|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Nga pjesëmarrja e Kryetarit të FR të LDK-së në takimin e radhës së YEPP-it në Vjenë

Të rinjtë e LDK-së në rrugën e  anëtarësimit në familjen e të Rinjve të Partive Popullore të Evropës…

Prishhtinë, 17 dhjetor 2003 / TN   Me ftesën e YEPP ( të Rinjve të Partive Popullore Evropiane ) kryetari i Forumit të Rinisë të LDK-së, z.Lulzim Zeneli, më 12 – 13 dhjetor ka marr pjesë në mbledhjën e rregullt të Këshillit Drejtues të kësaj organizate. Në këtë takim, i cili u mbajt në Vjenë morrën pjesë përfaqësues të më se 40 shteteve.

    

Me këtë rast, kryetari Zeneli pati takime të veçanta me kryetarin e YEPP-it, z. Daniel Bautista Lopez, i cili njëherit është këshilltar politik i kryeministrit spanjoll, Hoze Maria Aznar. Kryetar i FR të LDK-së,  po ashtu u takua edhe me nënkryetarët e YEPP-it, z. Markus Posentrup ( nga “CDU”-Gjermani ) dhe me Paolo Zanetto ( nga “Forza Italia”-Itali ).

 

Në të gjitha këto takime u konfirmua mbështetja e plotë e udhëheqësisë së YEPP-it për Forumin e Rinisë të LDK-së, sidomos bazuar në forcën dhe ndikimin që ka FR i LDK-së në të gjitha zhvillimet në Kosovë.

 

Deputeti i parlamentit të Kosovës dhe zëdhënësi i LDK-së, z.Lulzim Zeneli, me një fjalim prej 5 minutave iu drejtua edhe Këshillit të YEPP-it.

 

Ai foli për progresin e arritur në Kosovë dhe rrugën që po e ndjekin institucionet e Kosovës deri në njohjen e pavarësisë së Kosovës si zgjidhje e vetme dhe çelës i stabilitetit të rajonit dhe Evropës. Zoti Zeneli përmendi edhe sfidat dhe vështirësitë, nëpër të cilat po kalon Kosova gjatë këtij rrugëtimi. Z. Zeneli gjithashtu në fjalen e tij u fokusua edhe për rolin e LDK-së, si partia më e madhe në Kosovë, në të gjitha proceset në vend.

 

Në të gjitha takimet e kryetarit Zeneli me përfaqësuesit e partive të djathta të Evropës doli në pah mbështetja e fuqishëm e filozofisë politike të LDK-së dhe të Presidentit Rugova.që gëzon në arenën ndërkombëtare.

 

Drejtuesit e YEPP-it premtuan anagzhimin maksimal në përshpejtmimin e proceduarva për anëtarësim të Forumit të Rinisë së LDK-së në radhët e kësaj organizate. Me këtë rast, në emër të të rinjve të LDK-së, Kryetari Zeneli është zotuar në marrjen dhe përmbushjen sa më të shpejtë  të të gjitha obligimeve dhe detyrimeve që dalin nga ana e YEPP-it me rastin e fillimit të procedurës së anëtarësimit.

 

Po ashtu, në këtë takimin e Vjenës u konfirmau edhe pjesëmarrja e përfaqësuesve të Forumit të Rinisë së LDK-së edhe në takimet e radhës së YEPP-it që do të mbahen në vitin e ardhshëm.

 

Kjo pjesëmarrje e Kryetarit të FR të LDK-së në takimin e YEPP-it dëshmon edhe një herë fuqinë e Forumit të Rinisë si organizata më masive politike e të rinjëve në Kosovë, që di dhe mundet t’i përfaqësoj interesat e brezit të ri në Kosovë.