|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

KRYESIA E DEGËS SË LDK-së NË SUEDI TAKOHET ME KRYETARIN E FR TË LDK-së DHE DEPUTETIN E PARLAMENTIT TË KOSOVËS, Z. LULZIM ZENELI

MALMÖ (Suedi), 24 nëntor 2003 / TN - Kryesia e LDK-së Dega në Suedi të dielën (më 23 nëntor) u takua me kryetarin të FR të LDK-së dhe deputetin e Parlamentit të Kosovës, z. Lulzim Zeneli, i cili po qëndron për një vizitë njëjavore në këtë vend. Të pranishëm në këtë takim ishin të gjithë anëtarët e Kryesisë në përbërje:

z. Hysen Ibrahimi – kryetar, z. Osman Ahmetgjekaj – nënkryetar, z. Afrim Musliu – sekretar, z. Avdi Rama, z. Ali Rexhepi, z. Kamer Bytyqi, z. Fatmir Azemi, z. Bajram Nikqi, z. Sinan Hasani dhe z. Rexhep Ajdini, anëtarë të Kryesisë.

Para se të fillojë takimi, si shenjë përkujtimi për trevjetorin e vrasjes së Këshilltarit për Informim të Presidentit Rugova, z. Xhemajl Mustafa, i cili u vra nga dora e zezë tinzare-tradhtare dhe antikombëtare, Kryesia mbajti një minutë heshtjeje. Pastaj, sekretari i Degës së LDK-së për Suedi, z. Afrim Musliu, përshëndeti iniciativën e Forumit Rinor të LDK-së për organizimin e parakalimit të qytetarëve si shenjë përkujtimi të vrasjes së një atdhetari aq të madhë, siç ishte i nderuari z. Xhemajl Mustafa.

Takimin e udhëhoqi kryetari i Degës z. Hysen Ibrahimi, i cili pasi që përshëndeti z. Lulzim Zeneli dhe i uroi mirëseardhje në Suedi si dhe për sukseset e arritura në kontaktet me organet më të larta shtetërore suedeze, njoftoi z. Zeneli për aktivitetin e kësajë Dege gjatë tërë këtyre viteve. Më tej, kryetari luti z. Zeneli që ta marrë fjalën që ta informojë Kryesinë e Degës për situatën aktuale në Kosovë dhe rreth saj.

Z. Lulzim Zeneli mori fjalën, i cili në fjalën e vet preku dhe diskutoi për shumë çështje aktuale në Kosovë, i cili ndër tjerash tha: Misioni ynë ende nuk ka përfunduar dhe kërkoi nga degët e LDK-së në Diasporë që në vendet në të cilat ato veprojnë që t´ua përsëritni në çdo takim me institucionet shtetërore të atyre vendeve që zgjidhja e vetme e statusit të Kosovës është Pavarësia e saj. Vetëm në këtë mënyrë ata do të kuptojnë se populli i Kosovës është mëse i vendosur në këtë drejtim dhe se zgjidhje tjetër për Kosovën nuk ka.

Poashtu dërshiroi – vazhdoi z. Zeneli – që ta përshëndes unitetin e Kryesisë së Degës së LDK-së në Suedi dhe dua të ceki se puna e kësajë Dege respektohet dhe çmohet shumë nga LDK-ja në Kosovë.

Pati pyetje dhe diskutime të shumta nga të gjithë anëtarët e Kryesisë, ku edhe një herë u potencua kontinuiteti në mes të LDK-së në nivelin qëndrorë dhe Degës së LDK-së në Suedi.

Në fund mori fjalën kryetari i Degës, z. Hysen Ibrahimi, i cili falënderoi z. Zeneli për një prezentim të denjë të situatës aktuale në Kosovë dhe objektivat për të cilat është përcaktuar popullata e Kosovës për pavarësimin e sajë dhe theksoi edhe një herë, se Dega e LDK-së në Suedi, gjithnjë e ka përkrahur, përkrahë dhe gjithnjë do ta përkrahë vijën politike të Presidentit të Kosovës, Dr. Ibrahim Rugova dhe falënderoi z. Lulzim Zenelin për vizitë që i ka bërë Degës në Suedi dhe vendit ku ajo Degë vepron, kështu që ftoi z. Zeneli në një darkë solemne që do ta organizojë kjo Degë të mërkurën për nder të vizitës së kryetarit të FR të LDK-së dhe deputetit të Parlamentit të Kosovës, z. Lulzim Zeneli në këtë vend.