|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Urimi i Kryetarit të KK të Mitrovicës Faruk Spahija drejtuar qytetarëve të komunës për Festën e Flamurit

27 nëntor 2003 / TN

 

 

Bashkëqytetarë të nderuar,

 

Në emër të këshilltarëve të Kuvendit të Komunës, në emër të bashkëpunëtorëve dhe në emrin tim personal, ju uroj 28 Nëntorin-Festën e Flamurit, ditën më të pasur në Historinë e Kombit Shqiptar dhe Ditëlindjen e Komandantit Legjendar Adem Jashari.

 

Festën e sivjeme gjithëkombëtare-Ditën e Flamurit dhe ate të Ditëlindjes së Komandantit Legjendar Adem Jashari, po e kremtojmë me të arritura të reja, në të gjitha fushat e jëtës dhe të punës, që na mundësojnë të jemi një hapë më përpara  drejtë Pavarësisë së Kosovës.

 

Qyetarët e komunës duhet të jenë krenarë për Festat e sivjeme të 28 Nëtorit, sepse ato po i kremtojnë me një varg  të të arriturash të reja dhe në kushte më të mira jetese. Është numri i madh i problemeve të zgjidhura në fushën e infrastrukturës, qoftë në vendet urbane apo në ato rurale, për zgjidhejn e të cilave, Kuvendi i Komunës, Ministritë e vendit dhe donatorët e ndryshëm, kanë investuar mjete të shumta materiale.

 

Poashtu, bashkëqytetarë të nderuar, këto festa po i kremtojmë në kohën kur janë arritur rezultate të pamohueshme në përmisimin e situatës së përgjithshme politike e të sigurisë në komunë, në krijimin e kushteve shumë më të mira për lëvizjen e lirë të qytetarëve në të dyja pjesët e qytetit, që janë parakushte themelore për integrimin më të përshpejtuar të qytetit.

 

Duke ju dëshiruar çdo të mirë në jetë, urojmë që 28 Nëntorin e ardhshëm ta kremtojmë në qytetin plotësisht të bashkuar,  në Kosovën Unike e të Pavarur.

 

Mitrovicë, 27.11.2003                                 Kryetari i Kuvendit të Komunës

                                                                           Faruk SPAHIJA