dhjetor 2003 (TN) – Xhafer Xhemajli, 20 vjeçar nga fshati Katunishtë i Podujevës, sot përmes një deklarate kërkoi ndihmë nga njerëzit vullnetmirë që ta ndihmojnë shërimin e të atit Kadriut i lindur në vitin 1945.

“Baba vuan qe një kohë nga kanceri dhe gjendja e tij shëndetësore është keqësuar kohët e fundit sepse na janë shterrur gjitha burimet për mjekimin e tij”, deklaroi Xhaferi.

Ai njoftoi mediat dhe opninonin publik se deri më tash familjarët e tij kanë shitur 25 copa dhenë, 35 qengja dhe një dem për ti paguar shpenzimet e trajtimit mjekësor të të atit, mirëpo aktualisht çdo burim material në familje e kanë shpenzuar. Sipas Xhaferit familja e tij 9 anëtarëshe ekziston në saje të ndihmave sociale, për çka ai e dokumentoi me librezën e ndihmave sociale.

“Vitin e kaluar kemi shpenzuar 4500 euro për tretmanin mjekësor në Shqipëri, kurse tash vizita në Prizren kushton 450 euro”, tha i riu Xhemajli duke kërkuar ndihmën e shoqërisë siç tha ai.

Të gjithë njerëzit e vullnetit të mirë dhe afaristët e biznesmenët që dëshirojnë ta ndihmojnë shërimin e Kadri Xhemajlit, mund të lajmërohen në fshatin Katunishtë të Podujevës, ose në numrin e telefonit të axhës së Xhaferit: 044/174 – 304. Familja falënderon paraprakisht të gjithë ata që mund të ndihmojnë këtë rast të rëndë.