Dy shpërthime masive trondisin Stambollin

Dy shpërthime masive trondisin Stambollin

20 nëntor 2001 / "Zëri i Amerikës"

Nga shpërthimet e dy bombave para konsullatës britanike dhe një banke po britanike në Stamboll humbën jetën 27 vetë dhe u plagosën rreth 450 të tjerë. Mes viktimave është edhe Konsulli i Përgjithshëm Britanik në Turqi.

Guvernatori i Stambollit tha se personat që kryen sulmin shpërthyen dy makina-bombë, në një sulm me sa duket të bashkërenduar. Sekretari i Jashtëm britanik tha se sulmet janë një akt terrorist që kanë gjithë gjurmët e një sulmi të Al-Kaidës.

Pesë ditë më parë, 25 persona u vranë nga sulmet vetëvrasëse para dy sinagogëve po në Stamboll. Autorët e këtyre shpërthimeve janë identifikuar si shtetas turq që mund të kenë lidhje me Al-Kaidën.

Ministri i Jashtëm Abdullah Gul tha se Turqia do të vazhdojë të luftojë kundër terrorizmit që ka goditur vendin e tij. ACT. GUL -- “Ne po ndeshemi me sulme të organizuara terroriste. Për fat të keq shumë njerëz të pafajshëm humbën jetën, por ne do të vazhdojmë të luftojmë kundër terrorizmit.”

Shpërthimi i parë, rreth orës 9 të mëngjesit, shkatërroi një pjesë të bankës britanike H-S-B-C në distriktin financiar të Leventit. Shpërthimi i dytë, shkatërroi një pjesë të konsullatës britanike në distriktin qendror të Beyoglut.
Mes viktimave është edhe Konsulli i Përgjithshëm Britanik Roger Short.

Ambasadori amerikan në Turqi Eric Edelman u shprehu ngushëllimet e qeverisë së tij zyrtarëve të lartë turq dhe britnaikë.
“Ky ëshjtë një akt i tmershëm i atyre që po godasin vetë rrënjët e civilizimit. Uroj që ndihma jonë të jetë e vlefshme për autoritetet turke. Ne u shprehim ngushëllimet tona gjithë familjeve që humbën sot të afërmit e tyre.”

Ministri i Drejtësisë i Turqisë, Cemil Cicek, tha se shpërthimit e sotme ishin të ngjashme me sulmet vetëvrasëse me makina-bombë ndaj dy sinagogëve të Stambollit ditën e shtunë. Autoritetet turke besojnë se metodat e përdorura në shpërthimin e sotëm ishin të njejta me ato të javës së kaluar.

Agjencia e lajmeve Anatolia njofton se disa persona anonimë morrën përgjegjësinë për shpërthimet në emër të Al-Kaidës dhe një grupi të vogël islamik turk të njohur me emrin Fronti i Kalorësve të Mëdhenj Islamikë të Lindjes.