|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Podujevë: Afro 7 mijë nënshkrime janë mbledhur në peticionin për gjetjen e pengjeve të pagjetura

Podujevë, 15 dhjetor 2003 (TN) – Aksioni i Këshillit Koordinues i Asociacioneve Familjare të Pengjeve, të zhdukurve dhe familjeve me viktima të luftës (KKAF) dhe Rrjeti i aktivistëve “Kosova Action Network” për grumbullimin e nënshkrimeve për pengjet e pagjetura ka filluar para një muaji në komunën e Podujevës.

 

Koordinatori i Komiteteve të fshatrave  dhe Lagjeve të Qytetit Latif Mehmeti tha se aksioni që ka filluar me përkrahjen e udhëheqjes komunale ka rezultuar me grumbullimin e 5 mijë nënshkrimeve për pengjet e pagjetura, ndërsa Kryetari i NKMLDNJ-së në Podujevë Ahmet Hasani njoftoi se veprimtarët e këtij nënkëshilli kanë mbledhur 1750 nënshkrime dhe se po punohet në terren për mbledhjen e nënshkrimeve për gjetjen e pengjeve dhe të të zhdukurve nga Kosova, numri i të cilëve sipas organizatorëve të aksionit “ Të gjithëve po na mungojnë” është mbi 3500 persona.

 

Aksioni për mbledhjen e nënshkrimeve në komunën e Podujevës është duke vazhduar dhe vetëm në muajin e parë ka rezultuar me grumbullimin e afro 7 mijë nënshkrimeve, derisa në nivel të Kosovës, sipas organizatorit janë grumbulluar 50 mijë nënshkrime.