|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Me rastin e 28 Nëntorit Ministri Zef Morina dhe kryetari Agim Veliu përuruan rrugën e asfaltuar Podujevë-Shajkofc

		Podujevë, 27 nëntor 2003 (TN) – Në kuadër të shënimit të Festës së Flamurit – 28 Nëntorit, sot në fshatin Shajkofc të Podujevës, Ministri i Postelekomunikacionit në Qeverinë e Kosovës Zef Morina dhe kryetari i komunës së Podujevës Agim Veliu përuruan solemnisht rrugën e asfaltuar Podujevë – Shjakofc. Në këtë ceremoni rasti pos ministrit Morina me bashkëpunëtorë morën pjesë edhe udhëheqja komunale dhe drejtorët e drejtorive, banorët të Shajkofcit dhe rrethinës dhe qytetarë tjerë të shumtë që me daulle e flamuj shndërruan në festë të madhe këtë gjarje.

Në emër të fshatit Shajkofc Islam Bekolli, pasi përshëndeti të gjithë të pranishmit fjalën i dha kryetarit të komunës së Podujevës i cili tha: Për këto 4 vjet në Podujevë, në Llap, kemi aq infrastrukturë si; rrugë, ujësjellës, rrjete kanalizimi, objekte shkollore, shtëpi e biznese që disa dhjetëvjetësha nuk arritën a nuk deshtën ta bënin. “Rëndësinë e kësaj vepre do ta çmojnë fëmijët tuaj tha në fjalën e tij drejtuar të pranishmëve kryetari Veliu duke shtuar:

Nesër është datë e shënuar e 28 Nëntorit, Dita e Flamurit, ndaj gjetëm k’të ditë, për ta përuruar rrugën. Datat si kjo dhe ato të historisë më të re fitojnë në peshë e marrin kuptimin kur kapim bilance të arriturash, realizime pritjesh e premtimesh që pasurojnë jetën dhe e bëjnë atë më të dashur, më të çmuar”, tha z. Veliu. Ai deklaroi se gjithë këto që bëjnë jetë, që jetë i thomë, i mundëson jeta e lirë e me ne këtu; me përpjekje, me ndërgjegje dhe miqtë që nuk kursejnë.

Në fjalën e tij Veliu falënderoi publikisht Ministrin Morina dhe Këshilltarin politik të Kryetarit Rugova Skënder Hysenin që bënë të ecë projekti i asfaltimit të rrugës Podujevë – Shjakofc duke uruar qytetarët për Festën e Flamurit dhe rrugën e asfaltuar.

Ndërkaq ministri Morina duke uruar qytetarët e shumtë për 28 Nëntorin dhe rrugën e asfaltuar ndër të tjera tha se Ministria e Postelekomunikacionit është e përkushtuar që në bazë të kapaciteteve financiare dhe profesionale që posedon, do të punojë në zhvillimin e infrastrukturës rrugore në të gjitha pjesët e Kosovës, në mënyrë që qytetarëve t’ju mundësohet qarkullim i lirë dhe më i mirë “sepse infrastruktura rrugore ndikon drejtëpërdrejtë në zhvillimin ekonomik të vendit”, pohoi Ministri Morina.

Në këtë kuadër z. Morina tha se MTPT-ja po bën përpjekje që të sigurohen fonde të nevojshme për të rehabilituar, riparuar dhe ndërtuar infrastrukturën rrugore në gjithë Kosovën.

Projekti i asfaltimit të kësaj rruge të gjatë 7 km, sipas zyrtarëve komunalë mbërrinë vlerën mbi 730 mijë euro, prej të cilave komuna Ministria e Postelekomunikacionit ka siguruar 500 mijë, komuna 150 mijë dhe komuniteti mbi 34 mijë euro. Asfaltimin e kësaj rruge e ka realizuar kompania nga sojeva e Ferizajt “Papenburg & Adriani”.