|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

KK i Podujevës aprovoi projekt buxhetin e komunës për vitin 2004 dhe strategjinë e zhvillimit ekonomik për 3 vitet e ardhshme

Podujevë, 26 nëntor (TN) – Në seancën e 13-të të KK të Podujevës të udhëhequr nga kryetari Agim Veliu u diskutua për projekt buxhetin e komunës për vitet 2004-2006, me theks të veçantë për vitin 2004 si dhe për Strategjinë e zhvillimit ekonomik të komunës së Podujevës 2003-2006.

Projektbuxhetin për vitet 2004-2006, me theks të veçantë e paraqiti drejtori i Drejtorisë për buxhet dhe financa Mehmet Gashi i cili ndër të tjera potencoi se buxheti për këtë vit është 24 % më i lartë se vitin e kaluar.

Pas vërejtjeve që u paraqitën Projekt buxheti i komunës së Podujevës për vitin 2004 u aprovua njëzëri nga këshilltarët e Kuvendit komunal me sugjerimin që pasi Qeveria e Kosovës të miratojë buxhetin në nivel qendror, para KK të Podujevës të dilet me një projekt të detajizuar të buxhetit.

Projektin “Strategjia e Zhvillimit ekonomik të komunës së Podujevës 2003-2006” u paraqit para këshilltarëve nga Kryesuesi i ekipit të ZHEL-it Isak Mehmeti i cili tha se ky ështe një dokument që u fokusua në përshkrimin e gjendjes në komunë, vlerësimin konkurrues, vizionin, synimet dhe objektivat dhe projektet e parapara për 3 vitet e ardhshme.

“Dokumenti i cili ka qenë edhe në diskutim publik nuk është i përkryer, por paraqet një bazë të mirë për zhvillimin ekonomik lokal” duke pohuar se ka vend për vërejtje, sugjerime dhe propozime.

Ndërkaq këshilltarët e të gjitha partive politike parqitën vërejtjet e veta dhe propozimet që duhet ti shtohen strategjisë së zhvillimit ekonomik lokal, i cili sipas Kryetarit Veliu paraqet një dokument me aprovimin e të cilit komuna mund të absorbojë donacione për realizimin e projekteve të ndryshme. Edhe projekti për strategjinë e zhvillimit ekonomik lokal u miratua nga kuvendi komunal i Podujevës.