Dy lajme nga Podujeva

Dy lajme nga Podujeva

Kryetari Veliu priti udhëheqësin e Zyrës Regjionale të OSBE-së në Prishtinë


Kryetari Veliu pas takimit deklaroi se me z. Ungureanu biseduan për gjendjen e përgjithshme në komunë si dhe për bashkëpunimin në mes të komunës së Podujevës dhe OSBE-së.

Ndërkaq shefi i zyrës regjionale të OSBE-së deklaroi se u njoftua me gjendjen aktuale në komunë nga kryetari Veliu, prioritetet e udhëheqjes komunale dhe ndihmën që OSBE-ja mund ta japë për Kuvendin komunal.

z. Ungureanu rikonfirmoi gatishmërinë e OSBE-së për ndërtimin e kapaciteteve në trajnimin e këshilltarëve të Kuvendit komunal dhe ka shprehur kënaqësinë me GKP për të kthyerit dhe ka inkurajuar autoritete komunale që të vazhdojnë të punojnë në atë drejtim.

Shefi i zyrës regjionale të OSBE-së z. Ungurueano u takua edhe me Kryeshefin e Ekzekutivit të Podujevës.


Dëmet nga zjarri në shtëpinë e shëndetit të Podujevës vlerësohen rreth 7 mijë euro

Podujevë, 19 nëntor 2003 (TN) – Komisioni i formuar për vlerësimin e dëmeve nga zjarri që ditë më parë kaploi ngrohtoren e shtëpië së shëndetit të Podujevës ka vlerësuar se dëmi i shkaktuar nga kjo fatkeqësi është rreth 7 mijë euro, deklaroi sot Drejtori i këtij institucioni dr. Bahri Thaçi.

“Është dëmtuar objekti, 2 gjeneratorë që ishin jashtë përdorimit, një presë e barit, 3 akumulatorë të gjeneratorëve dhe një kanister e naftës”, njoftoi z. Thaçi duke shtuar: Me ndihmën e punëtorëve të shtëpisë së shëndetit, ngrohtorja është riaktivizuar dhe ka filluar të punojë, kështu që procesi i punës po vazhdon normalisht.

Sipas Drejtorisë për Mbrojtje Civile dhe Emergjencë, ditë më parë në shtëpinë e shëndetit në Podujevë zjarri përfshiu hapsirat e nxemjes qendrore ku ishin të vendosur rezervoarë të derivateve që shfrytëzoheshin për ngrohjen e objektit me ç’rast ishte lënduar punëtori Fatmir Hasani.

Lidhur me këtë rast policia po i vazhdon hetimet mirëpo ende nuk ka dhënë njoftim lidhur me shkaqet dhe faktorin që shkaktoi zjarrin.