Dy lajme nga Podujeva

Dy lajme nga Podujeva

11 dhjetor 2003 / TN

Kryetari Agim Veliu përuroi Shtyllën e Paqes

Podujevë, 10 dhjetor 2003 (TN) – Në kuadër të shënimit të 10 dhjetorit, Ditës Ndërkombëtare të të Drejtave të Njeriut, sipas projektit të Njësisë së komunitetit të SHPK-së, sot u vendos Shtylla e Paqes përurimin e së cilës e bëri Kryetari i komunës Agim Veliu. Në k’të ceremoni rasti morën pjesë edhe përfaqësues të TMK-së, KFOR-it, nxënës e qytetarë tjerë.`

Kryetari Veliu në fjalën e tij tha se vendosja e Shtyllës në Parkun e Paqes, për të cilin dhanë idenë fëmijët familjes Bogujevci që i shpëtuan masakrës, por humbën më të dashurit e tyre, në k’të datë të shënimit të të Drejtave të Njeriut, merr simbolikën e shumfishtë. “Shqiptarët e Kosovës kanë treguar gjithëmonë përkushtimin për paqen dhe lirinë e të gjithë qytetarëve të saj.

Më se një dekadë ata iu nënshtruan një politike dhe regjimi që në histori ka lënë gjurmët e krimit deri në gjenocid, por ata kurr nuk rreshtën së shprehuri vullnetin për paqë dhe shpirtin e tyre liridashës”, tha kryetari Veliu dhe shtoi: Ideja e Sarandës, Jehonës, Gencit dhe fëmijëve tjerë të familjes Bogujevci për të ndërtuar Parkun e Paqes dhe vendosja e kësaj shtylle, në lokacionin e destinuar për k’të qëllim nis materializimin e idesë për çka edhe ne në institucionin e komunës jemi angazhuar e po angazhohemi në mënyrë të vazhdueshme dhe përditë.

Fjalë rasti paraqiti edhe komandanti i Stacionit policor i Podujevës gjermani Reimann Bernd dhe zv. komandanti Selim Ejupi në emër të SHPK-së të cilët sollën mesazhin e paqes dhe tolerancës në mes të komuniteteve dhe etniciteteve.

Drejtoria për rini, kulturë dhe sport në bashkëpunim me Qendrën e Kulturës së Podujevës dhe SHPK-në shfaqi programin “Magjia për paqë” me këngë e valle dhe recital të fëmijëve të HANDIKOS-it kushtuar paqes si dhe gara në atletikë.


Qeveria komunale mbështet masat e Grupit Punues për për realizimin e të hyrave vetanake

Podujevë, 10 dhjetor 2003 (QIK) – Këshillit i Drejtorëve – KD i KK të Podujevës, udhëhequr nga Kryeshefi i Ekzekutivit Ejup Visoka sot mbajti takimin ku mori pjesë edhe kryetari i komunës Agim Veliu dhe përfaqësuesi i UNMIK-ut Shahzad Khan Bangash. KD mbështeti masat që ka propozuar Grupi Punues për realizimin e të hyrave vetanake.

Në këtë mbledhje, në emër të GP të përbërë nga Drejtioria e inspeksionit, ajo e Urbanizmit, Gjeodozisë dhe pronës dhe drejtoria për buxhet dhe fianaca, Drejtori Islam Revuçi propozoi masat që do të ndërmirren ndaj obliguesve tatimorë dhe të tarfiave komunale duke u bazuar në rexhistrin e obliguesve paraqitur nga GP.

Ndër masat që do të ndërmerren ndaj obliguesve që nuk i kanë kryer obiligimet tatimore komunale u përmend edhe mbyllja e subjekteve afariste duke filluar nga ata që kanë obligime më të mëdha, mirëpo edhe ndaj gjithë tjerëve që i kanë borgj komunës. Qeveria komunale autorizoi GP që tatimpaguesve që i kanë borgj një shumë më të madhe të mjeteve materiale tu mundësohet pagesa në këste.

Me këto masa obligohen subjektet afariste që kanë borxhe të mëdha që në afatin brenda 3 ditësh ti përmbushin obligimet ndaj komunës, pastaj të githë shfrytëzuesit e përkohshëm të pronës komunale, pronarët e kiosqeve, shfrytëzuesit e përkohshëm të hapësirës para lokaleve afarsite, shfrytëzuesit e kisoqeve lëvizëse dhe pronarët e banakëve që brenda 7 ditësh ti kryjenë obligimet, ndryshe organet përgjegjëse komunale do të mbyllin lokalet dhe do të marrin masa tjera ligjore.

Me masat që mori Qeveria komunale obligohen: Drejtoria për Kadastër, gjeodezi dhe pronë të bëjë tërheqjen-ndërprerjen e kontratave, Drejtoria për Urbanizëm dhe shërbime publike tërheqjen e lejeve, kurse Drejtoria e Inspeksionit të bëjë largimin e kiosqeve. Për zbatimin e këtyre masave përkujdesen Drejtoritë përkatëse në GP në bashkëpunim me SHPK-në dhe policinë e UNMIK-ut.

Grupi punues i ka njoftuar subjektet afariste për masat që do të ndërmerren dhe sipas Drejtorit të drejtorisë për buxhet dhe fianaca z. Mehmet Gashi disa nga ata kanë filluar kryerjen e obligimeve ndaj komunës.