|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Ali Ahmeti është pritur me kritika të ashpra në Danimarkë

Kopenhagë,  30 nëntor 2003 - Në vend të luleve për vizitën e tij të parë në Danimarkë në cilesinë e kryetarit të BDI-së dhe ish udhëheqësi politik i Ushtrisë Clirimtare Kombëtare, z.Ahmeti mori kritika të ashpra, sidomos për njerëzit që i ka në kryesinë qëndrore të parisë së tij. Imer MEMISHI  Kryetari i Bashkimit Demokratik për Integrim dhe ish udheheqësi politik i UÇK-së në Maqedoni z. Ali Ahmeti, i shoqeruar nga nënkryetari i parlamentit te Maqedonise z.Hysni Shaqiri dhe anëtari i kryesisë së BDI-së z. Xhevat Ademi gjatë turneut të tyre në Amerikë dhe Europë më 29 nëntor mbajtën nje tubim me bashkatdhetarët në Kopenhagë të Danimarkës.

 

Pasi z.Ali Ahmeti paraqiti qellimin e turneut të tij në diasporë, me theks - informimin rreth situatës politike dhe të sigurisë në IRJM dhe procesit të implementimit të marrëveshjes së Ohërit dhe kërkesës për bashkatdhetarët  që të investojnë në vendlindje, ai me pas shprehu dëshirën që të bashkëbisedoj me të pranishmit në këtë tubim.

Meqë temë diskutimi ishte pozita e popullit shqiptar në IRJM dhe situata politike dhe e sigurisë pas luftës së vitit 2001. Të pranishmit parashtruan pyetje të shumta që kryesisht iu drejtuan z. Ali Ahmeti. Ato ishin shumë të ashpra dhe përmbajtësore.

 

Ky takim me z. Ahmeti nuk u pritë me lule në Danimarkë, por me kritka të ashpëra, bile edhe me polemika nga ish ushtarët e tij, kryesisht rreth inkuadrimit të disa individëve nga diaspora në radhët e kryesisë qendrore të BDI-së dhe në qeverinë e Maqedonisë si persona më të pamerituar në luftën e Ushtrisë Çlirimtare Kombetare, apo siç u tha: "njerëz qe kane shëtitur si kauboj nëpër rrugët e Europës gjatë pranverës së vitit 2001". Këto pyetje e shtanguan deri në atë masë z. Ahmeti,  sa të mos jet në gjendje të jap përgjigje dhe të skuqej.

Pyetje iu drejtuan edhe z. Xhevat Ademi, sidomos pas deklaratës së tij se nuk do të jetë më anëtar i kryesisë qendrore të BDI-së dhe nuk do të merret me politikë  duke mos u pajtuar me politiken e BDI-së pas vrasjeve te dy të rinjve shqiptarë nga fshati Brezë e Kumanovës.

Kështu, zotërinjtë e Bashkimit Demokratik për Integrim e pësuan shumë rëndë nga bashkatdhetarët në Danimarkë. Shumë tema tjera qe u desh të diskutohen mbetën të padiskutuara,  sidomos rreth fondit Liria Kombetare, llogaria e pa dhënë e z. Musa Xhaferri i cili aktualisht është zv.kryeministër i Maqedonisë.