|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Gratë llapjane identifikuan problemet kryesore në kuadër të fushatës “Partitë politike punojnë për gratë”

		Podujevë, 11 dhjetor 2003 (TN) - Rrjeti i Grupeve të Grave të Kosovës - RRGGK, në kuadër të fushatës së avokimit “Partitë politike punojnë për gratë” mbajti sot në Podujevë një takim një ditor me gratë llapjane të jetës politike, gratë afariste, ato që punojnë në administratë, drejtuese dhe anëtarë OJQ-ve, zyrtare për çështje gjinore në komuna, në arsim, gra të reja, vajza, gra të moshuara, gra kryefamiljare, etj. Takimin e përshëndeti kordinatorja e kësaj fushate Shqipe Pantina, ndërkaq mori pjesë edhe z. Nexhmi Balaj drejtor, i Drejtorisë për rini, kulturë e sport i komunës së Podujevës. Kordinatorja e Shoqatës “Femrat në Veprim” zonjusha Igballe Hakiqi OJQ implementuese e këtij projekti për komunën e Podujevës tha se identifikimi i 3 probleme prioritare për gratë dhe komunitetin e tyre në komunën e tyre dhe në nivel të Kosovës, probleme që gratë do të dëshironin ti ndryshojnë gjatë katër vitet e ardhshme është qëllimi i takimit të grave llapjane.

Sipas organizatorit kjo është një formë e re e organizimit e cila shpresohet të jetë frytëdhënëse meqë grupet avokuese që do të krijohen do të përpiqen që problemet e identifikuara të lobojnë në institucionet komunale dhe qendrore, partitë politike që ato probeleme t’i inkorporojnë në fushatat e tyre elektorale.

Gratë llapjane pas diskutimit për problemet me të cilat ballafaqohen identifikuan tri probleme kryesore, që sipas tyre janë: mungesa e vendeve të punës, vonesa e procesit të privatizimit, pushimi i lehonisë, kyçja e femrave në vendimmarrje. Gratë llapjane diksutuan edhe mënyrën e zgjidhjes së tyre dhe ato probleme do t’ua propozojnë institucioneve dhe partive politike. “Mbi 50 pjesëmarrës në takimin e sotën në Podujevë propozuan edhe rekomandimet e tyre në zgjidhjen e problemeve të identifikuara si dhe formuan Grupin avokues prej 7 anëtarëve”, njoftoi znj. Hakiqi.

Sipas projekti i RRGGK-së, fushata e cila ka filluar nga nëntori i këtij viti dhe do të zgjatë deri në shkurt të vitit të ardhshëm, ka për qëllim që të siguorjë që brengat, idetë dhe propozimet e grave të inkorporohen në programet elektorale të partive politike për zgjedhjet nacionale 2004. “Në fund të fushatës do të hartohet një Manifetso e Grave me brengat, shqetësimet dhe prioritet e grave i cili do t’ju dërgohet partive politke me qëllim që të sigurojë pjesëmarrje efektive të gruas si votuese dhe kandidate në zgjedhjet e ardhshme”, thuhet ndër të tjera në dokumentin e RRGG të Kosovës.

Kjo fushatë është financuar nga Departamenti për Demokratizim i OSBE-së dhe është përkrahur nga STAR Network dhe UNIFEM-i, ndërkaq që në Podujevë e ka përkrahur edhe hoteli “Besiana” i cili ka siguruar ambientin për mbajtjen e kësaj fushate, por edhe intsitucionet komunale.