|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Podujevë: "World Vision" interesohet për opinionet e institucioneve dhe qytetarëve për punën 4 vjeçare

Podujevë, 20 nëntor 2003 (TN) – Menaxheri i Qendrës ndërkombëtare për komunikim i organizatës “World Vision” John Schenk, sot vizitoi komunën e Podujevës dhe u takua me zv. kryetarin Agim Kikaj.

Zv. Kikaj e njoftoi z. Shenk me gjithë atë që është punuar nga World Vizioni në të gjitha planet e që nga Kikaj u vlerësua e suksesshme. Mirëpo, zv. kryetari e njoftoi edhe për nevojat dhe kërkesat që janë të shumta për çka komuna po përpiqet të krijojë kushte dhe mundësi zhvillimi si dhe lehtësira për ata që investojnë në ndërmarrje të vogla dhe të mesme.

Në kontekst të strategjisë së zhvillimit Kikaj prezantoi prioritet e komunës që bazohen në resurset ekzistuese njerëzore dhe natyrore. Ndër të tjera z. Kikaj e njoftoi z. Shenk për planin urbanistik dhe nevojën e hartimit të tij, projektin e zhvillimit të turizmit në Liqenin e Batllavës si dhe ndihmën e madhe që ka dhënë e po jep Qeveria e Tirolit të Austrisë, por edhe për vizionin e zhvillimit të turizmit malor në pjesën veriore të komunës, e cila është e pasur me florën dhe faunën e begatshme. “Ka dëme të shumta nga prerja ilegale e pyejeve, por qëllimi ynë është që vizionin e turizmit dhe të zhvillimit të asaj pjese ta bëjmë realitet sepse ka kushte edhe për zhvillimin e blegtorisë, përpunimin e frytave të ndryshme, përpunimin e drurit, etj”, pohoi z. Kikaj.

“Ne punojmë këtu qe 4 vjet dhe tani shpresojmë dhe përpiqemi të sigurojmë fonde dhe mjete për të siguruar programe afatgjata të zhvillimit”, tha Shenk duke shtuar: Jam duke ndihmuar drejtorin e World Vizionit në mbledhjen e opinioneve nga udhëheqësit, institucionet dhe qytetarët për punën tonë gjatë katër viteve të kaluara.

Në bisedë me z. Kikaj menagjeri i WVI Communication’s Centre nënvizoi projektet dhe ndihmën që "WV" ka dhënë në projekte të ndryshme në të gjitha fushat në Kosovë. “Jam shumë i kënaqur me informatat që mora nga z. Kikaj për zhvillimin e përgjithshëm të komunës së Podujevës  që do të na nevojiten për të parë planet për strategjinë e zhvillimit në të ardhmen”, deklaroi Shenk. Ai tha se nga opinionet e deritashme është i kënaqur me punën dhe projektet që World Vizioni ka realizuar në Kosovë.